হায়দৰাবাদ : মুক্তি লাভ কৰিলে আল্লু অৰ্জুনৰ বহু প্ৰতীক্ষিত ছবি 'পুষ্পা ২: দ্য ৰুল' এ ৷ আজি অৰ্থাৎ ৫ ডিচেম্বৰত সমগ্ৰ বিশ্বজুৰি মুক্তি পাই ছবিখনে । ছবিখনৰ প্ৰিমিয়াৰ শ্ব’ মুক্তিৰ কেইঘণ্টামান পূৰ্বে হায়দৰাবাদত প্ৰদৰ্শন কৰা হয় । আল্লু অৰ্জুন, ৰশ্মিকা মান্দান্না আৰু পুষ্পা ২ ৰ দলটোও প্ৰিমিয়াৰ শ্ব’ত উপস্থিত হয় । এই বিশেষ মুহূৰ্তটোৰ ভিডিঅ' সামাজিক মাধ্যমত ভাইৰেল হৈ পৰিছে ।
ছ’চিয়েল মিডিয়াত ভাইৰেল হোৱা ভিডিঅ’টোত আল্লু অৰ্জুনক তেওঁৰ গাড়ীত সন্ধ্যা থিয়েটাৰৰ বাহিৰত দেখা গৈছে । ক’লা চাৰ্ট, একেই ৰঙৰ পেণ্ট আৰু ধূসৰ জেকেট পিন্ধা আল্লুক যথেষ্ট ধুনীয়া দেখা গৈছিল । সংবাদ মাধ্যমৰ খবৰ অনুসৰি আল্লু অৰ্জুনে পিন্ধা এই পোছাক তেওঁক উপহাৰ দিছিল বিজয় দেৱেৰাকোণ্ডাই । শ্ব’ত প্ৰৱেশ কৰাৰ লগে লগে অনুৰাগীসকলক সম্ভাষণ জনাই দক্ষিণৰ ছুপাৰষ্টাৰে ।
#WATCH | Telangana: Actor Allu Arjun arrives at Sandhya theatre in Hyderabad for the premiere show of his film 'Pushpa 2: The Rule'. pic.twitter.com/Pkzra7Y1ja
— ANI (@ANI) December 4, 2024
ছ’চিয়েল মিডিয়াত প্ৰেক্ষাগৃহৰ ভিতৰৰ কিছু ভিডিঅ’ও প্ৰকাশ পাইছে । ভিডিঅ’টোত ৰশ্মিকা মান্দান্না আৰু আল্লু অৰ্জুনক এগৰাকী মহিলাৰ সৈতে কথা পাতি থকা দেখা গৈছে । ছবিখন চোৱাৰ পিছত ছুপাৰষ্টাৰগৰাকী থিয়েটাৰৰ পৰা ওলাই অহাও দেখা যায় ।
#WATCH | Telangana: Actor Allu Arjun at Sandhya theatre in Hyderabad for the premiere show of his film 'Pushpa 2: The Rule'. pic.twitter.com/xFgbqFL9n8
— ANI (@ANI) December 4, 2024
আনহাতে, আল্লু অৰ্জুনৰ আগমনৰ খবৰ পোৱাৰ লগে লগে অনুৰাগীৰ মাজত হুলস্থুলৰ সৃষ্টি হয় । এই হুলস্থুলত এগৰাকী মহিলা অনুৰাগীৰ মৃত্যুও হয় বুলি জানিব পৰা গৈছে ৷ আনহাতে বহু লোক আহত হয় । মৃত মহিলাগৰাকীৰ দুটা সন্তানো এই আহতসকলৰ ভিতৰত আছে ।
অন্ধ্ৰ প্ৰদেশ, তেলেংগানা আৰু বেংগালুৰুৰ নিৰ্বাচিত ছবিগৃহত 'পুষ্পা ২: দ্য ৰুল'ৰ প্ৰিমিয়াৰ প্ৰদৰ্শন কৰা হয় । ৫ ডিচেম্বৰত সুকুমাৰৰ দ্বাৰা পৰিচালিত চলচ্চিত্ৰখন বিশ্বৰ বিভিন্ন ছবিগৃহত বিভিন্ন ভাষাত মুক্তি দিয়া হৈছে ।
লগতে পঢ়ক : পুষ্পা ফায়াৰ নেহি ৱাইল্ড ফায়াৰ হে-বায়কোৰ বাবে আন্তৰ্জাতিক খেলুৱৈ হৈ পৰে পুষ্পাৰাজ
