গুৱাহাটী: বৰ্ষাপাৰা ষ্টেডিয়ামত দেওবাৰে আই পি এলৰ বৰ্ণিল সাংস্কৃতিক অনুষ্ঠানত অংশগ্ৰহণ কৰা অভিনেত্ৰী ছাৰা আলী খানে সোমবাৰে পুৱাৰে পৰাই দৰ্শন কৰিলে কেইবাটাও মন্দিৰ ।
ব্ৰহ্মপুত্ৰৰ পাৰত পোৰা মাকৈৰো জুতি ল'লে অভিনেত্ৰীগৰাকীয়ে । এই মন্দিৰ দৰ্শনত বলীউডৰ জনপ্ৰিয় অভিনেত্ৰীগৰাকীক সংগ দিয়ে অভিনেত্ৰী আইমী বৰুৱাই ।
দেওবাৰে আই পি এল 2025 ৰ এখন মেচ অনুষ্ঠিত হয় গুৱাহাটীৰ বৰ্ষাপাৰা ষ্টেডিয়ামত ৷ ৰাজস্থান ৰয়েলছ আৰু চেন্নাই ছুপাৰ কিংছৰ মাজত অনুষ্ঠিত এই মেচখনত বৰ্ণিল সাংস্কৃতিক অনুষ্ঠানত অংশগ্ৰহণৰ বাবে আহিছিল বলীউডৰ জনপ্ৰিয় অভিনেত্ৰী ছাৰা আলী খান ৷
সোমবাৰে শক্তিপীঠ মা কামাখ্যাধাম দৰ্শন কৰে অভিনেত্ৰীগৰাকীয়ে । কামাখ্যাধাম দৰ্শন কৰিয়ে পোনে পোনে অভিনেত্ৰীগৰাকী ৰাওনা হয় উমানন্দ মন্দিৰ দৰ্শনৰ বাবে ।
অভিনেত্ৰীগৰাকীক সংগ দিয়ে অভিনেত্ৰী আইমী বৰুৱাই । উমানন্দ মন্দিৰ দৰ্শনৰ পিছতেই অভিনেত্ৰীগৰাকীয়ে ব্ৰহ্মপুত্ৰৰ পাৰত পোৰা মাকৈৰো সোৱাদ ল'লে ।
কামাখ্যা-উমানন্দ দৰ্শনৰ পিছতেই মুম্বাইলৈ ৰাওনা হয় অভিনেত্ৰীগৰাকী ।
