ৰহস্যৰ মাজত ৰাজা ৰঘুবংশীৰ হত্যাকাণ্ড: সোনম-ৰাজৰ নাৰ্কো টেষ্টৰ দাবী ৰাজাৰ পৰিয়ালৰ

ইন্দোৰ: পৰিবহণ ব্যৱসায়ী ৰাজা ৰঘুবংশী হত্যাকাণ্ডৰ গোচৰত মেঘালয় আৰক্ষীৰ তদন্ত অব্যাহত আছে । প্ৰয়োজনীয় প্ৰমাণ সংগ্ৰহ কৰা হৈছে । মেঘালয় আৰক্ষীয়ে ৰতলামত অভিযান চলাই ফ্লেটৰ মালিকৰ পৰা সোনম ৰঘুবংশীৰ গহনা থকা বেগটো উদ্ধাৰ কৰে । আৰক্ষীয়ে আশা কৰিছে যে এই গহনাবোৰ প্ৰমাণ হিচাপে কাম কৰিব । বেগটো হত্যাকাণ্ডৰ পিছত সোনম থকা ফ্লেটটোত ৰখা হৈছিল । কিন্তু সোনম পলাই যোৱাৰ পিছত ফ্লেটৰ মালিকে এই বেগটো লুকুৱাই ৰাখিছিল ।

সোনমৰ গহনাবোৰ ৰাজাৰ ভাতৃয়ে চিনাক্ত কৰে

ইন্দোৰত ৰাজা ৰঘুবংশী হত্যাকাণ্ডৰ তদন্তত ধাৰাবাহিকভাৱে জড়িত হৈ আছে আৰক্ষী । ৰাজা ৰঘুবংশীৰ ভাতৃ বিপিনক ইন্দোৰ ক্ৰাইম ব্ৰাঞ্চে আৰক্ষী থানালৈ মাতি আনি গহনাবোৰ চিনাক্ত কৰে । এই সময়তে আৰক্ষীয়ে বিপিনক জেৰাও কৰে ।

ইন্দোৰত ফ্লেটৰ মালিকক গ্ৰেপ্তাৰ (ETV Bharat)

ইফালে ৰাজাৰ পৰিয়ালে পুনৰ এই প্ৰশ্ন উত্থাপন কৰি কয়, "এতিয়ালৈকে সোনম আৰু তেওঁৰ প্ৰেমিক ৰাজে শ্বিলং আৰক্ষীক কিয় হত্যাকাণ্ড সংঘটিত হ'ল তাৰ সন্তোষজনক উত্তৰ দিয়া নাই । সকলোৱে জানিব বিচাৰে যে ৰাজ হত্যাৰ আঁৰৰ উদ্দেশ্য কি আছিল । গতিকে সোনম আৰু ৰাজৰ নাৰ্কো টেষ্ট কৰাটো প্ৰয়োজনীয় ।"

সোনম আৰু ৰাজৰ নাৰ্কো টেষ্ট কৰিব লাগে

ৰাজা ৰঘুবংশী হত্যাকাণ্ডৰ ঘটনাত পৰিয়ালটোৱে প্ৰতিদিনে নতুন নতুন তথ্য প্ৰকাশ কৰি আহিছে । এতিয়া ৰাজা ৰঘুবংশীৰ ভাতৃ বিপিনে সোনম আৰু প্ৰেমিক ৰাজ কুশৱাহাক ড্ৰাগছ সেৱন কৰি হত্যা কৰাৰ অভিযোগ উত্থাপন কৰিছে । বিপিন ৰঘুবংশীয়ে কয়, "সোনম আৰু তাইৰ প্ৰেমিক ৰাজ কুশৱাহা দুয়োজনেই ড্ৰাগছ আসক্ত । দুয়োকে কঠোৰভাৱে জেৰা কৰা উচিত । দুয়োৰে নাৰ্কো টেষ্টো কৰা উচিত । ৰাজাক কিয় হত্যা কৰা হ'ল সেয়া এতিয়াও প্ৰকাশ হোৱা নাই । আনন্দ আৰু আকাশে আদালতৰ সন্মুখত নিজৰ বক্তব্য সলনি কৰিছে । ৰাজ আৰু সোনমেও নিজৰ বক্তব্য সলনি কৰিব পাৰে ।"

সোনম ৰঘুবংশী (ETV Bharat)

প্ৰথমবাৰৰ বাবে প্ৰতিক্ৰিয়া প্ৰকাশ মধ্যপ্ৰদেশৰ আৰক্ষী সঞ্চালক প্ৰধান মাকৱানাৰ

ইফালে ইন্দোৰত উপস্থিত হোৱা মধ্যপ্ৰদেশৰ আৰক্ষী সঞ্চালক প্ৰধান কৈলাশ মাকৱানাই এই গোচৰৰ বিষয়ে প্ৰথমবাৰৰ বাবে বক্তব্য আগবঢ়়ায় । আৰক্ষী সঞ্চালক প্ৰধানে কয়, "ডাঙৰ চহৰৰ প্ৰতিজন ভাৰাতীয়াৰ তথ্য আৰক্ষীয়ে কেনেকৈ ৰাখিব পাৰে । ভাৰাতীয়াৰ ভেৰিফাই কৰাটো ঘৰৰ মালিকৰ কাম । কিন্তু ডাঙৰ চহৰত অহা-যোৱা প্ৰতিজন ব্যক্তিৰ ওপৰত আৰক্ষীৰ চকু ৰখাটোও সম্ভৱ নহয় । ক'ৰবাত সন্দেহজনক ব্যক্তিক দেখা পোৱাৰ সময়ত বা কোনো তথ্য পোৱাৰ সময়ত আৰক্ষীয়ে নিজৰ কাম কৰে ।"

বিবাহৰ প্ৰাকক্ষণত ৰাজা আৰু সোনম (ETV Bharat)

আৰক্ষী সঞ্চালক প্ৰধান মাকৱানাই কয়, "বহু সময়ত আপুনি নিজেই আপোনাৰ ঘৰত বাস কৰা ভাৰাতীয়াসকলক লগ কৰিবলৈ কোন আহিছে তাৰ খবৰ ৰাখিব নোৱাৰে, তেন্তে আৰক্ষীয়ে কেনেকৈ সম্পূৰ্ণ হিচাপ ৰাখিব পাৰে । যদি আৰক্ষীয়ে কোনোধৰণৰ সন্দেহজনক কাৰ্যকলাপৰ তথ্য পায়, তেন্তে সম্পূৰ্ণ তদন্ত কৰা হয় ।" উল্লেখ্য যে শ্বিলং আৰক্ষীয়ে সোনম থকা ইন্দোৰৰ ফ্লেটটোৰ মালিকৰ লগতে আন একাংশ অভিযুক্তকো গ্ৰেপ্তাৰ কৰিছে ।