হায়দৰাবাদ : ৰজনীকান্তৰ বহু প্ৰত্যাশিত ছবি কুলিৰ দৃশ্যগ্ৰহণ আনুষ্ঠানিকভাৱে সমাপ্ত হৈছে । একশ্যন-থ্ৰিলাৰ ছবিখন লোকেশ কানাগৰাজে ছান পিকচাৰ্ছৰ বেনাৰত পৰিচালনা কৰিছে । চলচ্চিত্ৰখনৰ প্ৰযোজনা প্ৰতিষ্ঠানটোৱে তেওঁলোকৰ ছ'চিয়েল মিডিয়া প্লেটফৰ্ম এক্সত এটা পোষ্টৰ জৰিয়তে দৃশ্যগ্ৰহণ সম্পূৰ্ণ হোৱাৰ বাতৰি শ্বেয়াৰ কৰে ৷
পোষ্টটোত ফিল্ম ছেটৰ পৰা পৰ্দাৰ আঁৰৰ একশ্যনৰ আভাস দিয়া হৈছে, য’ত কেৱল ৰজনীকান্তেই নহয়, তেওঁৰ সহঅভিনেতা নাগাৰ্জুন, শ্ৰুতি হাছান, পূজা হেগড়ে আৰু পৰিচালকগৰাকীকো দেখা গৈছে । দৃশ্যগ্ৰহণ আনুষ্ঠানিকভাৱে সমাপ্ত হোৱাৰ ঘোষণাই বছৰৰ শেষৰ ফালে মুক্তি পাবলগীয়া ছবিখনক লৈ আশা অধিক বৃদ্ধি কৰিছে । যদিও ছান পিকচাৰ্ছে এতিয়ালৈকে কোনো মুক্তিৰ তাৰিখ নিশ্চিত কৰা নাই, তথাপিও বাতৰি অনুসৰি ছবিখন ১৪ আগষ্টত ছবিগৃহত মুক্তি পোৱাৰ পৰিকল্পনা কৰা হৈছে । সংবাদ মাধ্যমৰ আন আন বাতৰি অনুসৰি ছুটীৰ বতৰ অৰ্থাৎ ওনাম বা দীপাৱলীৰ আশে-পাশে ছবিখন মুক্তি পাব পাৰে ।
প্ৰযোজনা প্ৰতিষ্ঠানে পোষ্ট কৰা ভিডিঅ’টোক লৈ অনুৰাগীৰ বহু প্ৰতিক্ৰিয়া দেখিবলৈ পোৱা গৈছে । এজনে লিখিছে, "গেংষ্টাৰ মুডত থালাইভা ।" একে সময়তে আন এজন ব্যৱহাৰকাৰীয়ে ভিডিঅ’টোৰ ওপৰত মন্তব্য কৰি লিখিছে, "কলীউডৰ প্ৰথম ১০০০ কোটি উপাৰ্জন ।" অন্য এজনে লিখিছে, "কলীউডৰ প্ৰথম ১০০০ কোটি উপাৰ্জন লোড হৈ আছে ।"
যোৱা বছৰৰ জুলাই মাহৰ পৰা আৰম্ভ হৈছিল ‘কুলি’ৰ শ্বুটিং । ইতিমধ্যে ঘোষণা কৰা হৈছে যে পূজা হেগড়েই ছবিখনত নৃত্য কৰিব । ছান পিকচাৰ্ছৰ বেনাৰত নিৰ্মিত ‘কুলি’ তামিল, হিন্দী, তেলুগু আৰু কান্নাড়া ভাষাতো মুক্তি পাব ।
পৰিচালক লোকেশ কানাগৰাজে বলীউডৰ ছুপাৰষ্টাৰ আমিৰ খানক জন্মদিনৰ শুভেচ্ছা জনাই ছবিখনত তেওঁৰ উপস্থিতি নিশ্চিত কৰে । ১৪ মাৰ্চত আমিৰ খান আৰু লোকেশ কানাগৰাজ দুয়োজনেই জন্মদিন উদযাপন কৰে ।
চলচ্চিত্ৰখনত উপেন্দ্ৰ, সত্যৰাজ আৰু সৌবিন শ্বাহিৰৰ দৰে তাৰকাৰ সৈতে আকৰ্ষণীয় কলাকুশলী অন্তৰ্ভুক্ত আছে । বলীউড অভিনেতা আমিৰ খানকো এটা বিশেষ কেমিঅ'ৰ বাবে বাছনি কৰা হৈছে । কাৰিকৰী দলটোত চিত্ৰগ্ৰহণকাৰী গিৰীশ গংগাধৰণ, সম্পাদক ফিলোমিন ৰাজ আৰু সুৰকাৰ অনিৰুদ্ধ ৰবিচন্দৰ আছে । কুলিয়ে লোকেশ কানাগৰাজ আৰু ৰজনীকান্তক প্ৰথমবাৰৰ বাবে একেলগে কৰিছে, যিয়ে ব্যাপক গুঞ্জনৰ সৃষ্টি কৰিছে । ইয়াৰ উপৰিও, ৰজনীকান্তক ছুপাৰষ্টাৰ অমিতাভ বচ্চনৰ সৈতে ভেট্টায়ানতো দেখিবলৈ পোৱা যাব ।
লগতে পঢ়ক : 74 বছৰীয়া ৰজনীকান্তৰ অবাস্তৱিক একশ্যনে মন মুহিলে নেটিজেনৰ
