পহলগাম: ভাৰতৰ পৰ্বতাৰোহণকাৰীসকলৰ বাবে এক গুৰুত্বপূৰ্ণ কৃতিত্ব হিচাপে প্ৰিমিয়াৰ নেচনেল মাউণ্টেইনিং ইনষ্টিটিউট জৱাহৰ ইনষ্টিটিউট অৱ মাউণ্টেইনিং এণ্ড ৱিণ্টাৰ স্প’ৰ্টছ (জি আই এম এণ্ড ডব্লিউ এছ) পহলগাম, নেহৰু ইনষ্টিটিউট অৱ মাউণ্টেইনিং এণ্ড ৱিণ্টাৰ স্প’ৰ্টছ (এন আই এম) উত্তৰকাশী আৰু হিমালয়ান মাউণ্টেইনিং ইনষ্টিটিউট (এইচ এম আই) দাৰ্জিলিঙৰ প্ৰশিক্ষকক লৈ গঠিত যৌথ অভিযান দলে বিশ্বৰ সৰ্বোচ্চ শৃংগ মাউণ্ট এভাৰেষ্ট (৮৮৪৮.৮৬মিটাৰ) ৰ শিখৰত সফলতাৰে উপনীত হয় ৷
চলিত বৰ্ষৰ ২৬ মাৰ্চত নতুন দিল্লীত মাননীয় সুৰক্ষা ৰাজ্যমন্ত্ৰী সঞ্জয় শেঠে এই অভিযানৰ আনুষ্ঠানিকভাৱে ফ্লেগ অফ কৰে । প্ৰতিকূল বতৰ আৰু চূড়ান্ত উচ্চতাৰ প্ৰত্যাহ্বানৰ মাজতে সাহস, স্থিতিস্থাপকতা আৰু দলীয় কাৰ্য প্ৰদৰ্শন কৰি দলটোৱে ভাৰতীয় পৰ্বতাৰোহণৰ ইতিহাসত এক নতুন মাপকাঠী স্থাপন কৰিছে ।
উল্লেখ্য যে, তেওঁলোকৰ অভ্যস্ততা সূচীৰ অংশ হিচাপে দলটোৱে ২০২৫ চনৰ ১৮ এপ্ৰিলৰ ৭.৫৮ বজাত মাউণ্ট লোবুচে (৬১১৯ মিটাৰ) ৰ আৰোহণো সফলতাৰে সম্পূৰ্ণ কৰে ৷
এই অভিযানৰ নেতৃত্বত আছিল কৰ্ণেল অংশুমান ভদৌৰিয়া, প্ৰিন্সিপাল এন আই এম উত্তৰকাশী আৰু কৰ্ণেল হেম চন্দ্ৰ সিং, প্ৰিন্সিপাল জিম এণ্ড ডব্লিউ এছ পহলগাম, পাঁচজন প্ৰশিক্ষকৰ অভিজ্ঞ দল, হাভ ৰাজেন্দ্ৰ মুখিয়া (জিম এণ্ড ডব্লিউ এছ) আৰু মিষ্টাৰ ৰাকেশ সিং ৰাণা (এন আই এম) ৷ তদুপৰি আছিল ছাব বাহাদুৰ পাহান (এন আই এম), মিষ্টাৰ পাছাং টেনজিং শ্বেৰপা (এইচ এম আই) আৰু হাভ থুপস্তান চেৱাং (এইচ এম আই) ।
দলটোৱে নিৰাপদে এভাৰেষ্ট বেছ কেম্পলৈ গৈ বৰ্তমান কাঠমাণ্ডুত উপস্থিত হৈছে ৷ এই সাফলতাই আমাৰ দেশৰ পৰ্বতাৰোহীসকলৰ অদম্য মনোভাৱ আৰু সহনশীলতাক মূৰ্ত কৰি তোলাই নহয়, দুঃসাহসিক ক্ৰীড়া আৰু উচ্চ-উচ্চতাৰ অভিযানত ভাৰতৰ ক্ৰমবৰ্ধমান দক্ষতাৰ গৌৰৱময় প্ৰমাণ হিচাপেও থিয় দিছে ।
লগতে পঢ়ক: অপাৰেশ্যন সেন্দূৰৰ পিছত প্ৰথমটো মন কী বাত; কি ক'লে প্ৰধানমন্ত্ৰীয়ে ?
