৮০০ ৰো অধিক সৃষ্টিৰে জিলিকিছে এগৰাকী বলুকা শিল্পী, বালিৰেই গঢ়িছে নিজৰ পৰিচয়
আধ্যাত্মিকতাৰ নগৰী পুষ্কৰৰ বালিৰে নিজৰ পৰিচয় গঢ়িছে এগৰাকী শিল্পীয়ে । সমগ্ৰ ভাৰততে চৰ্চিত হৈ পৰিছে এইগৰাকী বলুকা শিল্পী ।
Published : September 13, 2025 at 8:46 PM IST
|Updated : September 14, 2025 at 12:03 AM IST
আজমেৰ: ৰাজস্থানৰ পৱিত্ৰ ভূমি কেৱল বীৰৰ বাবেই পৰিচিত নহয়, বিভিন্ন সাংস্কৃতিক কৰ্মীৰো জন্মভূমি । অজয় সিং ৰাৱট এজন এনে এগৰাকী শিল্পী, যি শৈশৱৰ এক খেলক অদ্বিতীয় কলালৈ পৰিৱৰ্তিত কৰিলে ।
মাটিৰ দ'মত খেলাৰে আৰম্ভ হোৱা এই যাত্ৰাই আজি তেওঁক উত্তৰ ভাৰতৰ একমাত্ৰ চৰ্চিত বলুকা শিল্পী হিচাপে পৰিচিত কৰি তুলিছে ।
পুষ্কৰৰ গনাহেড়া গাঁৱৰ অজয় সিং ৰাৱট, যি বৰ্তমানলৈ ৮০০ ৰো অধিক বলুকা শিল্প নিৰ্মাণ কৰিছে । তেওঁৰ শিল্পত কেৱল উৎসৱ-পাৰ্বনেই নহয়, দেশৰ সমসাময়িক ঘটনায়ো স্থান লাভ কৰে ।
৫১ ফুট উচ্চতাৰ শ্ৰীৰাম মন্দিৰ, ২১ ফুটৰ প্ৰধানমন্ত্ৰী নৰেন্দ্ৰ মোদীৰ প্ৰতিকৃতি আৰু ৪০ ফুটৰ মহাৰাণা প্ৰতাপৰ কৌশলো তেওঁ মুখ্য সৃষ্টিত আছে । পুস্কৰলৈ অহা দেশী-বিদেশী পৰ্যটকৰ বাবে অজয় সিং ৰাৱটে নিৰ্মাণ কৰা বলুকা শিল্প আকৰ্ষণৰ কেন্দ্ৰবিন্দু ।
চৰকাৰী সাহায্যৰে নিৰ্মাণ কৰিলে ৰাষ্ট্ৰীয় বলুকা উদ্যান:
পুষ্কৰৰ সাতোৰঙী লোক-সংস্কৃতিয়ে সাত সমুদ্ৰৰ সিপাৰৰ পৰা অহা পৰ্যটককো আকৰ্ষিত কৰে । পুষ্কৰ মেলা ক্ষেত্ৰত প্ৰায় আঢ়ৈ হাজাৰ বৰ্গ গজত প্ৰসাৰিত ৰাষ্ট্ৰীয় বলুকা উদ্যানে পৰ্যটকক আকৰ্ষণ কৰি আহিছে ।
ৰাজ্য চৰকাৰে অজয়ক তেওঁক সৃষ্টিশীলতাক প্ৰেৰণা দিবলৈ পুষ্কৰ মেলা ক্ষেত্ৰত আঢ়ৈ হাজাৰ বৰ্গ গজ ভূমি আবণ্টন দিয়ে, য'ত এতিয়া ৰাষ্ট্ৰীয় বলুকা উদ্যান নিৰ্মাণ কৰা হৈছে । ইয়াত দেশী-বিদেশী পৰ্যটকে প্ৰায় গোটেই বছৰটো ভিৰ কৰে আৰু অজয়ৰ সৃষ্টিক দেখি মন্ত্ৰমুগ্ধ হৈ পৰে ।
সাধাৰণতে পুষ্কৰৰ পশু মেলাৰ সময়ত ১৫ দিন ধৰি মেলা ক্ষেত্ৰত লোকাৰণ্য হৈ পৰে । কিন্তু এতিয়া মুখ্যতঃ দুটা কাৰণত গোটেই বছৰটো পৰ্যটকৰে ভৰি থাকে । প্ৰথম কাৰণ উটৰ গাড়ী বহি পুষ্কৰৰ ভূমি দৰ্শন কৰা আৰু দ্বিতীয়টো বলুকা শিল্পী অজয় সিং ৰাৱটে নিৰ্মাণ কৰা সৃষ্টিৰাজিয়ে আকৰ্ষণ কৰে ।
বলুকা শিল্পী অজয় সিং ৰাৱট কৃষক পৰিয়ালৰ পৰা । শিক্ষক হোৱাৰ উদ্দেশ্যৰে তেওঁ গ্ৰেজুৱেশ্যনৰ পিছত B.Ed কৰে, কিন্তু ভাগ্যত হয়তো বেলেগ লিখা আছিল । ৰাৱটে ৰে'লৱেত চাকৰি পাই, কিন্তু ৰে'লৱে চাকৰিও এৰি বলুকা শিল্পী হিচাপে প্ৰতিষ্ঠা কৰাত লাগে ।
৩৫ বছৰীয়া ৰাৱটে নিজৰ প্ৰতিভাৰ জৰিয়তে উত্তৰ ভাৰতত নিজকে বলুকা শিল্পী হিচাপে প্ৰতিষ্ঠা কৰে ।
