ধৰ্ষণৰ গোচৰত প্ৰজ্বল ৰেৱন্নাক যাৱজ্জীৱন কাৰাদণ্ড, ১১ লাখ টকাৰ জৰিমনা, ভুক্তভোগীয়ে লাভ কৰিব গোটেই ধনৰাশি

বেংগালুৰু : কণাৰ্টকাৰ হাছান জিলাৰ হোলেনাৰসীপুৰাৰ এখন ফাৰ্ম হাউচত ঘৰত কাম কৰা সহায়িকাক ধৰ্ষণ কৰাৰ গোচৰত বহিষ্কৃত জেডিএছৰ নেতা তথা লোকসভাৰ প্ৰাক্তন সাংসদ প্ৰজ্বল ৰেৱন্নাক যাৱজ্জীৱন কাৰাদণ্ডৰ শাস্তি প্ৰদান কৰিছে জনপ্ৰতিনিধিৰ বিশেষ আদালতে ।

লগতে প্ৰজ্বল ৰেৱন্নাকো ১১ লাখ টকাৰ জৰিমনা বিহাও হৈছে । এই সম্পূর্ণ ধন ভুক্তভোগীক দিয়া হ’ব বুলি আদালতে জানিবলৈ দিয়ে ৷

শাস্তি কম কৰাৰ বাবে আবেদন জনাইছিল প্ৰজ্বল ৰেৱন্নাই

ধৰ্ষণৰ গোচৰত দোষী সাব্যস্ত হোৱা নিলম্বিত জনতা দল (চেকুলাৰ) নেতা তথা প্ৰাক্তন সাংসদ প্ৰজ্বল ৰেৱন্নাই শাস্তি কম কৰাৰ বাবে আবেদন জনাইছিল । তেওঁৰ কোনো ভুল কৰা নাই বুলি দাবী কৰিছিল ৰেৱনন্নাই । ৰেৱনাই কয় যে তেওঁৰ একমাত্ৰ ভুল আছিল ৰাজনীতিত অতি সোনকালে আগবাঢ়ি যোৱা ।

আদালতে তেওঁক যাৱজ্জীৱন কাৰাদণ্ডৰ শাস্তি প্ৰদান কৰে

বেংগালুৰুৰ এখন বিশেষ আদালতে ৩৪ বছৰীয়া প্ৰজ্ৱলক তেওঁৰ বিৰুদ্ধে ৰুজু হোৱা যৌন নিৰ্যাতন আৰু ধৰ্ষণৰ চাৰিটা গোচৰৰ ভিতৰত এটা গোচৰত দোষী সাব্যস্ত কৰি শনিবাৰে এই শাস্তি ঘোষণা কৰে । শনিবাৰে আদালতত শাস্তি কম কৰাৰ বাবে তেওঁ ন্যায়াধীশৰ ওচৰত অনুৰোধ জনাইছিল ।

কোনো মহিলাই স্ব-ইচ্ছাই অভিযোগ দিবলৈ অহা নাহিল... আদালতত এই কথা ক'লে প্ৰজ্বল ৰেৱন্নাই

প্ৰাক্তন সাংসদগৰাকীয়ে কয়, "...তেওঁলোকে কয় যে মই বহু মহিলাক ধৰ্ষণ কৰিছো, কিন্তু কোনো মহিলাই স্বেচ্ছাই অভিযোগ দিবলৈ অহা নাছিল, নিৰ্বাচনৰ ছয় দিন আগতে আহিছিল (যোৱা বছৰৰ লোকসভা নিৰ্বাচন)... বিচাৰ বিভাগে ইচ্ছাকৃতভাৱে তেওঁলোকক আনি অভিযোগ পঞ্জীয়ন কৰাইছিল ।"

অনুগ্ৰহ কৰি মোৰ শাস্তি কম কৰি দিয়ক, প্ৰজ্ৱলে আদালতত কয়

প্ৰজ্ৱলে কয় যে মহিলাগৰাকীয়ে (ভুক্তভোগীয়ে) ধৰ্ষণৰ অভিযোগৰ অভিযোগ স্বামী বা আত্মীয়কে ধৰি কোনো লোকৰ ওচৰত কৰা নাই । প্ৰজ্ৱলে কয় যে যেতিয়া কিছুমান ভিডিঅ’ সম্প্ৰচাৰিত হৈছিল, তেতিয়া তেওঁ এজাহাৰ দাখিল কৰিছিল ।

প্ৰাক্তন সাংসদগৰাকীয়ে কয়, "মোৰ পৰিয়াল আছে, ছমাহ ধৰি মাক-দেউতাকক দেখা নাই... অনুগ্ৰহ কৰি মোৰ শাস্তি কম কৰি দিয়ক, এইটোৱেই মই আদালতক অনুৰোধ কৰিছো ।"

যোৱা বছৰৰ মে’ মাহত জাৰ্মানীৰ পৰা অহাৰ সময়ত গ্ৰেপ্তাৰ হোৱা প্ৰজ্ৱলে কয়, ''জীৱনত মই কৰা একমাত্ৰ ভুলটো হ’ল ৰাজনীতিত মই দ্ৰুতগতিত আগবাঢ়িছো ।''

যৌন নিৰ্যাতন আৰু ধৰ্ষণৰ চাৰিটা গোচৰৰ ভিতৰত এটা গোচৰত দোষী সাব্যস্ত হ'ল প্ৰজ্ৱলে

শুকুৰবাৰে সাংসদ আৰু বিধায়কৰ বিশেষ আদালতৰ ন্যায়াধীশ সন্তোষ গজানন ভাটে যৌন নিৰ্যাতন আৰু ধৰ্ষণৰ চাৰিটা গোচৰৰ ভিতৰত এটা গোচৰত দোষী সাব্যস্ত কৰে ৩৪ বছৰীয়া প্ৰজ্ৱলক । এই গোচৰটো হাছান জিলাৰ হোলেনাৰসীপুৰাৰ ৰেৱন্না পৰিয়ালৰ ফাৰ্ম হাউচত সহায়ক হিচাপে কাম কৰা এগৰাকী ৪৮ বছৰীয়া মহিলাৰ সৈতে জড়িত । ২০২১ চনত বেংগালুৰুৰ ফাৰ্ম হাউচ আৰু ৰেৱন্নাৰ বাসগৃহত ভুক্তভোগী মহিলাগৰাকীক দুবাৰকৈ ধৰ্ষণ কৰাৰ অভিযোগ উত্থাপন হৈছে ।