বাৰমেৰ: হিন্দ আৰু সিন্ধুৰ মাজত পূৰ্বৰে আছে এক ওতঃপ্ৰোত সম্পৰ্ক । কিন্তু পহলগামৰ বৰ্বৰ আক্ৰমণৰ পিছত এই সম্পৰ্কত আহিছে বৃহৎ বাধা । যাৰ প্ৰভাৱ পৰিছে সীমান্তৱৰ্তী অঞ্চলসমূহত প্ৰভাৱ পৰিছে পাৰিবাৰিক সম্পৰ্কত । এই প্ৰভাৱে নতুনকৈ পাতনি মেলিব খোজা এটা সম্পৰ্কৰ বাবে ঠিয় দিছে বাধাৰ প্ৰাচীৰ হৈ ।
এই ভয়ংকৰ ঘটনাৰ বাবেই ভাঙো ভাঙো হৈছে এখন বিয়া । পশ্চিম ৰাজস্থানৰ বাৰমেৰ জিলাৰ বাসিন্দা শৈতান সিঙৰ ৩০ এপ্ৰিলত পাকিস্তানৰ অমৰকোটৰ এগৰাকী যুৱতীৰ সৈতে ঠিক হৈছিল বিয়া । কিন্তু দাতাই দিলেও যেন বিধাতাই নিদিয়ে । পহলগামৰ আক্ৰমণ ঘটনাৰ বাবে কেৰোণ লাগিল শৈতান সিঙৰ বিবাহত । বাঘা সীমান্ত অতিক্ৰম কৰাৰ অনুমতি নাপালে শৈতান সিঙে । বাঘা সীমান্তৰ পৰাই উভতিল তেওঁৰ বৰযাত্ৰীৰ দল ।
#WATCH | Shaitan Singh, a Rajasthan citizen, who was scheduled to cross the Amritsar's Attari border to enter Pakistan for his wedding today, says, " what the terrorists have done is wrong...we are not being allowed to go (to pakistan) as the border is closed...let us see what… pic.twitter.com/FEEuf1GxZG
— ANI (@ANI) April 24, 2025
এই সন্দৰ্ভত শৈতান সিঙে কয় যে এয়া সীমান্তৰ সমস্যা । ভাৰত চৰকাৰে যদি সিদ্ধান্ত লৈছে তেন্তে শুদ্ধ সিদ্ধান্তই গ্ৰহণ কৰিছে । যদি ভুল কৰিছে সেয়া সন্ত্ৰাসবাদীয়ে কৰিছে । চাৰি বছৰ পূৰ্বে বাৰমেৰ শৈতান সিঙৰ পাকিস্তানৰ অমৰকোটৰ এটা পৰিয়ালৰ লগত সম্পৰ্ক স্থাপন হৈছিল । ৩০ এপ্ৰিল তাৰিখে তেওঁলোকৰ বিয়াৰ দিন ঠিক হৈছিল । এনে অৱস্থাত দুয়োটা পৰিয়ালৰ মাজত বিয়াৰ প্ৰস্তুতি জোৰদাৰ হৈছিল । তেনে সময়তে শৈতান সিঙৰ বৰযাত্ৰী বাৰমেৰৰ পৰা পাকিস্তান যাবলৈ ২৪ এপ্ৰিল তাৰিখে আটাৰী-ৱাঘা সীমান্তত উপস্থিত হৈছিল, কিন্তু তেওঁলোকক সীমান্ততেই পাকিস্তানলৈ যাবলৈ বাধা প্ৰদান কৰা হৈছিল ।
উল্লেখ্য যে, তেওঁলোকে পাকিস্তানৰ ভিছাৰ বাবে তিনিবছৰে নেৰানেপেৰা প্ৰচেষ্টা অব্যাহত ৰখাৰ পাছত ১৮ ফ্ৰেব্ৰুৱাৰীত ভিছা অনুমোদিত হয় । যাৰ পৰিপ্ৰেক্ষিতত দুয়োটা পৰিয়ালৰ সন্মতিমৰ্মে ৩০ এপ্ৰিলত বিবাহৰ দিন ধাৰ্য কৰিছিল, কাৰণ ভিছা ১২ মে'লৈকেহে বৈধ আছিল । কিন্তু ইয়াৰ মাজতে আহিল অনাকাংক্ষিত খবৰটো ।
#WATCH | Amritsar | Surinder Singh from Rajasthan, who was scheduled to visit Pakistan today for a family wedding, says, " i was going to pakistan today for my brother's wedding, but it will be postponed now. my grandmother and her four sons stay in pakistan, and her one son stays… pic.twitter.com/Irm80PcC9s
— ANI (@ANI) April 24, 2025
২২ এপ্ৰিলত জম্মু-কাশ্মীৰৰ পহলগামত সংঘটিত হোৱা প্ৰাণঘাতী আক্ৰমণত ২৬ জনৰ মৃত্যু ঘটাৰ পাছত ভাৰত চৰকাৰে পাকিস্তানী নাগৰিকৰ ভিছা বাতিল কৰে আৰু ভাৰতীয় নাগৰিককো পাকিস্তান এৰিবলৈ নিৰ্দেশ দিয়া হৈছিল । এনে সময়তে শৈতান সিঙৰ বৰযাত্ৰী ২৪ এপ্ৰিলত আটাৰী-ৱাঘা সীমান্তত উপস্থিত হয়, কিন্তু তেওঁলোকক পাকিস্তানলৈ যোৱাৰ অনুমতি দিয়া নহ’ল । ফলত বৰযাত্ৰীৰ দলটো শুকুৰবাৰে নিশা নিজৰ গাঁৱলৈ উভতি আহে ।
গৌৰৱ কৰিবলগীয়া বিষয় যে, পাকিস্তানৰ সিন্ধু প্ৰান্তত সৌড়া ৰাজপুতসকলৰ জনবসতি বহুল । তেওঁলোকে নিজৰ গোত্ৰৰ পৰম্পৰা মানি চলে । এনে পৰম্পৰা ৰক্ষা কৰি তেওঁলোকে নিজৰ গোত্ৰৰ বাহিৰৰ সৈতে সম্পৰ্ক স্থাপন কৰিবলৈ সীমান্তৰ ইটো পাৰৰ ৰাজপুত যুৱকসকলৰ সৈতে সম্পৰ্ক স্থাপন কৰে ।
