কাৰাগাৰত থাকি হেনো আমনি লাগিছে আতিক আহমেদৰ পুত্ৰ আলীৰ; প্ৰয়োজন LED TV ৰ

প্ৰয়াগৰাজ : অকলে আৰু কিমান দিন এনেকৈয়ে থাকিব ! কাৰাগাৰৰ ভিতৰত থাকি অশান্তি পাইছে আলীয়ে ৷ বন্ধ কাৰাগাৰৰ ভিতৰত থাকি লাভ কৰা নাই বাহিৰৰ খবৰ ৷ সেয়ে আলীক কাৰাগাৰৰ ভিতৰত লাগে এটা LED TV ৷

হয়, আপুনি ঠিকেই ভাবিছে কাৰাগাৰত বন্দী হৈ থকা আলী হৈছে মাফিয়া আতিক আহমেদৰ পুত্ৰ ৷ প্ৰয়াগৰাজৰ নাইনী কেন্দ্ৰীয় কাৰাগাৰৰ উচ্চ নিৰাপত্তাৰক্ষীৰ কোঠাত আবদ্ধ হৈ আছে মাফিয়া আতিক আহমেদৰ পুত্ৰ আলী ৷

আলীয়ে তেওঁৰ অধিবক্তাৰ জৰিয়তে কাৰাগাৰ প্ৰশাসনলৈ এখন পত্ৰ প্ৰেৰণ কৰি দাবী কৰে যে বৰ্তমান দেশ-বিদেশত কি হৈ আছে একোৱে নাজানে ৷ সেয়ে আলীক বন্দী কোঠাটোৰ ভিতৰত লাগে এটা LED TV আৰু এখন যিকোনো বাতৰি কাকত ৷

কেৱল LED TV আৰু বাতৰি কাকতেই নহয়, যিহেতু গৰম পৰিছে সেয়ে আলীক এটা কুলাৰ আৰু ঠাণ্ড খোৱাপানীৰ ব্যৱস্থা কৰি দিবলৈ জেল প্ৰসাসনক দাবী জনায় ৷

উল্লেখ্য যে, আলী হৈছে আতিক আহমেদৰ দ্বিতীয় পুত্ৰ । ২০২৩ চনৰ ১৫ এপ্ৰিলত সংঘটিত হোৱা উমেশ পাল হত্যাকাণ্ড গোচৰৰ বাবে আলীক নাইনী কেন্দ্ৰীয় কাৰাগাৰৰ উচ্চ নিৰাপত্তাৰক্ষীৰ মাজত ৰখা হৈছে । CCTV কেমেৰাৰ জৰিয়তে তেওঁক অহৰহ নিৰীক্ষণ কৰি থকা হৈছে ।

• জেলত এল ই ডি টিভি স্থাপনৰ কোনো ব্যৱস্থা নাই :

আলীয়ে জেলৰ ভিতৰত টিভি স্থাপনৰ দাবীত আদালতত আবেদন দাখিল কৰিছে । এই সন্দৰ্ভত কাৰাগাৰৰ জ্যেষ্ঠ অধীক্ষক ৰং বাহাদুৰে কয় যে জেলৰ সংবিধান মতে কয়দী বা কাৰাবন্দীসকলক সা-সুবিধা প্ৰদান কৰা হয় ।

জেলৰ সংবিধানত জেলত এল ই ডি টিভি স্থাপনৰ কোনো ব্যৱস্থা নাই । সেয়েহে কাৰাগাৰ প্ৰশাসনে আদালতত নিজৰ পক্ষ ৰাখে ৷ অৱশেষত আদালতেও আলীৰ এই দাবী নাকচ কৰে । অৱশ্যে আদালতে আলীক বন্দী কোঠাত পঢ়িবলৈ বাতৰি কাকত আৰু কিতাপৰ ব্যৱস্থা কৰি দিছে ৷

• শুনানিৰ সময়ত জীৱন আৰু সা-সম্পত্তিৰ প্ৰতি ভাবুকি আহিছিল :

আলী জিছান ওৰফে জানু পাঁচ কোটি টকা ধন দাবী আৰু উমেশ পাল হত্যাৰ গোচৰৰ দৰে বহু গোচৰত অভিযুক্ত । নাইনী কাৰাগাৰত বন্দী হৈ আছে । সেই গোচৰসমূহৰ চলি থকাৰ মাজতে সংশ্লিষ্ট আদালতত হাজিৰ কৰোৱাৰ সময়ত তেওঁৰ ওপৰত আক্ৰমণ হ’ব পাৰে বুলি আশংকা প্ৰকাশ কৰি আলীয়ে তেওঁৰ জীৱনৰ নিৰাপত্তাৰ দাবী জনাইছিল । ভিডিঅ’ কনফাৰেন্সিঙৰ জৰিয়তে তেওঁৰ এই দাবী কৰিছিল ৷ কিন্তু ৰাজ্য চৰকাৰে তেওঁৰ এই দাবী নাকচ কৰে আৰু ভিডিঅ’ কনফাৰেন্সিঙৰ জৰিয়তে তেওঁক আদালতত উপস্থিতি দিয়াৰ সিদ্ধান্ত গ্ৰহণ কৰে ৷

• আলীকে ধৰি ১৩জন লোকৰ বিৰুদ্ধে দাখিল কৰা ধন দাবী :

প্ৰয়াগৰাজত মাফিয়া আতিক আহমেদ, তেওঁৰ পুত্ৰ আলীকে ধৰি ১৩জন লোকৰ বিৰুদ্ধে এক কোটি টকা ধন দাবী কৰাৰ লগতে দাবী কৰা ধন নিদিয়াৰ বাবে হত্যা কৰাৰ অভিযোগত এফআইআৰ দাখিল কৰা হৈছে । ধূমনগঞ্জ থানাত ছাবিৰ হুছেইনৰ বিৰুদ্ধে ১৪৭, ১৪৮, ১৪৯, ৩০৭, ৩৮৬, ২৮৬, ৫০৪, ৫০৬ আৰু ১২০বি ধাৰাত দাখিল কৰা এজাহাৰ ।

মাফিয়া আতিক আহমেদ আৰু তেওঁৰ পুত্ৰ আলীৰ উপৰিও এজাহাৰত আছাদ কলিয়া, শ্বাকিল, ছাকিৰ, ছাবি আব্বাছ, ফৈজান, ছাইফ, নমি, আফফান, মাহমুদ, মৌদ আৰু আছলাম মন্ত্ৰী (আতিক আহমেদৰ খুলশালীয়েক)ৰ নাম উল্লেখ আছে । ৫ কোটি টকাৰ ধন দাবী কৰাৰ অভিযোগত আলীৰ বিৰুদ্ধেও দাখিল কৰা হৈছিল এজাহাৰ ৷ এই এজাহাৰ দাখিল কৰিছিল খোদ আতিক আহমেদৰ আত্মীয়ই ।