নতুন দিল্লী : আজি হৈছে আন্তঃৰাষ্ট্ৰীয় যোগ দিৱস । অন্ধ্রপ্রদেশৰ বিশাখাপট্টনমৰ পৰা প্রধানমন্ত্রী নৰেন্দ্র মোদীয়ে ১১ সংখ্যক আন্তঃৰাষ্ট্ৰীয় যোগ দিৱস উদযাপনৰ নেতৃত্ব দিবলৈ সাজু হৈছে ৷ এই বছৰৰ বিষয়বস্তু হৈছে ‘‘এক পৃথিৱী, এক স্বাস্থ্যৰ বাবে যোগ’’ । ই সুস্থ বিশ্বৰ বাবে ভাৰতৰ দৃষ্টিভংগীক প্ৰতিধ্বনিত কৰে আৰু সকলোৰে মংগলৰ দৃষ্টিভংগীক প্ৰতিফলিত কৰে ।
ভাৰতীয় তত্ত্ব ‘‘সৰ্বে সন্তু নিৰাময়’’ৰ (সকলো ৰোগমুক্ত হ'ব পাৰে) ওপৰত ভিত্তি কৰি ইয়াত মানৱ আৰু গ্ৰহৰ স্বাস্থ্যৰ আন্তঃসংযোগৰ ওপৰত গুৰুত্ব আৰোপ কৰা হৈছে । শুকুৰবাৰে সন্ধিয়া বিশাখাপট্টনমত উপস্থিত হয় প্ৰধানমন্ত্ৰী মোদী । তেওঁক অন্ধ্ৰপ্ৰদেশৰ মুখ্যমন্ত্ৰী এন চন্দ্ৰবাবু নাইডুৱে আদৰণি জনায় ।
#InternationalYogaDay
— N Chandrababu Naidu (@ncbn) June 20, 2025
On behalf of the people of Andhra Pradesh, I welcome Hon’ble Prime Minister Shri @narendramodi Ji to our state for the celebration of International Yoga Day tomorrow.
All the districts of Andhra Pradesh are geared up to participate in the grand culmination… pic.twitter.com/7DtOFyzU7O
"অন্ধ্ৰপ্ৰদেশৰ ৰাইজৰ হৈ কাইলৈ আন্তঃৰাষ্ট্ৰীয় যোগ দিৱস উদযাপনৰ বাবে মাননীয় প্ৰধানমন্ত্ৰী নৰেন্দ্ৰ মোদী ডাঙৰীয়াক আমাৰ ৰাজ্যলৈ আদৰণি জনাইছোঁ । অন্ধ্ৰপ্ৰদেশৰ সকলো জিলাই এই বিশাল 'যোগান্ধ্ৰ'ত অংশগ্ৰহণ কৰিবলৈ সাজু হৈছে !" অন্ধ্ৰপ্ৰদেশৰ মুখ্যমন্ত্ৰীয়ে X-ৰ এক পোষ্টত লিখিছে ।
আয়ুস মন্ত্ৰণালয়ৰ তথ্য অনুসৰি, প্ৰধানমন্ত্ৰীয়ে ‘‘যোগ সংগম’’ পদক্ষেপৰ অধীনত সমগ্ৰ দেশৰ ১০ লাখৰো অধিক স্থানৰ সৈতে সমন্বয় কৰি বিশাখাপট্টনমৰ কেন্দ্ৰীয় যোগ দিৱসত ৩ লাখৰো অধিক অংশগ্ৰহণকাৰীৰ সৈতে 'কমন যোগ প্ৰট’কল' (চি ৱাই পি) সম্পন্ন কৰিব ।
Yoga isn't just an exercise. It is a way of life. Wonderful to join this year's Yoga Day celebrations in Visakhapatnam. https://t.co/ReTJ0Ju2sN
— Narendra Modi (@narendramodi) June 21, 2025
