শম্ভূ সীমান্তত কৃষক: আজি চৰকাৰৰ সৈতে কৃষক সংগঠনৰ চতুৰ্থ পৰ্যায়ৰ বৈঠক

নিউজ ডেস্ক, 18 ফেব্ৰুৱাৰী : দিল্লীলৈ কৃষকৰ পদযাত্ৰাৰ বাবে আম্বালাৰ শম্ভূ সীমান্তত উত্তেজনাৰ সৃষ্টি হোৱাৰ বিপৰীতে আনফালে কৃষক নেতাৰ সৈতে আলোচনা কৰি বিষয়টো সমাধানৰ বাবে প্ৰচেষ্টা চলোৱা হৈছে ৷ যদিও এই পৰ্যন্ত তিনিটা পৰ্যায়ত বৈঠক হৈছে, তথাপিও সমস্যাটো এতিয়াও সমাধান হোৱা নাই ৷ এতিয়া এনে অৱস্থাত চতুৰ্থ পৰ্যায়ৰ বৈঠক কিছু সময়ৰ পিছত অনুষ্ঠিত হ’বলৈ গৈ আছে ৷ আশা কৰা হৈছে যে এই বৈঠকত হয়তো দুয়োটা পক্ষ একমতত উপনীত হ’ব আৰু সমস্যাটো সমাধান হ’ব ৷

এম এছ পি আৰু ঋণ ৰেহাইৰ ওপৰত আবদ্ধ :

এতিয়ালৈকে কৃষক নেতা আৰু চৰকাৰৰ মাজত তিনিটা পৰ্যায়ত আলোচনা হৈছে ৷ যেতিয়াই এই বৈঠক অনুষ্ঠিত হৈছিল তেতিয়াই আশা কৰা হৈছিল যে হয়তো এই সভাতে সমস্যাৰ সমাধান হ’ব আৰু বৈঠক শেষ হোৱাৰ পিছতে কিছু ভাল খবৰ শুনা যাব, কিন্তু সেয়া হৈ নুঠিল ৷ কোৱা হৈছে যে এম এছ পি আৰু ঋণ ৰেহাইৰ ক্ষেত্ৰত অচলাৱস্থা অব্যাহত আছে ৷ এনে পৰিস্থিতিত কৃষকসকলে শম্ভু সীমান্তত দিল্লীলৈ সমদল উলিয়াবলৈ অটল হৈ আছে ৷ নিৰাপত্তা বাহিনীয়ে তেওঁলোকক বাধা দিবলৈ চেষ্টা চলাইছে ৷

এতিয়া কিছু সময়ৰ পাছত চতুৰ্থ ৰাউণ্ডৰ আলোচনা :

অৱশ্যে ইতিবাচক পৰিৱেশত তিনি পৰ্যায়ৰ আলোচনা হৈছে ৷ প্ৰথম পৰ্যায়ৰ আলোচনা 8 ফেব্ৰুৱাৰীত হোৱাৰ বিপৰীতে দ্বিতীয় পৰ্যায়ৰ আলোচনা 4 দিনৰ পিছত 12 ফেব্ৰুৱাৰীত অনুষ্ঠিত হয় ৷ ইয়াৰ পূৰ্বে কৃষকসকলে দিল্লীলৈ যাত্ৰা কৰে ৷ আনহাতে তৃতীয় পৰ্যায়ৰ আলোচনা 3 দিনৰ পিছত 15 ফেব্ৰুৱাৰীত হয় ৷ এতিয়া চতুৰ্থ পৰ্যায়ৰ বৈঠক আজি সন্ধিয়া 6 বজাত অনুষ্ঠিত হ’ব ৷ কেন্দ্ৰীয় মন্ত্ৰীসকলৰ উপৰিও পঞ্জাৱৰ মুখ্যমন্ত্ৰী ভগৱন্ত মান প্ৰথম আৰু তৃতীয় বৈঠকত উপস্থিত আছিল যদিও ইয়াৰ পাছতো বিষয়টো সমাধান কৰিব পৰা নগ’ল ৷ ইফালে 15 ফেব্ৰুৱাৰীত অনুষ্ঠিত বৈঠকত কেন্দ্ৰীয় কৃষি মন্ত্ৰী অৰ্জুন মুণ্ডাই বৈঠকৰ পিছত কয় যে কৃষক সংগঠনৰ সৈতে অতি ইতিবাচক পৰিৱেশত আলোচনা কৰা হৈছিল ৷

সমাধানৰ আশা :

ইফালে হাৰিয়ানাৰ প্ৰাক্তন মুখ্যমন্ত্ৰী ভূপেন্দ্ৰ সিং হুডাই আজিৰ আলোচনাত সমাধান সূত্ৰ ওলোৱাৰ লগতে চৰকাৰে নিশ্চিতভাৱে এম এছ পি সন্দৰ্ভত সিদ্ধান্ত ল’ব বুলি আশাবাদী বুলি মন্তব্য কৰিছে ৷

ইয়াৰ সমাধানৰ আশা কৰিছে কেজৰিৱালে :

দিল্লীৰ মুখ্যমন্ত্ৰী অৰবিন্দ কেজৰিৱালক কৃষক সংগঠনৰ সৈতে চৰকাৰৰ বৈঠক সন্দর্ভত প্ৰশ্ন কৰাত তেওঁ কয় যে বিষয়টোৰ সমাধান সূত্ৰ ওলাব বুলি তেওঁ আশাবাদী ৷

সিদ্ধুৰ তাচ্ছিল্য :

ইফালে কংগ্ৰেছ নেতা নৱজ্যোত সিং সিদ্ধুৱে নিজৰ শৈলীত বক্তব্য ৰাখি কৈছে যে এম.এছ.পি. আৰু কৃষকৰ উপাৰ্জন দুগুণ কৰা হ'ব, ইয়াতকৈ এই পৃথিৱীত ডাঙৰ মিছা থাকিব পাৰে নেকি?

শম্ভু সীমান্তত কৃষকৰ প্ৰতিবাদ :

এফালে এখন বৈঠকৰ জৰিয়তে সমাধান বিচাৰি উলিওৱাৰ প্ৰচেষ্টা চলোৱা হৈছে, আনহাতে আম্বালাৰ শম্ভু সীমান্তৰ কৃষকসকলে দিল্লীলৈ সমদল উলিয়াবলৈ অটল হৈ আছে ৷ আজিও শম্ভু সীমান্তত কৃষকসকলে প্ৰতিবাদ সাব্যস্ত কৰে ৷

লগতে পঢ়ক : দাবী মানি নল'লে ১৯ ফেব্ৰুৱাৰীত পঞ্জাৱ সীমান্তলৈ ৰাওনা হ'ব হাৰিয়ানাৰ কৃষক