ৱাশ্বিংটন : ৰাষ্ট্ৰপতি ড'নাল্ড ট্ৰাম্পে কৈছে যে বুধবাৰে তেওঁৰ শুল্ক ঘোষণা আমেৰিকাৰ বাবে 'মুক্তি দিৱস' হিচাপে পৰিগণিত হ'ব । কিন্তু আমেৰিকান ব্যৱসায় আৰু বিত্তীয় বজাৰবোৰ তেওঁৰ স্বঘোষিত বাণিজ্য নীতিৰ দ্বাৰা সৃষ্টি হোৱা অনিশ্চয়তাৰ পৰা মুক্ত হোৱাৰ সম্ভাৱনা নাই ।
যেতিয়া ট্ৰাম্পে পাৰস্পৰিক শুল্ক কি হ'ব সেয়া ঘোষণা কৰিব, সেই সময়ত কিছু ডাঙৰ প্ৰশ্ন উত্থাপন হ'ব বুলি আশা কৰা হৈছে । ইয়াত আমেৰিকাৰ আমদানি শুল্ক বৃদ্ধি কৰাটো আমেৰিকাৰ সামগ্ৰীৰ ওপৰত আন দেশবোৰে আৰোপ কৰা শুল্কৰ সমান হ'ব । ইয়াৰ দ্বাৰা কোম্পানীবোৰৰ এই বিষয়ত অধিক স্পষ্ট ধাৰণা হ'ব যে কিমানখন দেশ প্ৰভাৱিত হ'ব আৰু শুল্ক কিমান উচ্চ হ'ব ।
তথাপিও অৰ্তনীতিবিদসকলে কয় যে আগন্তুক মাহবোৰত বাণিজ্য আৰু শুল্কক লৈ প্ৰশ্ন উঠি থাকিব । অধিক শুল্ক পাইপলাইনত আছে আৰু নিৰ্দিষ্ট উদ্যোগ যেনে ফাৰ্মাচিউটিকেল, তাম আৰু কাঠক লক্ষ্য কৰিব পাৰে । আনহাতে, আমেৰিকাই আন দেশৰ সৈতে চুক্তিত উপনীত হ'ব পাৰে, যিয়ে পাৰস্পৰিক শুল্ক সলনি কৰিব পাৰে । ইয়াৰ উপৰি এনেকুৱা অগণন বিৱৰণো থাকিব, যিয়ে কোনবোৰ আমদানি কৰৰ দ্বাৰা প্ৰভাৱিত হ'ব সেইটো নিৰ্ধাৰণ কৰিবলৈ আৰু সমাধান কৰিবলৈ কেইমাহমান সময় ল'ব পাৰে ।
ইয়াৰ ফলস্বৰূপে কিছুসংখ্যক বিশ্লেষকে আশা কৰে যে বুধবাৰৰ ঘোষণাই বহুতো ব্যৱসায় আৰু ৱাল ষ্ট্ৰীট বিনিয়োগকাৰীয়ে বিচৰা ধৰণে নিশ্চিয়তা আনিব ।
বৰ্তমান ষ্টেনফৰ্ড বিশ্ববিদ্যালয়ৰ অৰ্থনীতিবিদ নিকোলাছ ব্লুম আৰু তেওঁৰ দুজন সহকৰ্মীয়ে সৃষ্টি কৰা অৰ্থনৈতিক নীতিৰ অনিশ্চয়তাৰ পৰিমাপ 1985 চনত ইয়াৰ আৰম্ভণিৰ পৰা মহামাৰীক বাদ দি ইয়াৰ সৰ্বোচ্চ স্তৰত আছে ।
