ৰামোজী ৰাওৰ প্ৰথম মৃত্যু বাৰ্ষিকী : ৰক্তদান শিবিৰ আয়োজন কৰি স্মৰণ সকলোৰে বাবে ভৱিষ্যৎ গঢ়া স্বপ্নদৰ্শীগৰাকীক
বিশ্বৰ সৰ্ববৃহৎ চলচ্চিত্ৰ চহৰ ৰামোজী ফিল্ম চিটীৰ প্ৰতিষ্ঠাপক ৰামোজী ৰাওৰন আজি প্ৰথম মৃত্যু বাৰ্ষিকী । হায়দৰাবাদ, তামিলনাডু, অন্ধ্ৰপ্ৰদেশ, কৰ্ণাটকত ৰক্তদান শিবিৰৰ আয়োজন কৰে ।
Published : June 7, 2025 at 8:58 PM IST
চেন্নাই : চাওঁতে চাওঁতেই ৰামোজী ৰাওৰ অবিহনে পাৰ হ'ল এটা বছৰ । সকলোৰে বাবে ভৱিষ্যৎ গঢ়া স্বপ্নদৰ্শী ৰামোজী ৰাওৰ আজি প্ৰথম মৃত্যু বাৰ্ষিকী । ৰামোজী গ্ৰুপৰ প্ৰতিষ্ঠাপক ৰামোজী ৰাওৰ প্ৰথম মৃত্যু বাৰ্ষিকী উপলক্ষে মাৰ্গদৰ্শী চিট ফাণ্ডৰ বিষয়া-কৰ্মচাৰীসকলে আজি চেন্নাই, কইম্বাটুৰ, মাদুৰাইকে ধৰি তামিলনাডুৰ বিভিন্ন প্ৰান্তত ৰক্তদান শিবিৰৰ আয়োজন কৰে । ভাৰতীয় সংবাদ জগতৰ স্বপ্নদ্ৰষ্টা চেৰুকুৰী ৰামোজী ৰাওৰ যোৱা বছৰৰ ৮ জুনত মৃত্যু হৈছিল ।
ৰামোজী ৰাওৰ প্ৰথম মৃত্যু বাৰ্ষিকী উপলক্ষে মাৰ্গদৰ্শী চিটফাণ্ডৰ কৰ্মচাৰীসকলে তামিলনাডু, অন্ধ্ৰপ্ৰদেশ আৰু কৰ্ণাটকত ৰক্তদান শিবিৰৰ আয়োজন কৰে । চেন্নাইৰ অশোক নগৰস্থিত মাৰ্গদৰ্শী কাৰ্যালয়ৰ কৰ্মচাৰীসকলৰ নেতৃত্বত আছিল মেনেজাৰ চি শিৱশংকৰে ।
এই উপলক্ষে শিৱশংকৰে কয়, "কাইলৈ ৰামোজী ৰাওৰ প্ৰথম মৃত্যু বাৰ্ষিকী পালন কৰা হ'ব । সেয়ে ৰামোজী গ্ৰুপৰ মালিকানাধীন মাৰ্গদৰ্শী চিট ফাণ্ড কোম্পানীৰ কৰ্মচাৰীসকলে সমগ্ৰ তামিলনাডুত ৰক্তদান শিবিৰৰ আয়োজন কৰিছে । আজি পুৱাৰে পৰা কোম্পানীটোৰ এশৰো অধিক কৰ্মচাৰীয়ে ৰক্তদান কৰিছে ।''
তেওঁ আৰু কয়, "আমি সাধাৰণতে ৰামোজী ৰাওৰ জন্ম বাৰ্ষিকীত প্ৰতি বছৰে ৰক্তদান শিবিৰৰ আয়োজন কৰো । কিন্তু এইবাৰ এই শিবিৰটো তেওঁৰ স্মৃতিত আয়োজন কৰা হৈছে । এতিয়াৰ পৰা প্ৰতি বছৰে তেওঁৰ স্মৃতিত ৰক্তদান শিবিৰৰ আয়োজন কৰা হ'ব ।"
কইম্বাটুৰৰ মাৰ্গদৰ্শী কাৰ্যালয়ৰ কৰ্মচাৰীসকলেও আজি ৰক্তদান কৰে । কইম্বাটুৰ শাখা পৰিচালক সৰৱনচেলভাম আৰু অবিনাশী শাখা পৰিচালক নেক্সনৰ নেতৃত্বত ৭ জন কৰ্মচাৰীয়ে ৰক্তদান কৰে ।
কইম্বাটুৰ শাখাৰ পৰিচালক সৰৱণচেলভামে কয়, "প্ৰয়াত ৰামোজী ৰাৱে নিজৰ কৰ্মচাৰীসকলৰ অতি যত্ন লৈছিল । প্ৰতিজন কৰ্মচাৰীৰ উন্নয়নত তেওঁ ভূমিকা পালন কৰিছিল । কৰ্মচাৰীৰ বিকাশত গুৰুত্বপূৰ্ণ ভূমিকা গ্ৰহণ কৰা ৰামোজীৰ স্মৃতিত আজি এক ৰক্তদান শিবিৰৰ আয়োজন কৰা হয় ।"
মাৰ্গদৰ্শী চিট ফাণ্ডৰ মাদুৰাই শাখাৰ পৰিচালক শ্ৰীধৰৰ নেতৃত্বত আজি মাদুৰাইত ৰামোজী ৰাওৰ স্মৃতি দিৱস পালন কৰা হয় । কোম্পানীৰ কৰ্মচাৰী মণিমাৰন, ৰামানাথন, প্ৰেম সুন্দৰ, মদনকুমাৰ, সতীশকুমাৰ আৰু উদয় প্ৰকাশে ওচৰৰ মাদুৰাই ব্লাড বেংকৰ সহায়ত ৰক্তদান কৰে ।
একেদৰে আজি তামিলনাডুৰ তিৰুপপুৰ, ইৰোড, কাৰুৰকে ধৰি বিভিন্ন স্থানত মাৰ্গদৰ্শী চিটফাণ্ড কোম্পানীৰ শতাধিক কৰ্মচাৰীয়ে ৰক্তদান কৰে ।
ভাৰতৰ সৰ্ববৃহৎ চলচ্চিত্ৰ চহৰ ৰামোজী ফিল্ম চিটীৰ প্ৰতিষ্ঠাপক ৰামোজী ৰাও আছিল ছপা, দৃশ্য আৰু ডিজিটেল মাধ্যমৰ জগতখনৰ এজন দৈত্য । ইয়াৰ ভিতৰত আছে ইনাডু, ইটিভি আৰু ইটিভি ভাৰত নেটৱৰ্ক । চিনেমা, চিট ফাণ্ডকে ধৰি বিভিন্ন ক্ষেত্ৰতো তেওঁ আগৰণুৱা আছিল । সাংবাদিকতা, সাহিত্য আৰু শিক্ষাৰ ক্ষেত্ৰত কৰা অতুলনীয় কামৰ বাবে ৰামোজী ৰাওৱে পদ্ম বিভূষণ বঁটাও লাভ কৰিছে ।
