গৃহস্থহীন মৃতদেহৰ শেষকৃত্যৰ বাবে জীৱন উছৰ্গা কৰা এজন ব্যক্তি

হালদৱানী : এইখন পৃথিৱীত এতিয়াও এনে কিছু লোক জীয়াই আছে যাৰ কৰ্মৰ বাবেহে যেন পৃথিৱীখন বাসোপযোগী হৈ আছে । তেনে এগৰাকী ব্যক্তি হৈছে উত্তৰাখণ্ডৰ হেমন্ত । উত্তৰখণ্ডৰ হালদৱানীৰ হেমন্ত গাউনিয়াই নীৰৱে এনে এটা কাম কৰি আছে, যিটো সাধাৰণতে আন মানুহে কৰিবলৈ বাছনি নকৰে ।

সাধাৰণতে মৃতকৰ অন্তিম সংস্কাৰ কেৱল মৃত লোকৰ আত্মীয়সকলেহে কৰে । কিন্তু এনে লোকসকলৰ অন্তিম সংস্কাৰ কৰাটো দুৰ্লভ ঘটনা, যাৰ সংস্কাৰ কৰা ব্যক্তিজনৰ সৈতে কোনো আত্মীয়তা বা সম্পৰ্ক নাথাকে । কিন্তু তেওঁলোকে সন্মানসহকাৰে তেওঁলোকৰ অন্তিম কাৰ্য সম্পন্ন কৰে । গাউনিয়াই বিগত কেইবা বছৰ ধৰি কোনো গৃহস্থ নোহোৱা মৃতদেহৰ অন্ত্যেষ্টিক্ৰিয়া কৰি আহিছে । ইয়াৰ ফলত শৱগৃহত পৰি থকা শ শ গৃহস্থহীন মৃতদেহবোৰৰ এক সন্মানজনক অন্তিম সংস্কাৰ সম্পন্ন হৈছে ।

তেনে ধৰণৰ গৃহস্থ নোহোৱা মৃতদেহৰ বিষয়ে তথ্য সংগ্ৰহ কৰা আৰু তেওঁলোকৰ অন্তিম সংস্কাৰ কৰাটো হেমন্ত গাউনিয়াৰ বাবে এক নিয়মীয়া কাম হৈ পৰিছে । তেওঁ ইটিভি ভাৰতৰ আগত কয়, "তেওঁ গৃহস্থ নোহোৱা মৃতদেহবোৰক সন্মানজনক বিদায় দিয়াৰ এটা প্ৰৱণতা নিৰ্ধাৰণ কৰিবলৈ এই অভিযান আৰম্ভ কৰিছে ।"

হালদৱানীত গৃহস্থ নোলোৱা মৃতদেহবোৰ ৭২ ঘণ্টা ৰখাৰ পিছত হেমন্ত গাউনিয়াক হস্তান্তৰ কৰা হয় । গাউনিয়াই কয়, "মৰণোত্তৰ পৰীক্ষাৰ পিছত এটা গৃহস্থহীন মৃতদেহ 72 ঘণ্টাৰ বাবে শৱগৃহত ৰখা হয় । তাৰ পিছত মৃতদেহটো তেওঁক অন্ত্যেষ্টিক্ৰিয়াৰ বাবে দিয়া হয় । ইয়াৰ পিছত, তেওঁ নিজৰ দলৰ সৈতে মৃতকক ৰীতি-নীতিৰে সৎকাৰ কৰে, যাতে তেওঁৰ আত্মাই পাৰ্থিৱ শৰীৰ ত্যাগৰ পিছত 'শান্তি' লাভ কৰে । মৃতদেহবোৰৰ অন্ত্যেষ্টিক্ৰিয়াত হোৱা খৰচবোৰ তেওঁ আৰু তেওঁৰ সহযোগীসকলে বহন কৰে ।

ডেৰ বছৰত 197 টা গৃহস্থথীন মৃতদেহৰ অন্ত্যেষ্টিক্ৰিয়া

গাউনিয়াই কয় যে কৰোনা কালতো তেওঁ বহু লোকৰ অন্ত্যেষ্টিক্ৰিয়া কৰিছিল। এতিয়ালৈকে তেওঁ 197 টা গৃহস্থহীন মৃতদেহ সৎকাৰ কৰিছে। তেওঁ এই মৃতদেহবোৰ এম্বুলেন্সেৰে কাঠগোদামৰ ৰাণীবাগ বা হালদৱানী ৰাজপুৰা মুক্তিধামৰ বৈদ্যুতিক শ্মশানলৈ লৈ যায় । তাত তেওঁৰ দলৰ আনসকলৰ সৈতে ৰীতি-নীতি অনুসৰি তেওঁলোকৰ অন্তিম সংস্কাৰ কৰে ।

কেৱল এয়াই নহয়, গাউনিয়াই বিগত বহু বছৰ ধৰি ৰোগী আৰু অসহায় লোকসকলকো সহায় কৰি আহিছে । তেওঁ মানসিকভাৱে বিকাৰগ্ৰস্ত আৰু ৰুগীয়া লোকসকলক চিকিৎসালয়ত ভৰ্তি কৰোৱায় আৰু তেওঁলোকৰ সঠিক চিকিৎসাৰ ব্যৱস্থা কৰে । তেওঁ এই মহৎ কাম কৰাৰ বাবে চৰকাৰৰ পৰা কোনো ধৰণৰ সহায় নলয় ।