‘মিছ ৱৰ্ল্ড’ৰ মুকুটে শোভা পাইছে সৰ্বাধিক ভাৰতীয় সুন্দৰীৰ শিৰতেই

হায়দৰাবাদ : ৩১ মে’ত তেলেংগানাৰ হায়দৰাবাদত অনুষ্ঠিত হোৱা ৭২ সংখ্যক মিছ ৱৰ্ল্ড প্ৰতিযোগিতাৰ সামৰণি পৰে আৰু থাইলেণ্ডৰ ওপাল চুচাটাই মুকুট লাভ কৰে । ভাৰতক প্ৰতিনিধিত্ব কৰি ৰাজস্থানৰ নন্দিনী গুপ্তাই শীৰ্ষ ২০ ৰ ভিতৰত স্থান লাভ কৰিবলৈ সক্ষম হয় যদিও শীৰ্ষ ৮ ৰ ভিতৰত স্থান নিশ্চিত কৰিব নোৱাৰিলে । এইবাৰ ভাৰত হতাশাৰ সন্মুখীন হ’ল ৷ কিন্তু আপুনি জানেনে ‘মিছ ৱৰ্ল্ড’ৰ ইতিহাসত ভাৰতৰ নামত সৰ্বাধিক মুকুট লাভ কৰাৰ কৃতিত্ব আছে । ভাৰতী সুন্দৰীসকলে সৰ্বাধিকবাৰ ‘মিছ ৱৰ্ল্ড’ৰ মুকুট লাভ কৰি দেশলৈ গৌৰৱ কঢ়িয়াই আনিছে ।

ভাৰতে ৬ বাৰকৈ মিছ ৱৰ্ল্ড খিতাপ দখল কৰিছে-

• লণ্ডনত মিছ ৱৰ্ল্ড 1966 খিতাপ দখল কৰা প্ৰথমগৰাকী মিছ ইণ্ডিয়া আছিল ৰেইতা ফাৰিয়া
• 1994 চনত এই খিতাপ দখল কৰা দ্বিতীয়গৰাকী ভাৰতীয় আছিল ঐশ্বৰ্য ৰায়
• অভিনেত্ৰী তথা মডেল ডায়েনা হেডনে 1997 চনত মিছ ৱৰ্ল্ড খিতাপ জিকিছিল
• 1999 চনত যুক্তা মুখীয়ে মিছ ৱৰ্ল্ডৰ মুকুট নিজৰ নামত কৰিছিল
• গ্লোবেল তাৰকা প্ৰিয়ংকা চোপ্ৰাই 2000 চনত মিছ ৱৰ্ল্ড খিতাপ জিকিছিল
• 2017 চনত মানুষী চিল্লাৰে মিছ ৱৰ্ল্ড খিতাপ জিকিছিল

ভাৰতৰ পিছত আছে এইসমূহ দেশ

ভাৰতৰ সমান্তৰালকৈ ভেনিজুৱেলাও এই তালিকাৰ শীৰ্ষত আছে ৷ কাৰণ এই দেশখনেও ৬ বাৰকৈ মিছ ৱৰ্ল্ড খিতাপ লাভ কৰিছে । ইয়াৰ পিছত আছে যুক্তৰাজ্য, যাৰ ভাগত আছে পাঁচটা মিছ ৱৰ্ল্ড খিতাপ । ইয়াৰ বাহিৰে আমেৰিকাই তিনিবাৰকৈ মিছ ৱৰ্ল্ডৰ মুকুট লাভ কৰিছে আৰু দক্ষিণ আফ্ৰিকাইয়ো তিনিবাৰকৈ মিছ ৱৰ্ল্ডৰ মুকুট লাভ কৰিছে ।

ভাৰতক প্ৰতিনিধিত্ব কৰে নন্দিনী গুপ্তাই

নন্দিনী গুপ্তাই ২০২৫ চনৰ মিছ ৱৰ্ল্ডত ভাৰতক প্ৰতিনিধিত্ব কৰি শীৰ্ষ ২০ গৰাকী প্ৰতিযোগীৰ ভিতৰত অন্তৰ্ভুক্ত হৈ ভাৰতক গৌৰৱান্বিত কৰি তোলে । ভাৰতে ২০২৪ আৰু ২০২৫ চনত এই সৌন্দৰ্য প্ৰতিযোগিতাৰ আয়োজন কৰে । তেলেংগানাৰ হায়দৰাবাদত এই সৌন্দৰ্য প্ৰতিযোগিতাৰ সামৰণি পৰে য'ত থাইলেণ্ডে প্ৰথমবাৰৰ বাবে মিছ ৱৰ্ল্ড খিতাপ জয় কৰি ইতিহাস সৃষ্টি কৰে । এই প্ৰতিযোগিতাত থাইলেণ্ডৰ ওপাল চুচাটাক মিছ ৱৰ্ল্ডৰ মুকুট পিন্ধোৱা হয় ।

লগতে পঢ়ক : মিছ ৱৰ্ল্ড খিতাপ বিজয়ীয়ে লাভ কৰা সুবিধা, ট্ৰফী, পুৰস্কাৰসমূহ কি কি