বেম্বো ডেন্সৰ আঁৰৰ কাহিনীৰে স্বৰ্ণ কমল বঁটা লাভ কৰা শিল্পীকা বৰদলৈ

যোৰহাট : যোৱা শুকুৰবাৰে ঘোষণা হয় ৭১ সংখ্যক ৰাষ্ট্ৰীয় চলচ্চিত্ৰ বঁটা । এই ৰাষ্ট্ৰীয় চলচ্চিত্ৰ বঁটাত নন-ফিচাৰ ছবি শাখাত শ্ৰেষ্ঠ নৱাগত পৰিচালকৰ বঁটা লাভ কৰিছে শিল্পীকা বৰদলৈয়ে ।

যোৰহাটৰ শিল্পীকা বৰদলৈয়ে পৰিচালকৰ প্ৰথম নন-ফিচাৰ চিত্ৰৰ শ্ৰেষ্ঠত্বৰ শাখাত "Mau: The Spirit Dreams of Cheraw" শীৰ্ষক মিজো তথ্যচিত্ৰৰ বাবে স্বৰ্ণ কমল বঁটা লাভ কৰিবলৈ সক্ষম হৈছে । তেওঁ এই ছুটি ছবিখন নিৰ্মাণৰ আঁৰৰ কাহিনীৰ লগতে এই যাত্ৰাৰ বহুতো কথাই কৰিলে ব্য়াখ্য়া ।

যোৰহাটৰ গৌৰৱ, বিশিষ্ট নাট্যশিল্পী, নৃত্যশিল্পী তথা বিছমিল্লা খান যুৱ সংগীত নাটক একাডেমী বঁটা প্ৰাপক শিল্পীকা বৰদলৈৰ এই সফলতাক লৈ সাংস্কৃতিক ক্ষেত্ৰখনত আনন্দৰ বন্যা বোৱাৰ লগতে সকলোৱে তেওঁক কৰিছে প্ৰশংসা । এইগৰাকী চলচ্চিত্ৰ পৰিচালকৰ সৈতে হোৱা এক সাক্ষাৎকাৰত তেওঁ কয়, "মই ৰাষ্ট্ৰীয় বঁটা লাভ কৰা ছবিখনৰ নাম হৈছে Mau: The Spirit Dreams of Cheraw । মিজো ভাষাত Mau মানে বেম্বো অৰ্থাৎ বাঁহ আৰু Cheraw হৈছে বেম্বো ডেন্স । বাঁহ আৰু মানুহৰ মাজত থকা সৰ্ম্পকৰ বিষয়ে মই বহু বছৰৰ পৰা গৱেষণা কৰি আহিছো । গৱেষণাৰ অন্তত মই ২০২৩ চনত এই ছবিখনৰ নিৰ্মাণৰ কাম আৰম্ভ কৰিলো । মিজোৰামৰ বিভিন্ন লোকেচনত গৈ কাম কৰা হৈছিল ।"

বেম্বো ডেন্সৰ আঁৰৰ কাহিনী :

বেম্বো ডেন্সৰ আঁৰত আছে কাহিনী । এই বিষয় জনসাধাৰণৰ মাজত উপস্থাপন কৰাৰ উদ্দেশ্য়ে ছুটি ছবিখন নিৰ্মাণ কৰা হৈছে বুলি উল্লেখ কৰি শিল্পীকা বৰদলৈয়ে কয়, "এই ছবিখন হৈছে থলুৱা লোক সংস্কৃতিৰ কাহিনী । কেনেকৈ বেম্বো ডেন্সৰ আঁৰত লুকাই আছে এটা কাহিনী, ফিল্মখন চালে সেইসমূহ বিষয়বস্তু লাভ কৰিব । সহজ অৰ্থত কবলৈ গ'লে ইয়াৰ কাহিনীটো হ'ল কিহৰ কাৰণে বেম্বো ডেন্স কৰা হয় । ছবিখন চালেই সেয়া বুজি পাব ।"

৮ মিনিটৰ ছবিতেই সকলো প্ৰকাশ হৈছে :

মাতৃৰ সৈতে ৰাষ্ট্ৰীয় চলচ্চিত্ৰ বঁটা বিজয়ী শিল্পীকা বৰদলৈ (ETV Bharat Assam)

এই ছবিখন ৮ মিনিট ২১ ছেকেণ্ডৰ । এখন ছুটি ছবিখনত কেনেদৰে জড়িত হৈ আছিল সেই সম্পৰ্কে ব্য়াখ্য়া কৰি তেওঁ কয়, "এই ছবিখনত মই নিজেই কেমেৰাৰ সন্মুখত আৰু কেমেৰাৰ পিছফালে থাকিও কাম কৰিছো । এটা মিজো সাংস্কৃতি দলে বেম্বো ডেন্স প্ৰদৰ্শন কৰিছিল । লগতে মিউজিচিয়ানো আছিল ।"

তিনিবছৰ বয়সৰ পৰাই নৃত্য় কৰিছে শিল্পীকাই :

শিল্পীকা বৰদলৈ শৈশৱৰে পৰাই নৃত্য়ৰ সৈতে জড়িত হৈ আহিছে বুলি উল্লেখ কৰি কয়, "মোৰ যাত্ৰা আৰম্ভ হৈছিল নৃত্যৰ জৰিয়তে আৰু তিনি বছৰ বয়সৰ পৰাই নৃত্য় কৰিছো । মণিপুৰী আৰু ভাৰত নাট্য়ম শিকিছো । তাৰ পিচত মই মোৰ শাৰীৰিক অভিনয় শৈলীৰে কিছু কাহিনী ক'বলৈ আৰম্ভ কৰিলো ।"

তেওঁৰ নতুন পৰিকল্পনা সন্দৰ্ভত কয়, "অসমৰ পটভূমিতত প্ৰকৃতি আৰু মানুহ সম্বন্ধক লৈ এখন দীঘলীয়া ছবি আৰম্ভ কৰিম । ছবিখন এতিয়া যাত্ৰা পথত আছে আৰু সময় ১ ঘন্টা হ'ব ।" উল্লেখ্য় যে শিল্পীকা বৰদলৈৰ নৃত্যৰ পথাৰখন দেশ-বিদেশলৈও সম্প্ৰসাৰিত ।