প্ৰকৃততে কাৰ প্ৰেমিকা আছিল সোনম ? পোহৰলৈ আহিছে চাৰি যুৱকৰ পৰিচয়

ইন্দোৰ: সময় যোৱাৰ লগে লগে পোহৰলৈ আহিব ধৰিছে ৰাজা ৰঘুবংশীৰ ৰহস্যজনক মৃত্যুৰ নতুন নতুন তথ্য় ৷ পৰিবহণ ব্যৱসায়ী ৰাজা ৰঘুবংশীৰ ৰহস্যজনক মৃত্যুত অন্যতম অভিযুক্ত হিচাপে গণ্য কৰা ৰাজ কুশৱাহাৰ পৰিয়ালৰ লোকে প্ৰথমবাৰৰ বাবে কেমেৰাৰ সন্মুখত ব্যক্ত কৰিছে প্ৰতিক্ৰিয়া ৷ ৰাজৰ মাতৃ-ভগ্নীয়ে তেওঁক নিৰ্দোষী বুলি দাবী কৰাৰ বিপৰীতে আৰক্ষীয়ে ৰাজৰ লগতে অন্যান্য অভিযুক্তৰ বাসগৃহত তদন্ত আৰম্ভ কৰিছে ৷

আৰক্ষীৰ তদন্তৰ পিছতে ৰাজৰ মাতৃ-ভগ্নী সমন্বিতে পৰিয়ালৰ লোকে সংবাদ মাধ্যমৰ সন্মুখলৈ আহি হাতযোৰ কৰি ৰাজ নিৰ্দোষী বুলি দাবী কৰে ৷ ৰাজৰ পৰিয়ালৰ লোকে কয় ‘‘ৰাজৰ দেউতাকৰ মৃত্যুৰ পিছত তেওঁৱেই পৰিয়ালটোৰ একমাত্ৰ উপাৰ্জনকাৰী, গতিকে তেওঁ এই কাম কৰিব নোৱাৰে ।’’

ৰাজৰ বিৰুদ্ধে উঠা অভিযোগ সন্দৰ্ভত ওচৰ-চুবুৰীয়াই কি কয় ?

পৰিবহণ ব্যৱসায়ী ৰাজা ৰঘুবংশীৰ ৰহস্যজনক মৃত্যুত জড়িত থকাৰ সন্দেহত আটক হোৱা ৰাজ কুশৱাহা আৰু তেওঁৰ অন্যান্য বন্ধুসকল ক্ৰমে বিশাল, আকাশ আৰু আনন্দৰ ঘৰ ইন্দোৰস্থিত সোনমৰ ঘৰৰ সমীপত । ৰাজ কুশৱাহা শুভম পেলেচ কলনীত থকাৰ বিপৰীতে তেওঁৰ বন্ধু বিশাল, আনন্দ আৰু আকাশ থাকে নন্দবাগত ।

এই ঘটনাৰ পিছৰে পৰা বিশাল, আকাশ আৰু আনন্দৰ পৰিয়ালৰ লোকে ঘৰত তলা মাৰি পলাতক হৈ আছে ৷ আনহাতে, পলোৱাৰ পৰিৱৰ্তে সংবাদ মাধ্যমৰ সন্মুখত কান্দি কান্দি ৰাজ কুশৱাহা নিৰ্দোষী বুলি দাবী কৰিছে পৰিয়ালৰ লোকে ।

লগতে পঢ়ক: গুৱাহাটী অভিমুখে সোনম ৰঘুবংশী, অচিৰে পোহৰলৈ আহিব কাহিনীৰ আঁৰৰ কাহিনী

সোনম-ৰাজৰ প্ৰেমক লৈ কি ক’লে পৰিয়ালটোৱে ?

