পুঞ্চ: জম্মু-কাশ্মীৰৰ পুঞ্চ জিলাৰ সুৰংকটৰ লাছানা অঞ্চলত সোমবাৰে নিশা নিৰাপত্তা বাহিনী আৰু সন্ত্ৰাসবাদীৰ মাজত সংঘটিত হয় সংঘৰ্ষ ৷ এই ঘটনাত এজন নিৰাপত্তাৰক্ষী আহত হোৱাৰ বিপৰীতে সন্ত্ৰাসবাদীয়ে আন্ধাৰৰ সুযোগ লৈ পলায়ন কৰে ।
ইয়াৰ পিছতে অঞ্চলটোত অতিৰিক্ত নিৰাপত্তা বাহিনী মোতায়েন কৰি সন্ত্ৰাসবাদ বিৰোধী অভিযান তীব্ৰতৰ কৰি তোলা হয় । সেনাবাহিনীৰ হোৱাইট নাইট কৰ্পছে এক্সত দিয়া এক পোষ্ট অনুসৰি, জম্মু-কাশ্মীৰ আৰক্ষীৰ সহযোগত সন্ত্রাসবাদীক কৰায়ত্ত কৰাৰ উদ্দেশ্যে তেওঁলোকে চলাইছিল এই অভিযান ৷ বৰ্তমানলৈকে অব্যাহত আছে এই অভিযান ৷
#WATCH | Jammu and Kashmir: Romeo Force of Indian Army conducts search operations in Poonch after contact was established with terrorists during a joint operation with J&K Police at Lasana, Surankote last night. https://t.co/DEcxxONyx0 pic.twitter.com/fDle8fJgiR
— ANI (@ANI) April 15, 2025
আনহাতে, ভাৰতীয় সেনাৰ ৰোমিঅ’ ফ’ৰ্চেও সন্ত্ৰাসবাদীৰ সন্ধানত সোমবাৰে নিশা পুঞ্চত তালাচী অভিযান আৰম্ভ কৰে । বিষয়াসকলৰ মতে, পুঞ্চৰ পৰা জম্মু সংযোগী ৰাষ্ট্ৰীয় ঘাইপথৰ লাছানা গাঁৱৰ সমীপত ৰোমিঅ’ ফৰ্চৰ জোৱানৰ ওপৰত সন্ত্ৰাসবাদীয়ে গুলীচালনা কৰিছিল ৷ এই ঘটনাত আহত হয় এজন নিৰাপত্তাৰক্ষী ।
এই ঘটনাৰ পিছতে সমগ্ৰ অঞ্চলটো ঘেৰাও কৰি অতিৰিক্ত নিৰাপত্তা ব্যৱস্থা গ্ৰহণ কৰা হয় । মঙলবাৰে পুৱা লাভ কৰা উক্ত স্থানৰ ফটোসমূহত সেনা জোৱানসকলে ডগ স্কোৱাডৰ সহায়ত সেই অঞ্চলত চলাচল কৰা বাহনসমূহ তন্ন-তন্নকৈ পৰীক্ষা কৰা দেখা গৈছে ।
তদুপৰি এই ঘটনাৰ পিছৰে পৰা লাছানা গাঁৱত কটকটীয়া নিৰাপত্তা ব্যৱস্থা গ্ৰহণ কৰা হৈছে । কাৰণ সন্ত্ৰাসবাদীৰ পলায়নৰ যিকোনো চেষ্টা ব্যৰ্থ কৰাৰ স্বাৰ্থতে বাতৰি লিখাৰ পৰলৈকে সেনা আৰু জম্মু-কাশ্মীৰ আৰক্ষীৰ যুটীয়া অভিযান চলি আছে ।
Op Lasana
— White Knight Corps (@Whiteknight_IA) April 15, 2025
Contact was established with #terrorists during a joint #operation with @JmuKmrPolice at #Lasana, #Surankote last night.
Additional troops have been inducted, and search operations are ongoing to prevent the terrorists from escaping.@adgpi@NorthernComd_IA
পূৰ্বে জম্মু-কাশ্মীৰত চলি থকা অভিযান আৰু সন্ত্ৰাসবাদী আক্ৰমণৰ মাজতে শনিবাৰে সেনাই সন্ত্ৰাসবাদী নিঃশেষ নোহোৱালৈকে অভিযান অব্যাহত ৰখাৰ প্ৰতিশ্ৰুতি পুনৰবাৰ সদৰী কৰে ।
লগতে পঢ়ক: তাহাউৰ ৰাণাক লাগে এটা কলম, কাগজ আৰু কোৰাণ: দৈনিক ৮-১০ ঘণ্টা জেৰা চলাইছে "নিয়া"ই