পুৱা ৬.৩০ বজাৰ পৰা ৭.৪৫ বজালৈ অনুষ্ঠিত হ’বলগীয়া এই অনুষ্ঠানত সমগ্ৰ দেশৰ অভূতপূৰ্ব অংশগ্ৰহণৰ সম্ভাৱনা আছে । তেওঁৰ সৈতে ভাৰতৰ সুস্থ বিশ্বৰ দৃষ্টিভংগীৰ ব্যাপক প্ৰদৰ্শনত অংশগ্ৰহণ কৰিব কেন্দ্ৰীয় ৰাজ্যিক মন্ত্ৰী আয়ুষ, স্বাস্থ্য আৰু পৰিয়াল কল্যাণ বিভাগৰ ৰাজ্যিক মন্ত্ৰী প্ৰতাপৰাও যাদৱ আৰু অন্ধ্ৰপ্ৰদেশৰ মুখ্যমন্ত্ৰী এন চন্দ্ৰবাবু নাইডুৱে ।
Let this Yoga Day mark the beginning of Yoga for Humanity 2.0... where Inner Peace becomes Global Policy. pic.twitter.com/9CZPuhDPJz
— PMO India (@PMOIndia) June 21, 2025
এক অভূতপূৰ্ব সমাবেশত সমগ্ৰ ৰাজ্যৰ ১ লাখৰো অধিক স্থানত ২ কোটিতকৈ অধিক লোকে যোগ অধিবেশনত অংশগ্ৰহণ কৰাৰ সম্ভাৱনা আছে । এই উপলক্ষে অন্ধ্ৰপ্ৰদেশ চৰকাৰেও গিনিজ ৱৰ্ল্ড ৰেকৰ্ডৰ প্ৰচেষ্টাৰ সমন্বয় সাধন কৰিছে ।
ইয়াৰ উপৰি অন্ধ্ৰপ্ৰদেশ চৰকাৰে পঞ্জীয়নভুক্ত অংশগ্ৰহণকাৰীসকলক ৫০ লাখৰো অধিক যোগাসনৰ প্ৰমাণ-পত্ৰ প্ৰদান কৰিব, যাৰ ফলত আন্তঃৰাষ্ট্ৰীয় যোগ দিৱসৰ এই দশকীয় সংস্কৰণটো ভাৰতৰ স্বাস্থ্য আৰু সুস্থতা যাত্ৰাৰ এক ঐতিহাসিক মুহূৰ্ত হৈ পৰিব ।
Yoga is the pause button humanity needs... to breathe, to balance, to become whole again. pic.twitter.com/vsGghEsNxq
— PMO India (@PMOIndia) June 21, 2025
বিশাখাপট্টনমত উদযাপনৰ অংশ হিচাপে শুকুৰবাৰে অন্ধ্ৰ বিশ্ববিদ্যালয়ত এক উল্লেখযোগ্য সূৰ্য নমস্কাৰ কাৰ্যসূচীৰো আয়োজন কৰা হয়, য'ত প্ৰায় ২৫ হাজাৰ জনজাতীয় শিশুৱে ১০৮ মিনিটত ১০৮ টা সূৰ্য নমস্কাৰ প্ৰদৰ্শন কৰে ।
এই অনন্য পদক্ষেপে জনজাতীয় সম্প্ৰদায়ৰ উৎসাহপূৰ্ণ অংশগ্ৰহণক প্ৰতিভাত কৰি তোলে আৰু তৃণমূল পৰ্যায়ত যোগৰ গভীৰ প্ৰসাৰক প্ৰতিফলিত কৰে । দিল্লীয়েও ৰাষ্ট্ৰীয় উদযাপনত সক্ৰিয়ভাৱে অংশগ্ৰহণ কৰিবলৈ সাজু হৈছে ।
‘मैं’ से ‘हम’ की ये यात्रा ही सेवा, समर्पण और सहअस्तित्व का आधार है। pic.twitter.com/BnG0zVmOj2
— PMO India (@PMOIndia) June 21, 2025
