গুৱাহাটী : থিয়েটাৰৰ অভিনেত্ৰীক নিৰ্যাতনৰ অভিযোগত গ্ৰেপ্তাৰ হৈছে শৰীৰচৰ্চাবিদ তথা অভিনেতা ভাস্কৰ তামুলী । সোমবাৰে বিয়লি গুৱাহাটী পৰা পানবজাৰ মহিলা আৰক্ষীয়ে গ্ৰেপ্তাৰ কৰে ভাস্কৰ তামুলীক ।
যুৱতীৰ ফটো ভাইৰেল কৰিম বুলি ভাবুকি দিয়াৰ অভিযোগ ভাস্কৰৰ তামুলীৰ বিৰুদ্ধে । সমান্তৰালভাৱে বিবাহৰ প্ৰস্তাৱ দি ব্লেকমেইলিং কৰাৰো অভিযোগ উত্থাপন হৈছে ভাস্কৰ তামুলীৰ বিৰুদ্ধে ৷
ভুক্তভোগী অভিনেত্ৰীগৰাকীৰ মাতৃয়ে ভাস্কৰ তামুলীৰ বিৰুদ্ধে পানবজাৰ মহিলা আৰক্ষী থানাত এহজাৰ দাখিল কৰিছিল । অভিনেত্ৰীগৰাকীৰ মাতৃৰ সেই অভিযোগৰ ভিত্তিতে ৰুজু কৰা হৈছিল গোচৰ ।
অভিনেত্ৰীগৰাকীৰ মাতৃৰ অভিযোগৰ ভিত্তিত 39/25 কেছ নম্বৰত ৰুজু কৰা হয় গোচৰ । ভাৰতীয় ন্যায় সংহিতাৰ 123/351(3)/78/79/296/117(2) আৰু সংলগ্ন ধাৰা 67/67(a) it আইনৰ আধাৰত গ্ৰেপ্তাৰ কৰা হয় অভিনেতা তথা শৰীৰচৰ্চাবিদ ভাস্কৰ তামুলীক । বৰ্তমান পানবজাৰ মহিলা আৰক্ষী থানাতে ৰখা হৈছে তামুলীক ।
আনহাতে মঙলবাৰে আদালতত হাজিৰ কৰি জিম্মাত লোৱাৰ সম্ভৱনা আছে অভিনেতাগৰাকীক । উল্লেখ্য যে, কেইবাখনো ধাৰাবাহিক আৰু চিনেমাত অভিনয় কৰিছে ভাস্কৰ তামুলীয়ে ৷
লগতে পঢ়ক : কৃষ্ণমণি চুতীয়াৰ প্ৰযোজনাৰে নতুন বিহুগীত বিহুৱা মনজিতৰ শুভমুক্তি
