অশান্তজৰ্জৰ মণিপুৰৰ পূব ইম্ফলত উদ্ধাৰ ৭ টাকৈ আই ই ডি - Manipur Violence

তেজপুৰ, ১৯ ছেপ্টেম্বৰ: অশান্ত জৰ্জৰিত মণিপুৰত সুৰক্ষা বাহিনীয়ে উদ্ধাৰ কৰিছে বৃহৎ পৰিমাণৰ বিস্ফোৰক সামগ্ৰী ৷ বিগত ১ ছেপ্টেম্বৰত পুনৰ অগ্নিগৰ্ভা হৈছিল মণিপুৰ ৷ ৰকেট ব’ম আৰু ড্ৰ’ণ আক্ৰমণত প্ৰায় ১২ জন লোকৰ মৃত্যু হোৱাৰ বিপৰীতে কেবাজনো লোক আহত হয় ৷

ইম্ফল পূব জিলাৰ বংজাং আৰু ইথাম গাঁৱৰ সমীপৰ পাহাৰীয়া অঞ্চলৰ পৰা ভাৰতীয় সেনা আৰু মণিপুৰ আৰক্ষীয়ে বৃহস্পতিবাৰে বিপুল পৰিমাণৰ আই ই ডি, ইম্প্ৰভাইজড এক্সপ্ল’ছিভ ডিভাইচ (আই ই ডি) উদ্ধাৰ কৰে । বৃহস্পতিবাৰে ভাৰতীয় সেনাই জাৰি কৰা এক বিবৃতিত এই কথা উল্লেখ কৰি কোৱা হৈছে যে নিৰ্দিষ্ট চোৰাংচোৱাৰ তথ্যৰ ওপৰত ভিত্তি কৰি ভাৰতীয় সেনা আৰু মণিপুৰ আৰক্ষীয়ে তীব্ৰতাৰে অভিযান আৰম্ভ কৰা হয় ৷ সেনাৰ কুকুৰৰ সহযোগত অনুসন্ধান অভিযান আৰম্ভ কৰি প্ৰায় ২৮.৫ কিলোগ্ৰাম ওজনৰ সাতটা আই ই ডি উদ্ধাৰ কৰা হয় । উদ্ধাৰ হোৱা আই ই ডিসমূহ ভাৰতীয় সেনাৰ অভিযন্তাৰ বিশেষজ্ঞসকলে নিশ্চিত কৰে ।

ইম্ফলত উদ্ধাৰ বৃহৎ পৰিমাণৰ বিস্ফোৰক সামগ্ৰী (Defense PRO)

এই উদ্ধাৰৰ ফলত এক বৃহৎ দুৰ্যোগ ৰোধ কৰাৰ লগতে নিৰীহ সাধাৰণ নাগৰিকৰ জীৱন ৰক্ষা কৰা হৈছে বুলি সুৰক্ষা বাহিনীৰ সূত্ৰই প্ৰকাশ কৰিছে ৷ উল্লেখ্য যে আই ই ডি উদ্ধাৰ কৰাটো যোৱা তিনিমাহত নিৰাপত্তা বাহিনীৰ বাবে দ্বিতীয়টো বৃহৎ সফলতা ৷ ২০২৪ চনৰ ২০ জুলাইত ইম্ফল ইষ্টৰ চাইচাং ইথামৰ পাহাৰীয়া অঞ্চলত ৩৩ কিলোগ্ৰাম ওজনৰ আঠটা আই ই ডি সফলতাৰে উদ্ধাৰ কৰা হৈছিল ৷ ভাৰতীয় সেনাৰ মণিপুৰ আৰক্ষীৰ সহযোগত ভাৰতীয় সেনাই অভিযান চলাই এই সফলতা লাভ কৰে ৷

লগতে পঢ়ক : কেন্দ্ৰই মণিপুৰত উচিত মূল্যত সামগ্ৰী যোগান ধৰিব; কেন্দ্ৰীয় গৃহমন্ত্ৰীৰ ঘোষণা

অধিকাৰ বিচাৰি কুকি-মাৰসহ কেবাটাও জনজাতিৰ প্ৰতিবাদ জিৰিবামত: আৰক্ষীৰ শূন্যলৈ গুলীচালনা

মণিপুৰ হিংসা সন্দৰ্ভত কেন্দ্ৰক তীব্ৰ সমালোচনা কংগ্ৰেছৰ, প্ৰেৰণ কৰিব প্ৰতিনিধি দল