ব্লুমে কয় যে যেতিয়া ব্যৱসায়বোৰ এই বিষয়ক লৈ অনিশ্চিত যে অৰ্থনৈতিক নীতি ক'লৈ গৈ আছে, তেতিয়া তেওঁলোকে মুখ্য ব্যয় প্ৰকল্পবোৰ স্থগিত ৰখাৰ আৰু লেহেম নিয়োগ কৰাৰ সম্ভাৱনা অধিক । আৰু যেতিয়া নিশ্চিত নহয়, তেতিয়া গ্ৰাহকসকলে সাধাৰণতে ব্যয়ৰ ক্ষেত্ৰত অধিক সতৰ্কপূৰ্ণ দৃষ্টিভংগী লয় ।
ব্লুমে কয়, "২ এপ্ৰিলত শুল্কৰ ওপৰত পুনৰবাৰ চূড়ান্ত ঘোষণা হ'লে অনিশ্চয়তা হ্ৰাস হ'ব পাৰে । কিন্তু মই সন্দেহ কৰোঁ যে এইটো চলিত ঘোষণাৰ এটা শৃংখলা হ'ব ।"
হোৱাইট হাউছৰ মুখপাত্ৰ কুশ দেশায়ে কয় যে ট্ৰাম্পে আমেৰিকাৰ মহানতা পুনৰুদ্ধাৰৰ প্ৰয়োজনীয়তা সম্পৰ্কে কেইবা দশক ধৰি স্পষ্টভাৱে প্ৰকাশ কৰি আহিছে । "আমেৰিকা কেৱল বিদেশী নিৰ্মিত অংশৰ এক সমাবেশকাৰী হ'ব নোৱাৰে- আমি এক উৎপাদন শক্তিক্ষেত্ৰ হ'ব লাগিব, যি আমাৰ ৰাষ্ট্ৰীয় সুৰক্ষা আৰু অৰ্থনৈতিক স্বাৰ্থৰ বাবে গুৰুত্বপূৰ্ণ উদ্যোগৰ যোগান শৃংখলাৰ প্ৰতিটো পদক্ষেপত আধিপত্য বিস্তাৰ কৰে ।" তেওঁ কয় ।
ৱৰ্লড এম্বলেমৰ মুখ্য কাৰ্যবাহী বিষয়া ৰেণ্ডি কাৰে কয় যে তেওঁ আশা কৰে যে তেওঁ মেক্সিকো আৰু কানাডাত প্ৰস্তুত কৰা সামগ্ৰীবোৰ বুধবাৰৰ ঘোষণাৰ লগে লগে 25% শুল্কৰ সন্মুখীন হ'ব । কোম্পানীটোৱে ইতিমধ্যে গ্ৰাহকসকলক জাননী দিছে যে তেওঁলোকে 8% মূল্যবৃদ্ধি কৰিব । ৱৰ্লড এম্বলেম কোম্পানীয়ে বিশ্ববিদ্যালয় আৰু আইন প্ৰৱৰ্তনকাৰী সংস্থাৰ বাবে বেজ, পেচ আৰু লেবেল প্ৰস্তুত কৰে ।
ফেব্ৰুৱাৰীত কাৰে প্ৰায় 9 নিযুত ডলাৰ বিনিয়োগ স্থগিত ৰাখিছিল । ইয়াৰে বেছিভাগ তেওঁ কৃত্ৰিম বুদ্ধিমত্তা আৰু অনলাইন বাণিজ্যৰ বাবে ব্যয় কৰাৰ পৰিকল্পনা কৰিছিল । তেওঁ উক্ত ধনখিনিৰ কিছু অংশ খৰচ কৰিবলৈ আৰম্ভ কৰিছে, কিন্তু তেওঁ পছন্দ কৰাতকৈ অধিক লাহে লাহে কৰি আছে ।
"আমি নাজানো যে আমাক শুল্কৰ বাবে ধনৰ প্ৰয়োজন হ'বনে নাই । বুধবাৰে কি হ'ব কোনে জানে ।" তেওঁ কয় ।