শনিবাৰে ঐতিহাসিক লালকিল্লাত এক বৃহৎ অনুষ্ঠানকে ধৰি সমগ্ৰ ৰাজধানীখনৰ ১০৯ টা স্থানত যোগাসনৰ অনুষ্ঠান অনুষ্ঠিত হ’ব । আয়ুস মন্ত্ৰালয়ৰ সহযোগত ব্ৰহ্ম কুমাৰীৰ উদ্যোগত আৰু মোৰাৰজী দেশাই ৰাষ্ট্ৰীয় যোগ প্ৰতিষ্ঠান আৰু ভাৰতৰ প্ৰত্নতাত্ত্বিক জৰীপৰ সহযোগত অনুষ্ঠিত হ'বলগা এই লালকিল্লাৰ অনুষ্ঠানত ‘‘এক পৃথিৱী, এক স্বাস্থ্যৰ বাবে যোগ’’ শীৰ্ষক বিষয়বস্তুৰ ওপৰত আলোকপাত কৰা হ'ব ।
যোগৰ উপকাৰিতাৰ সৰ্বাংগীণ প্ৰসাৰ নিশ্চিত কৰিবলৈ প্ৰধানমন্ত্ৰী নৰেন্দ্ৰ মোদীয়ে সকলো গ্ৰাম প্ৰধানলৈ এখনকৈ পত্ৰ প্ৰেৰণ কৰি উল্লেখকৰিছে, "যোগে কেৱল ভাৰততে নহয়, সমগ্ৰ বিশ্বতে জীৱনৰ ইতিবাচক পৰিৱৰ্তন ঘটাইছে, সেয়া গৌৰৱৰ বিষয় ।"
আন্তঃৰাষ্ট্ৰীয় যোগ দিৱসৰ পূৰ্বৰ বছৰসমূহৰ দৰেই প্ৰধানমন্ত্ৰীৰ এই বাৰ্তাই গাঁও পঞ্চায়তসমূহত নৱীকৃত উৎসাহৰ সৃষ্টি কৰিছে, যাৰ ফলত তৃণমূল পৰ্যায়ত বিশেষকৈ পঞ্চায়ত, অংগনবাড়ী আৰু সামূহিক স্বাস্থ্য কেন্দ্ৰসমূহত যোগ সম্পৰ্কীয় কাৰ্যকলাপ যথেষ্ট বৃদ্ধি পাইছে ।
Yoga is a system that takes us from Me to We. pic.twitter.com/tdBsW4TYmp
— PMO India (@PMOIndia) June 21, 2025
আন্তঃৰাষ্ট্ৰীয় যোগ দিৱস, ২০২৫ৰ বাবে জনসাধাৰণৰ অংশগ্ৰহণ নিশিত কৰাৰ বাবে ১০ স্বাক্ষৰ অনুষ্ঠানৰ প্ৰৱৰ্তনৰ ফলত সমগ্ৰ দেশ আৰু বিদেশৰ পৰা অভূতপূৰ্ব সঁহাৰি পোৱা গৈছে । দেশত ২১ জুনত অনুষ্ঠিত হ’বলগীয়া অনুষ্ঠানৰ বাবে ১ লাখ পঞ্জীয়নৰ লক্ষ্যৰ বিপৰীতে আয়ুষ মন্ত্ৰণালয়ৰ যোগ পৰ্টেলৰ জৰিয়তে নিজ নিজ স্থানত যোগ সংগম অনুষ্ঠানৰ বাবে ১১ লাখৰো অধিক সংগঠন আৰু গোটে পঞ্জীয়ন কৰিছে ।
২.২৫ লাখ পঞ্জীয়নৰ সৈতে ৰাজস্থানে শীৰ্ষস্থান দখল কৰাৰ বিপৰীতে ১ লাখ পঞ্জীয়নৰ সীমা অতিক্ৰম কৰিছে আন তিনিখন ৰাজ্যই । এই মাইলৰ খুঁটি অৰ্জন কৰা বছৰটোক সন্মান জনাই আয়ুষ মন্ত্ৰণালয়ে ১০ টা স্বাক্ষৰ অনুষ্ঠানৰ ধাৰণা প্ৰস্তুত কৰিছে, যিবোৰ ১০০ দিনত আৰম্ভ কৰা হৈছে ।
