নেশ্যনেল হেৰাল্ডৰ গোচৰ: ইডিৰ চাৰ্জশ্বীটৰ প্ৰতি লক্ষ্য ৰাখি আদালতে সংৰক্ষিত ৰাখিছে ৰায়

নতুন দিল্লী: নেশ্যনেল হেৰাল্ডৰ গোচৰত প্ৰৱৰ্তন সঞ্চালকালয়ে দাখিল কৰা অভিযোগনামাৰ সন্দৰ্ভত সোমবাৰে দিল্লীৰ এখন আদালতে নিজৰ ৰায় সংৰক্ষণ কৰি ৰাখে । বিশেষ ন্যায়াধীশ বিশাল গগনে কয় যে ২৯ জুলাইত বিষয়টোৰ শুনানি গ্ৰহণ কৰা হ’ব ।

এছ’চিয়েটেড জাৰ্ণেলছ লিমিটেড (এ জে এল)ৰ ২০০০ কোটি টকাৰ সম্পত্তি জালিয়াতিৰে অধিগ্ৰহণ কৰাক লৈ ছোনিয়া গান্ধী আৰু ৰাহুল গান্ধীৰ লগতে প্ৰয়াত কংগ্ৰেছ নেতা মোটিলাল ভোৰা আৰু অস্কাৰ ফাৰ্ণাণ্ডেছৰ লগতে সুমন ডুবে, ছেম পিট্ৰ’ডা আৰু ইয়ং ইণ্ডিয়ান নামৰ এটা ব্যক্তিগত কোম্পানীৰ বিৰুদ্ধে ষড়যন্ত্ৰ আৰু ধন সৰবৰাহৰ অভিযোগ উত্থাপন কৰিছে প্ৰৱৰ্তন সঞ্চালকালয়ে, যি খবৰ প্ৰকাশ কৰিছিল নেশ্যনেল হেৰাল্ডে ৷

প্ৰৱৰ্তন সঞ্চালকালয়(ইডি) ৰ অভিযোগ এয়ে যে ৯০ কোটি টকাৰ ঋণৰ বিনিময়ত এ জে এলৰ সম্পত্তি প্ৰৱঞ্চনাৰে দখল কৰা ইয়ং ইণ্ডিয়ানৰ সৰ্বাধিক ৭৬ শতাংশ শ্বেয়াৰ আছিল গান্ধী পৰিয়ালৰ হাতত । অভিযোগনামাত ছোনিয়া গান্ধী আৰু ৰাহুল গান্ধী, ছেম পিট্ৰ’ডা, সুমন ডুবে, সুনীল ভাণ্ডাৰী, ইয়ং ইণ্ডিয়ান এণ্ড ডটেক্স মাৰ্চেণ্ডাইজ প্ৰাইভেট লিমিটেডৰ নাম উল্লেখ কৰা হৈছে ।

আনহাতে, ছোনিয়া গান্ধীৰ হৈ জ্যেষ্ঠ অধিবক্তা অভিষেক মনু সিংভীয়ে ধন সৰবৰাহৰ অভিযোগক সঁচাকৈয়ে অদ্ভুত আৰু অভূতপূৰ্ব বুলি অভিহিত কৰি ইয়াৰ লগত কোনো স্থাৱৰ সম্পত্তিৰ কথা জড়িত নাই বুলি দাবী কৰিছিল । তদুপৰি ৰাহুল গান্ধীয়ে দাবী কৰে যে সৰ্বভাৰতীয় কংগ্ৰেছ কমিটীয়ে প্ৰাক-স্বাধীনতা যুগৰ কাকতখনক পুনৰুজ্জীৱিত কৰাৰ প্ৰচেষ্টাক নিজৰ সম্পত্তি বিক্ৰীৰ চেষ্টা বুলি ভুল ধাৰণা কৰা হৈছে ৷

কোম্পানীটোৰ অলাভজনক লক্ষ্যসমূহৰ ওপৰত আলোকপাত কৰি জ্যেষ্ঠ অধিবক্তা আৰ ৰাহুল গান্ধীক প্ৰতিনিধিত্ব কৰি চিমাই কয় যে নেশ্যনেল হেৰাল্ড কেতিয়াও বাণিজ্যিক প্ৰতিষ্ঠান নাছিল আৰু এআইচিচিয়ে কেৱল কাকতখনক পুনৰ সঠিক পথলৈ আনিব বিচাৰিছে ।

২০১২ চনত বিজেপি নেতা সুব্ৰমণিয়াম স্বামীয়ে এ জে এল অধিগ্ৰহণৰ প্ৰক্ৰিয়াত কংগ্ৰেছ নেতাসকলে প্ৰৱঞ্চনা আৰু আস্থা ভংগ কৰাৰ অভিযোগ উত্থাপন কৰি নিম্ন আদালতত এজাহাৰ দাখিল কৰাৰ সময়তে নেশ্যনেল হেৰাল্ডৰ সম্পত্তিক সন্দৰ্ভত বিবাদৰ কথা পোহৰলৈ আহে । (এজেন্সীৰ তথ্যৰ সহায়ত)

লগতে পঢ়ক: নেশ্যনেল হেৰাল্ডৰ গোচৰ: গান্ধী পৰিয়ালৰ দাবীক খণ্ডন ই ডিৰ - NATIONAL HERALD CASE