ইতিমধ্যে গাড়ী, ষ্টীল, এলুমিনিয়াম আৰু চীনৰ পৰা সকলো আমদানিৰ ওপৰত শুল্ক আছে । সমীক্ষাবোৰে নিৰ্মাণ প্ৰতিষ্ঠান আৰু আনকি তেল কোম্পানীৰ কাৰ্যবাহীসকলৰ মাজতো ব্যাপক অনিশ্চয়তা বিচাৰি পাইছে । তেওঁলোকে কয় যে ষ্টীল পাইপৰ বাবে অধিক ব্যয়ে তেওঁলোকৰ লাভ হ্ৰাস কৰিব ।
উৎপাদনৰ বাবে পেকেজিং প্ৰস্তুতকৰ্তা আৰু যাৰ গ্ৰাহকসকলৰ ভিতৰত আছে ৱালমাৰ্ট আৰু ক্ৰোজাৰ সেই কোম্পানী এমাৰ্ল্ড পেকেজিঙে অনিশ্চয়তাৰ পৰিপ্ৰেক্ষিতত বৰ্তমান বিনিয়োগ স্থগিত ৰাখিছে ।
মুখ্য কাৰ্যবাহী বিষয়া কেভিন কেলীয়ে কয় যে ইউনিয়ন চিটি, কেলিফ'ৰ্ণিয়াস্থিত কোম্পানীটোৱে মহামাৰীৰ ব্যাপক সময়ত এটা ডাঙৰ শিক্ষা লৈছিল । ই 2021 চনত 7 নিযুত ডলাৰ নগদ ধনেৰে আৰম্ভ কৰিছিল, কিন্তু যোগান শৃংখলা ৰক্ষা কৰাৰ ব্যয়ৰ বাবে বছৰটোৰ শেষলৈ ইয়াৰ সঞ্চয় ভঁৰাল শেষ হৈছিল ।
"আমি এই মুহূৰ্তত কোনো ধন খৰচ কৰা নাই ।" তেওঁ কয় । "আমি নগদ ধন সৃষ্টি কৰিবলৈ চেষ্টা কৰি আছোঁ... কিয়নো আমাক এটা কুশ্বনৰ প্ৰয়োজন হ'ব ।" লগতে কয় ।
"শুল্ক সম্বন্ধীয় অস্পষ্ট দৃষ্টিভংগী কেইবা মাহ ধৰি থকাৰ সম্ভাৱনাৰ এটা কাৰণ হ'ল ট্ৰাম্পে আলোচনাৰ ৰণনীতি হিচাপে তেওঁৰ পৰৱৰ্তী পদক্ষেপবোৰৰ বিষয়ে কিছু অনিশ্চয়তা বজাই ৰাখিব বিচাৰে ।" শ্ব'ৱে কয় ।
"ইচ্ছাকৃত অস্পষ্টতা হৈছে বাণিজ্য আলোচনাৰ প্ৰতি তেওঁৰ দৃষ্টিভংগীৰ এক মুখ্য উপাদান ।" শ্ব'ৱে কয় । পাৰস্পৰিক শুল্ক ঘোষণা কৰাৰ পিছত সেই আলোচনাবোৰ আৰম্ভ হ'ব আৰু সমাধান হ'বলৈ কেইমাহমান লাগিব পাৰে ।
একে সময়তে, ট্ৰাম্পে এই সপ্তাহত আন দেশৰ বাণিজ্য নীতিৰ ওপৰত কেইবাখনো প্ৰতিবেদন লাভ কৰিবলৈ গৈ আছে, যাৰ ভিতৰত আছে শুল্কৰ লগতে ৰাজসাহায্য, মুদ্ৰাৰ হেৰফেৰ আৰু কৰ নীতি, যিবোৰ ট্ৰাম্পৰ বিষয়াসকলে বাণিজ্যক বিকৃত কৰিব পাৰে বুলি কয় । উক্ত প্ৰতিবেদনবোৰে পৰৱৰ্তী পদক্ষেপৰ বাবে আগবঢ়াই নিব পাৰে ।
