নতুন দিল্লী : নতুন দিল্লীৰ পাকিস্তান উচ্চায়ুক্তৰ পদবীত থকা এজন পাকিস্তানী বিষয়াক ‘অবাঞ্ছিত ব্যক্তি’ বুলি ঘোষণা কৰি ভাৰত চৰকাৰে ২৪ ঘণ্টাৰ ভিতৰত দেশ এৰি যাবলৈ নিৰ্দেশ দিয়ে । বৈদেশিক পৰিক্ৰমা মন্ত্ৰালয়ে এক বিবৃতিত এই তথ্য সদৰী কৰে ।
মন্ত্ৰালয়ে কয় যে পাকিস্তানী বিষয়াগৰাকী ভাৰতত চৰকাৰী মৰ্যাদাৰ বিপৰীতে কামত জড়িত হৈ আছে । এই সন্দৰ্ভত আজি পাকিস্তান উচ্চায়ুক্তৰ চাৰ্জ ডি এফেয়াৰ্ছলৈ এখন প্ৰতিবাদী পত্ৰ প্ৰেৰণ কৰা হয় ।
The Government of India has declared a Pakistani official, working at the Pakistan High Commission in New Delhi, persona non grata for indulging in activities not in keeping with his official status in India. The official has been asked to leave India within 24 hours. Charge d’… pic.twitter.com/0kS1Hg2lXJ
— ANI (@ANI) May 13, 2025
সংবাদ মাধ্যমৰ খবৰ অনুসৰি পাকিস্তানী বিষয়াজনে দিল্লীত থাকি ভাৰতৰ বিৰুদ্ধে ষড়যন্ত্ৰ কৰিছিল । প্ৰতিবেদনত দাবী কৰা হৈছে যে এই ব্যক্তিজন পাকিস্তানী চোৰাংচোৱা সংস্থা ISI ৰ এজেণ্ট হ’ব পাৰে ।
অপাৰেশ্যন সেন্দূৰৰ পাছত ভাৰত আৰু পাকিস্তানৰ মাজত উত্তেজনাৰ মাজতে চৰকাৰে এই সিদ্ধান্ত গ্ৰহণ কৰিছে । ৬-৭ মে’ৰ মাজৰ নিশা ভাৰতীয় সেনাই পাকিস্তান আৰু পাকিস্তান দখল কৰা কাশ্মীৰৰ ৯টা সন্ত্ৰাসবাদী শিবিৰত আক্ৰমণ চলাই ধ্বংস কৰে । ভাৰতৰ এই আক্ৰমণত ১০০ৰো অধিক সন্ত্ৰাসবাদী নিহত হয় ।
The said person is a staff at the Pakistan High Commission, not an officer. https://t.co/ezbWwGO4ZM
— ANI (@ANI) May 13, 2025
ইয়াৰ পূৰ্বে বৈদেশিক পৰিক্ৰমা মন্ত্ৰালয়ে স্পষ্ট কৰি দিছিল যে পাকিস্তানে সন্ত্ৰাসবাদৰ সমৰ্থন বন্ধ নকৰালৈকে সিন্ধু জল সন্ধি ভাৰতৰ পক্ষৰ পৰা স্থগিত হৈ থাকিব ।
PoK ৰ বিষয় সন্দৰ্ভত বৈদেশিক মন্ত্ৰালয়ৰ মুখপাত্ৰ ৰণধীৰ জয়ছৱালে কয়, ''জম্মু-কাশ্মীৰৰ সৈতে জড়িত যিকোনো সমস্যা দুয়োপক্ষই দ্বিপাক্ষিকভাৱে সমাধান কৰিব লাগিব বুলি ভাৰতৰ দীৰ্ঘদিনীয়া স্থিতি হৈ আহিছে । এই নীতিৰ কোনো পৰিৱৰ্তন হোৱা নাই । এতিয়া কেৱল PoK ৰ ওপৰত আলোচনা হ’ব আৰু পাকিস্তানে অবৈধভাৱে দখল কৰা ভাৰতীয় ভূখণ্ড খালী কৰিব লাগিব ৷''