এই অনুষ্ঠানসমূহে সমাজৰ বিভিন্ন শ্ৰেণীৰ প্ৰতি লক্ষ্য ৰাখি ভাৰত আৰু বিদেশত যোগৰ বিৱৰ্তনশীল পৰিৱেশ প্ৰদৰ্শন কৰে । ইয়াৰ ভিতৰত আছে যোগ সংগম, য’ত ১,০০,০০০ ৰো অধিক স্থানত গণ যোগাসন প্ৰদৰ্শন কৰা হয়, লগতে ৰাষ্ট্ৰীয় অনুষ্ঠান যোগ বন্ধন, য’ত আন্তঃৰাষ্ট্ৰীয় সহযোগিতা আৰু যোগ প্ৰতিনিধি দলৰ বিনিময় অন্তৰ্ভুক্ত কৰা হয় । হৰিৎ যোগ, যিয়ে যোগক গছ, বাগিচা আৰু পৰিষ্কাৰ-পৰিচ্ছন্নতা অভিযানৰ দৰে পৰিৱেশগত কাৰ্যৰ সৈতে একত্ৰিত কৰে আৰু যোগ উদ্যান, য’ত ৰাজহুৱা উদ্যানসমূহক নিৰ্দিষ্ট যোগাসন স্থানলৈ উন্নীত কৰা আদি জড়িত হৈ আছে ।
ইয়াৰ উপৰি যোগ সমাবেশ, যিটো হৈছে প্ৰান্তীয় গোটৰ বাবে পৰম্পৰাগত প্ৰট’কলৰ সৈতে অন্তৰ্ভুক্ত যোগ প্ৰচাৰ । যোগ প্ৰভাৱ, যিটো হৈছে আন্তঃৰাষ্ট্ৰীয় যোগ দিৱস আৰু ইয়াৰ সামাজিক ফলাফলৰ ওপৰত ১০ বছৰীয়া এক বিস্তৃত প্ৰভাৱৰ প্ৰতিবেদন । যোগ সংযোগ, যিটো হৈছে ১৪ জুনত অনুষ্ঠিত এক বিশ্বজনীন অনলাইন যোগ সন্মিলন, য’ত বিশ্বজুৰি বিশেষজ্ঞ আৰু নীতি নিৰ্ধাৰকসকলে অংশগ্ৰহণ কৰে ।
ইয়াৰ উপৰি প্ৰযুক্তি, প্ৰৱণতা আৰু পৰম্পৰাগত যোগৰ সংমিশ্ৰণেৰে যুৱকেন্দ্ৰিক অভিযান যোগ আনপ্লাগড, যোগ মহাকুম্ভ, যোগৰ সাংস্কৃতিক আৰু আধ্যাত্মিক মাত্ৰা উদযাপন কৰা বৃহৎ পৰিসৰৰ অনুষ্ঠান আৰু আধুনিক স্বাস্থ্যসেৱাৰ পদ্ধতিৰ সৈতে যোগৰ প্ৰমাণৰ একত্ৰীকৰণ প্ৰদৰ্শন কৰা সমযোগ অন্তৰ্ভুক্ত কৰা হৈছে ।
দশকীয় উদযাপনৰ সমন্বয় সামগ্ৰিক চৰকাৰৰ পদ্ধতিৰ জৰিয়তে কৰা হৈছে, য’ত মন্ত্ৰণালয়, বিভাগ, ৰাজ্য চৰকাৰ, নগৰীয়া স্থানীয় সংস্থা আৰু বিদেশৰ ভাৰতীয় মিছনসমূহ জড়িত হৈ আছে । কেইবা সপ্তাহ ধৰি প্ৰস্তুতিমূলক কাম-কাজ চলি আছে, বিশেষ প্ৰচাৰ, যোগ শিবিৰ, বিভিন্ন চৰকাৰী সংস্থাই আয়োজন কৰা প্ৰতিযোগিতা আদিৰ জৰিয়তে ।
বিশ্বজুৰি থকা ভাৰতৰ দূতাবাস আৰু সাংস্কৃতিক কেন্দ্ৰসমূহে সক্ৰিয়ভাৱে যোগ প্ৰদৰ্শন আৰু সজাগতা অভিযান চলাই আছে, যাৰ ফলত ভাৰতৰ সাংস্কৃতিক কূটনীতি আৰু সুস্থতাৰ ক্ষেত্ৰত নেতৃত্ব আৰু অধিক শক্তিশালী হৈছে ।
বিগত দহ বছৰত ইয়াৰ শক্তিশালী ভেটি আৰু বিভিন্ন খণ্ডৰ পৰা উৎসাহী অংশগ্ৰহণৰ সৈতে আন্তঃৰাষ্ট্ৰীয় যোগ দিৱস, ২০২৫ ভাৰতৰ সুস্থতা যাত্ৰাৰ এক লেণ্ডমাৰ্ক মুহূৰ্ত হ’বলৈ সাজু হৈছে । ইয়াৰ বাৰ্তাটো স্পষ্ট, যোগ কেৱল বিশ্বৰ বাবে ভাৰতৰ উপহাৰ নহয়, সকলোৰে বাবে সুস্থ, সুষম আৰু অধিক বহনক্ষম ভৱিষ্যতৰ পথো ।
