জীৱনত পৰা আৰু কি লাগে!...৪৪ সংখ্যক বিবাহ বাৰ্ষিকীত কিয় আবেগিক হৈ পৰিল হেমা মালিনী ? - Hema Dharmendra Wedding Anniversary

চিটাৰা ডেস্ক, 2 মে’: বলীডউৰ এটি জনপ্ৰিয় দম্পত্তি হৈছে ধৰ্মেন্দ্ৰ-হেমা মালিনী ৷ শ্বোলে, ড্ৰিম গাৰ্ল, সীতা-গীতাৰ দৰে জনপ্ৰিয় ছবিত অভিনয় কৰা হেমা-ধৰ্মেন্দ্ৰই 1980 (২ মে’)চনৰ আজিৰ দিনটোতে সাত জনমৰ বাবে বান্ধ খাই পৰিছিল ৷ আজি তেওঁলোকৰ বিবাহৰ 44 বছৰ সম্পূৰ্ণ হ’ল ৷

বৰ্তমানৰ যুৱ প্ৰজন্মৰ অনুৰাগীসকলেও তেওঁলোকৰ যোৰাটো খুবেই ভাল পায় ৷ এই উপলক্ষে ‘ড্ৰিম গাৰ্লে ছ’চিয়েল মিডিয়াত ফেন ক্লাবে নিৰ্মাণ কৰা এটা ভিডিঅ’ শ্বেয়াৰ কৰিছে, য’ত এই দম্পতীৰ বহু স্মৰণীয় মুহূৰ্ত প্ৰদৰ্শন কৰা হৈছে ৷

বৃহস্পতিবাৰে হেমা মালিনীয়ে নিজৰ অফিচিয়েল ইনষ্টাগ্ৰামত এজন অনুৰাগীৰ ভিডিঅ’ শ্বেয়াৰ কৰি এটা সুন্দৰ টোকা সংলগ্ন কৰে ৷ কেপচনত তেওঁ লিখিছে, ‘আজি আমাৰ বিবাহ বাৰ্ষিকী ৷ ৪৪ বছৰীয়া একেলগে থকা, ২ গৰাকী ধুনীয়া ছোৱালী, মৰমলগা ল'ৰা-ছোৱালী আমাৰ চাৰিওফালে আৰু তেওঁলোকৰ মৰমেৰে আমাক বান্ধি ৰাখিছে ৷ আমাৰ অনুৰাগী আৰু তেওঁলোকৰ প্ৰাৰ্থনা ৷ জীৱনৰ পৰা আৰু কি লাগে ? এই সুখৰ উপহাৰৰ বাবে সৰ্বশক্তিমান দেৱৰ প্ৰতি আমাৰ চিৰকৃতজ্ঞতা ৷ এজন অনুৰাগীয়ে বনোৱা ভিডিঅ' ৷

ইফালে, কন্যা ঈশা দেউলেও পিতৃ-মাতৃলৈ বিবাহ বাৰ্ষিকীৰ শুভেচ্ছা জনাইছে ৷ পিতৃ-মাতৃৰ এখন সুন্দৰ ছবি শ্বেয়াৰ কৰি কেপচনত লিখিছে- 'মা দেউতা বিবাহ বাৰ্ষিকীৰ শুভেচ্ছা থাকিল ৷' মই তোমালোকক পূজা কৰো, মই তোমালোকক ভাল পাওঁ আৰু মই মাত্ৰ তোমাক সাৱটি ধৰিব বিচাৰো ৷

১৯৮০ চনত ধৰ্মেন্দ্ৰ আৰু হেমা মালিনীৰ বিবাহ হয় ৷ তেওঁলোকৰ দুগৰাকী কন্যা- ঈশা দেউল আৰু অহনা দেউল ৷ হেমা ধৰ্মেন্দ্ৰৰ দ্বিতীয় পত্নী ৷ ধৰ্মেন্দ্ৰৰ প্ৰথম পত্নী প্ৰকাশ কৌৰ, যাৰ পৰা তেওঁৰ তিনিগৰাকী পুত্ৰ ছানী দেওল আৰু ববি দেউল, আৰু দুগৰাকী কন্যা সন্তান ৷

লগতে পঢ়ক: গেলেক্সিত গুলীচালনা; জেলতে মৃত্যু গুলীচালনাকাৰীৰ : হত্যা নে আত্মহত্যা ? - Salman Khan House Firing