নতুন দিল্লী: চাকৰি সলনি কৰাৰ সময়ত পি এফ একাউণ্ট ট্ৰেন্সফাৰ কৰাৰ প্ৰক্ৰিয়াটো সহজ কৰি তুলিছে এম্প্লয়িজ প্ৰভিডেণ্ট ফাণ্ড অৰ্গেনাইজেশ্যনে । নতুন নিয়মৰ অধীনত পি এফ একাউণ্ট ট্ৰেন্সফাৰৰ সৈতে জড়িত বেছিভাগ ক্ষেত্ৰতে নিয়োগকৰ্তা (কোম্পানী) ৰ পৰা অনুমোদন লোৱাৰ প্ৰয়োজনীয়তা নাইকিয়া হৈছে ।
শ্ৰম আৰু নিয়োগ মন্ত্ৰালয়ে ২৫ এপ্ৰিলত এক আনুষ্ঠানিক বিবৃতিত কয় যে এতিয়ালৈকে পি এফৰ একাউণ্টৰ হস্তান্তৰ কাম দুটা ই পি এফৰ কাৰ্যালয়ৰ সৈতে জড়িত আছিল । য’ৰ পৰা পি এফৰ ধন হস্তান্তৰ কৰা হৈছিল আৰু নিৰ্দিষ্ট কাৰ্যালয়ত ধন জমা হৈছিল ।
বিবৃতিটোত কোৱা হৈছে যে প্ৰক্ৰিয়াটো আৰু অধিক সৰল কৰাৰ লক্ষ্যৰে ই পি এফ অ’ই সংশোধিত ফৰ্ম ১৩ চফ্টৱেৰ কাৰ্যক্ষমতা প্ৰৱৰ্তন কৰি গন্তব্য কাৰ্যালয়ত সকলো স্থানান্তৰ দাবীৰ অনুমোদনৰ প্ৰয়োজনীয়তা আঁতৰাই পেলাইছে । স্থানান্তৰকাৰী (উৎস) কাৰ্যালয়ত এবাৰ স্থানান্তৰৰ দাবী অনুমোদন হ’লে পূৰ্বৰ একাউণ্টটো স্বয়ংক্ৰিয়ভাৱে স্থানান্তৰকাৰী (গন্তব্যস্থান) কাৰ্যালয়ত সদস্যৰ চলিত একাউণ্টলৈ স্থানান্তৰিত হ’ব, যাৰ ফলত ই পি এফ অ’ ৰ সদস্যসকলৰ বাবে প্ৰক্ৰিয়াটো সৰল কৰাৰ উদ্দেশ্য পূৰণ হ’ব ।
১.২৫ কোটি সদস্যই লাভ কৰিব সুবিধা
শ্ৰম আৰু নিয়োগ মন্ত্ৰালয়ৰ মতে, এই সংশোধিত প্ৰ-পত্ৰ ১৩ য়ে পি এফ একাউণ্টৰ কৰযোগ্য আৰু অ-কৰযোগ্য উপাদানসমূহৰ বিভাজনো প্ৰদান কৰে, যাৰ ফলত কৰযোগ্য পি এফ সুতৰ ওপৰত টি ডি এছৰ সঠিক গণনা সম্ভৱ হয় । ইয়াৰ দ্বাৰা ১.২৫ কোটিতকৈ অধিক সদস্য উপকৃত হোৱাৰ সম্ভাৱনা আছে, যাৰ ফলত বছৰি প্ৰায় ৯০ হাজাৰ কোটি টকা বদলি সম্ভৱ হ’ব কাৰণ সমগ্ৰ বদলি প্ৰক্ৰিয়া ক্ষীপ্ৰ হ’ব।
ইউ এন সৃষ্টিৰ বাবে আধাৰৰ প্ৰয়োজনীয়তাত শিথিলতা
ইয়াৰ উপৰিও ই পি এফ অ’ ই ইউ এ এন সৃষ্টি কৰিবলৈ বা পূৰ্বৰ একাউণ্ট লিংক কৰিবলৈ সদস্যসকলৰ বাবে আধাৰৰ প্ৰয়োজনীয়তা শিথিল কৰাৰ সিদ্ধান্ত লৈছে । এতিয়া নিয়োগকৰ্তাসকলে কৰ্মচাৰীজনৰ আই ডি আৰু অন্যান্য তথ্যৰ ভিত্তিত একেলগে একাধিক কৰ্মচাৰীৰ বাবে ইউ এ এন সৃষ্টি কৰিব পাৰিব, যাতে এনে সদস্যৰ একাউণ্টত ধন দ্ৰুতভাৱে জমা কৰিব পৰা যায় ।
ইয়াৰ বাবে এটা চফ্টৱেৰ কাৰ্যকৰীতা স্থাপন কৰা হৈছে আৰু এফ অ’ আন্তঃপৃষ্ঠৰ জৰিয়তে ক্ষেত্ৰ কাৰ্যালয়সমূহত উপলব্ধ কৰা হৈছে । যাৰ ফলত এনেক্ষেত্ৰত ইউ এ এন সৃষ্টি কৰাটো সম্ভৱ হোৱাৰ লগতে ই পি এফ অ’ এপ্লিকেচনত আধাৰৰ প্ৰয়োজনীয়তা নোহোৱাকৈ অতীতৰ একাউণ্টৰ ট্ৰেক ৰখাটো সম্ভৱ হ’ব ।
আধাৰৰ সৈতে লিংক কৰাৰ পিছতহে ইউ এ এন সক্ৰিয় হ’ব
কিন্তু পি এফ একাউণ্টৰ নিৰাপত্তাৰ ক্ষেত্ৰত বিপদ কমোৱাৰ ব্যৱস্থা হিচাপে এনে সকলো ইউ এ এন স্থিৰ অৱস্থাত ৰখাৰ লগতে আধাৰ লিংকিঙৰ পিছতহে সক্ৰিয় কৰা হ’ব ।
বিবৃতিটোত কোৱা হৈছে যে এই সকলোবোৰ ব্যৱস্থাই ই পি এফ অ’ৰ সদস্যসকলৰ সেৱাৰ যথেষ্ট উন্নতি সাধন কৰিব আৰু দীৰ্ঘদিনীয়া অভিযোগ হ্ৰাস কৰিব । য’ত যোগ্য দাবীৰ স্বয়ংক্ৰিয় নিষ্পত্তিৰ বাবে পৰীক্ষণৰ অধিক সুশৃংখলিতকৰণো অন্তৰ্ভুক্ত ।
লগতে পঢ়ক: কিনিম বুলি ভাবিছে যদি খৰধৰ কৰক, হ্ৰাস পাইছে সোণৰ মূল্য