পিতৃৰ মৃত্যুৰ পিছত মাতৃ আৰু দুগৰাকী ভগ্নীৰে সৈতে বাস কৰি আহিছিল ৰাজে । পিছে সৰু পৰিয়ালটোৰ এই সুখত অকস্মাতে লাগিল কেনা ৷ কৰ’ণাৰ সংহাৰৰ সময়ত ৰাজৰ পিতৃৰ মৃত্যু ঘটে ৷ তাৰ পিছৰে পৰা ৰাজেই হৈছে পৰিয়ালটোৰ একমাত্ৰ উপাৰ্জনকাৰী । ভগ্নী-মাতৃ দুয়োজনেই তেওঁৰ ওপৰত নিৰ্ভৰশীল আছিল যদিও ঘটনাৰ পিছৰ পৰাই তেওঁলোকো দুখী হৈ পৰিছে ।

ৰাজ-সোনমৰ প্ৰেমৰ সম্পৰ্কৰ বিষয়ত ৰাজৰ মাতৃয়ে কয়- ‘‘আমাৰ হাতত তেনে কোনো তথ্য নাই ৷ সোনম ৰাজৰ মালিকনী আছিল আৰু ৰাজে তেওঁক ভগ্নীৰ দৰে ব্যৱহাৰ কৰিছিল ৷’’

আমি ন্যায় বিচাৰো: ভগ্নী

ৰাজা ৰঘুবংশীৰ ৰহস্যজনক মৃত্যুত নাম সাঙোৰ খোৱাৰ পিছত সোনম ৰঘুবংশীৰ কথিত প্ৰেমিক ৰাজ কুশৱাহাক গ্ৰেপ্তাৰ কৰিছে আৰক্ষীয়ে । ৰাজৰ ভনীয়েকে এই সন্দৰ্ভত কয়- ‘‘আমাৰ হাতত এই ঘটনাৰ কোনো তথ্য নাই । সোনমৰ প্ৰেমৰ খবৰ সন্দৰ্ভত কি চলি আছে, সেই বিষয়ে আমি অৱগত নহয় । আমি বাৰে বাৰে একেটা কথাকে অনুৰোধ কৰি আছো যে আমি ন্যায় বিচাৰো । আমাৰ ভাইটিয়ে কেতিয়াও এনেকুৱা কাম কৰিব নোৱাৰে ।’’

প্ৰকৃততে কাৰ মালিকনী আছিল সোনম ?

উল্লেখ্য যে, পেছাদাৰী হত্যাকাৰীৰ জৰিয়তে স্বামী ৰাজা ৰঘুবংশীক হত্যা কৰাৰ অভিযোগ উত্থাপিত হৈছে ইন্দোৰৰ সোনম ৰঘুবংশীৰ বিৰুদ্ধে । এই কাণ্ডত সোনমৰ প্ৰেমিক ৰাজ কুশৱাহা আৰু আন তিনিজন যুৱক জড়িত থকাৰ সন্দেহ প্ৰকাশ কৰিছে আৰক্ষীয়ে । আটাইকেইজন ইন্দোৰৰ বাসিন্দা । সোনমৰ প্ৰেমিক ৰাজ কুশৱাহা ইন্দোৰত থকাৰ উপৰিও সোনমৰ পিতৃৰ প্লাইউড কোম্পানীত কৰ্মৰত আছিল । যিটো কোম্পানীৰ মালিকৰ আসনত আছিল সোনম ৰঘুবংশী ।

ভগ্নীয়ে খোদ সোনমক ৰাজৰ মালিকনী বুলি দাবী কৰিছে । ইয়াৰোপৰি বিশাল সিং, আনন্দ কুৰ্মী আৰু আকাশ ৰাজপুত নামৰ আন তিনিজন যুৱকক ৰাজা ৰঘুবংশীক হত্যা কৰিবলৈ চুপাৰী দিয়া হৈছিল বুলি আৰক্ষীয়ে প্ৰকাশ কৰিছে ৷

লগতে পঢ়ক: মেঘালয় আৰু মেঘালয়ৰ মানুহক অপমান কৰিলে কিয় ? সোনম-ৰাজাৰ পৰিয়ালে ক্ষমা খোজক - SONAM RAJA CASE