এতিয়াও প্ৰমাণপত্ৰৰ বাবে ৰৈ থকা হৈছে : কংগনা ৰনৌত - EMERGENCY POSTPONED
KANGANA ON EMERGENCY DELAY : কংগনা ৰনৌতে নিজৰ ছবি ইমাৰ্জেন্সি পিছুৱাই দিয়াৰ কথা শ্বেয়াৰ কৰিছে ইনষ্টাগ্ৰামত । লগতে তেওঁ অনুৰাগীসকলক অৱগত কৰে যে নতুন মুক্তিৰ তাৰিখ অতি সোনকালে শ্বেয়াৰ কৰা হ’ব । আজি 2024 চনৰ 6 ছেপ্টেম্বৰত ছবিখনে ছবিগৃহত মুক্তি লাভ কৰাৰ কথা আছিল ।
By ETV Bharat Entertainment Team
Published : September 6, 2024 at 1:54 PM IST
চিটাৰা ডেস্ক, 6 ছেপ্টেম্বৰ : অভিনেত্ৰীৰ পৰা ৰাজনীতিবিদ হোৱা কংগনা ৰনৌতে শুকুৰবাৰে কয় যে তেওঁৰ পৰিচালনাৰ প্ৰথম ছবি ইমাৰ্জেন্সি পিছুৱাই দিয়া হৈছে আৰু শীঘ্ৰে নতুন মুক্তিৰ তাৰিখ ঘোষণা কৰা হ’ব । ৰনৌতৰ ৰচনা আৰু সহযোগী প্ৰযোজনাৰ এই ৰাজনৈতিক পিৰিয়ড ছবিখন শুকুৰবাৰে সমগ্ৰ দেশৰ চিনেমাগৃহত মুক্তি পোৱাৰ কথা আছিল যদিও নিৰ্মাতাসকলে এতিয়াও চেণ্ট্ৰেল ব’ৰ্ড অফ ফিল্ম চাৰ্টিফিকেশ্যনৰ পৰা সঁহাৰি পোৱা নাই আৰু বিষয়টো বৰ্তমান আদালতত চলি আছে ।
হিমাচল প্ৰদেশৰ মাণ্ডিৰ বিজেপি সাংসদ ৰনৌতে এক্স পোষ্টত কয়, "গভীৰ হৃদয়েৰে মই ঘোষণা কৰিছো যে মোৰ পৰিচালনাৰ ইমাৰ্জেন্সি পিছুৱাই দিয়া হৈছে, আমি এতিয়াও চেন্সৰ ব’ৰ্ডৰ পৰা প্ৰমাণপত্ৰৰ বাবে অপেক্ষা কৰি আছো, আপোনাৰ বুজাবুজি আৰু ধৈৰ্যৰ বাবে ধন্যবাদ, সোনকালেই নতুন মুক্তিৰ তাৰিখ ঘোষণা কৰা হ'ব ৷"
ছবিখনত কংগনাই প্ৰাক্তন প্ৰধানমন্ত্ৰী স্বৰ্গীয় ইন্দিৰা গান্ধীৰ চৰিত্ৰ ৰূপায়ণ কৰিব ৷ এই সপ্তাহৰ আৰম্ভণিতে চিবিএফচিয়ে মুক্তিত পলম কৰাৰ বাবে প্ৰমাণপত্ৰ স্থগিত ৰখাৰ অভিযোগ উত্থাপন কৰিছিলল কংগনাই । শিৰোমণি অকাল দলকে ধৰি শিখ সংগঠনসমূহে সম্প্ৰদায়টোক ভুলকৈ উপস্থাপন কৰাৰ অভিযোগ উত্থাপন কৰাৰ পিছত ছবিখন বিতৰ্কত আৱদ্ধ হৈ পৰিছে ।
বুধবাৰে মধ্যপ্ৰদেশ উচ্চতম ন্যায়ালয়ে জাৰি কৰা নিৰ্দেশৰ পিছত বম্বে উচ্চ ন্যায়ালয়ে কোনো ধৰণৰ জৰুৰী সকাহ দিবলৈ অস্বীকাৰ কৰে, য’ত চেন্সৰ ব’ৰ্ডক চিনেমাখনৰ প্ৰমাণ দিয়াৰ পূৰ্বে আপত্তি বিবেচনা কৰিবলৈ নিৰ্দেশ দিয়া হৈছিল । জি এণ্টাৰটেইনমেণ্ট এণ্টাৰপ্ৰাইজে ইমাৰ্জেন্সি প্ৰযোজনা কৰিছে ৷ অনুপম খেৰ, শ্ৰেয়াস তালপাড়ে, বিষক নাইৰ, মহিমা চৌধুৰী আৰু মিলিন্দ সুমনক ছবিখনত গুৰুত্বপূৰ্ণ চৰিত্ৰত দেখিবলৈ পোৱা যাব ।
