নতুন বছৰত এয়াৰ ইণ্ডিয়া এক্সপ্ৰেছৰ গ্ৰাহকৰ বাবে ভাল খবৰ

নতুন দিল্লী : নতুন বছৰ উপলক্ষে এয়াৰ ইণ্ডিয়া এক্সপ্ৰেছে গ্ৰাহকৰ বাবে বিশেষ ঘোষণা কৰিছে । প্ৰতিষ্ঠানটোৱে 'New Year Sale' আৰম্ভ কৰিছে যাৰ দ্বাৰা ঘৰুৱা যাত্ৰীৰ ভাড়া ১,৫৯৯ টকাৰ পৰাই আৰম্ভ হ'ব । ৫ জানুৱাৰীলৈকে টিকট বুকিং কৰিলে এই সুবিধা লাভ কৰিব । ৮ জানুৱাৰীৰ পৰা ২০ ছেপ্টেম্বৰৰ ভিতৰত ভ্ৰমণৰ তাৰিখ হ'ব লাগিব ।

ইফালে এয়াৰলাইনৰ ৱেবছাইট বা ম'বাইল এপৰ জৰিয়তে বুকিং কৰা যাত্ৰীসকলে অতিৰিক্ত ৰেহাই পাব । তাৰ ভিতৰত আছে ১,৪৪৮ টকাৰ পৰা এক্সপ্ৰেছ লাইট ভাড়া । এই ভাড়া 'zero convenience fees'ৰ সৈতে আহে আৰু ইয়াত কোনো অতিৰিক্ত ব্যয় নকৰাকৈ ৩ কিলোগ্ৰাম কেবিন বেগ প্ৰি-বুক কৰাৰ বিকল্প অন্তৰ্ভুক্ত থাকে । চেক-ইন বেগৰ হাৰও হ্ৰাস কৰা হৈছে, ঘৰুৱা ভ্ৰমণৰ বাবে ১৫ কিলোগ্ৰামৰ বেগৰ বাবে ১,০০০ টকা আৰু আন্তৰ্জাতিক ভ্ৰমণৰ বাবে ১০ কিলোগ্ৰামৰ বেগত ১,৩০০ টকা ।

লয়েলটি প্ৰ'গ্ৰামৰ মেম্বাৰসকলে বিজিনেছ-শ্ৰেণীৰ সমতুল্য এক্সপ্ৰেছ বিজ ভাড়া, বৰ্ডিঙত প্ৰাথমিকতা, আসন বাছনি আৰু প্ৰি-অৰ্ডাৰ আহাৰৰ ওপৰত ২৫ শতাংশ ৰেহাই লাভ কৰিব পাৰে । এয়াৰলাইনটোৱে বিজ চিট আপগ্ৰেডৰ ওপৰত ৫০ শতাংশ ৰেহাই ঘোষণা কৰিছে । যিটো ইয়াৰ নতুনকৈ অন্তৰ্ভুক্ত হোৱা বোয়িং ৭৩৭-৮ বিমানত উপলব্ধ । এই অফাৰসমূহৰ উপৰিও এয়াৰ ইণ্ডিয়া এক্সপ্ৰেছে শিক্ষাৰ্থী, জ্যেষ্ঠ নাগৰিক, স্বাস্থ্যসেৱা পেছাদাৰী, সশস্ত্ৰ বাহিনীৰ কৰ্মচাৰী আৰু তেওঁলোকৰ পৰিয়ালৰ বাবে ভাড়াত ৰেহাই প্ৰদান কৰি আহিছে ।

এয়াৰ ইণ্ডিয়াই ইন-ফ্লাইট ৱাই-ফাই

ইফালে এয়াৰ ইণ্ডিয়াই ইন-ফ্লাইট ৱাই-ফাই সেৱা আৰম্ভ কৰিছে । যি ঘৰুৱা ভ্ৰমণত ইণ্টাৰনেট সংযোগ আগবঢ়োৱা প্ৰথম ভাৰতীয় বিমান সেৱা হৈ পৰিছে । এই সেৱা বৰ্তমান নিৰ্বাচিত এয়াৰবাছ এ৩৫০, বোয়িং ৭৮৭-৯ আৰু এয়াৰবাছ এ৩২১ নিঅ' বিমানত উপলব্ধ ।

এয়াৰ ইণ্ডিয়াৰ মুখ্য গ্ৰাহক সেৱা বিষয়া ৰাজেশ ডোগ্ৰাই কয়, "সংযোগ এতিয়া আধুনিক ভ্ৰমণৰ এক অবিচ্ছেদ্য অংগ । কিছুমানৰ বাবে ই বৰ্তমান সময়ৰ ভাগ-বতৰাৰ সুবিধা আৰু আৰামৰ বিষয় আনহাতে আন কিছুমানৰ বাবে ই অধিক উৎপাদনশীল আৰু দক্ষতাৰ বিষয় । উদ্দেশ্য যিয়েই নহওঁক, আমি নিশ্চিত যে আমাৰ অতিথিসকলে ৱেবৰ সৈতে সংযোগ কৰাৰ বিকল্প সুবিধাৰ বাবে প্ৰশংসা কৰিব আৰু এই বিমানখনত এয়াৰ ইণ্ডিয়াৰ নতুন অভিজ্ঞতা উপভোগ কৰিব ।"

নতুন সুবিধাটোৱে যাত্ৰীসকলক ইণ্টাৰনেট ব্ৰাউজ কৰিবলৈ, সামাজিক মাধ্যম ব্যৱহাৰ কৰিবলৈ, মেছেজ প্ৰেৰণ কৰিবলৈ আৰু বিমানৰ সময়ত প্ৰয়োজনীয় অফিচৰ কাম কৰিবলৈ অনুমতি দিব । ই একাধিক ডিভাইচ সমৰ্থন কৰে আৰু প্ৰাথমিক পৰ্যায়ত বিনামূলীয়াকৈ আগবঢ়োৱা হৈছে ।

ইতিমধ্যে নিউয়ৰ্ক, লণ্ডন আৰু ছিংগাপুৰৰ দৰে চহৰলৈ কিছুমান আন্তঃৰাষ্ট্ৰীয় বিমানত উপলব্ধ এই সেৱা এতিয়া ঘৰুৱা ভ্ৰমণত সম্প্ৰসাৰিত কৰা হৈছে । যাত্ৰীসকলে "এয়াৰ ইণ্ডিয়া ৱাই-ফাই" নেটৱৰ্ক বাছনি কৰি, তেওঁলোকৰ পিএনআৰ আৰু অন্তিম নাম উল্লেখ কৰি আৰু বিমানখন ১০,০০০ ফুট উচ্চতাত থাকিলেও ৱাই-ফাই সংযোগ কৰিব পাৰিব ।

অৱশ্যে ইয়াৰ সংযোগ উপগ্ৰহ আৰু অন্যান্য কাৰকৰ ওপৰত নিৰ্ভৰ কৰিব । এয়াৰ ইণ্ডিয়াৰ এই ঘোষণাই ক্ৰমবৰ্ধমান প্ৰতিযোগিতামূলক বিমান বজাৰত যাত্ৰীসকলক আকৰ্ষিত কৰিব বুলি আশা কৰা হৈছে ।

লগতে পঢ়ক :অৱসৰৰ পিছত 10 কোটিৰ পুঁজি লাভ কৰিব বিচাৰে ? তেনেহ'লে গ্ৰহণ কৰক এই ফৰ্মূলা - RETIREMENT FUND