গোৰ্ছাম কোৰা মহোৎসৱে সুদৃঢ় কৰিব ভাৰত-ভূটানৰ বন্ধুত্ব
অৰুণাচল প্ৰদেশৰ জেমিথাং উপত্যকাত হিমালয়ৰ বৌদ্ধ সাংস্কৃতিক উত্তৰাধিকাৰৰ সন্মানত আৰু ভাৰত-ভূটানৰ মাজত দীৰ্ঘদিনীয়া বন্ধুত্বক উদযাপনৰ বাবে প্ৰতি বছৰে অনুষ্ঠিত হয় এই গোৰ্ছাম কোৰা উৎসৱ ।
Published : March 25, 2025 at 7:39 PM IST
তেজপুৰ: "গোৰ্ছাম কোৰা" মহোৎসৱ হৈছে এক ঐতিহাসিক মহোৎসৱ, যাৰ দ্বাৰা ভাৰত আৰু ভূটানৰ মাজত এক বন্ধুত্ব স্থাপনৰ এক দীৰ্ঘদিনীয়া প্ৰচেষ্টা হাতত লোৱা হৈছে ৷ ২৬ মাৰ্চৰ পৰা অৰুণাচল প্ৰদেশৰ জেমিথাং উপত্যকাত অনুষ্ঠিত হ’বলগীয়া বাৰ্ষিক অনুষ্ঠান গোৰ্ছাম কোৰা উৎসৱত বৌদ্ধধৰ্মৰ সাংস্কৃতিক ঐতিহ্যক সন্মান জনোৱাৰ লগতে ভাৰত আৰু ভূটানৰ দীৰ্ঘদিনীয়া বন্ধুত্বক আদৰণি জনোৱা হ’ব । তেজপুৰস্থ প্ৰতিৰক্ষা বিভাগৰ মুখপাত্ৰই এই বিষয়ে জানিবলৈ দিয়ে ।
অৰুণাচল প্ৰদেশৰ টাৱাং জিলাৰ জেমিথাং উপত্যকাত হিমালয়ৰ বৌদ্ধ সাংস্কৃতিক উত্তৰাধিকাৰৰ সন্মানত আৰু ভাৰত-ভূটানৰ মাজত দীৰ্ঘদিনীয়া বন্ধুত্বক উদযাপনৰ বাবে প্ৰতি বছৰে অনুষ্ঠিত হয় এই গোৰ্ছাম কোৰা উৎসৱ ।
ন্যামজ্ঞাং-চ্যু নদীৰ কাষত অৱস্থিত জেমিথাঙে ১৯৫৯ চনত তিব্বতৰ পৰা প্রত্যাপৰ্ণ কৰাৰ পিছত চতুৰ্দশ দালাই লামাই আশ্ৰয় লোৱা অভয়াৰণ্য হিচাপে ঐতিহাসিক তাৎপৰ্য লাভ কৰিছে । খৃষ্টীয় দ্বাদশ শতিকাৰ সময়ছোৱাত স্থানীয় সন্ন্যাসী লামা প্ৰধৰে নিৰ্মাণ কৰা ৯৩ ফুট ওখ স্তূপ গোৰ্ছাম চোৰ্টেনত অনুষ্ঠিত হ’ব এই উৎসৱ ।
টাৱাং মঠতকৈ বহু পুৰণি এই বিৰল স্তূপটো নেপালৰ বৌধিনাথ স্তূপৰ আৰ্হিত নিৰ্মাণ কৰা হৈছে । বৌদ্ধধৰ্মৰ চন্দ্ৰ কেলেণ্ডাৰৰ প্ৰথম মাহৰ অন্তিম দিনটোত গোৰ্ছাম কোৰা উৎসৱৰ সময়ত ভূটানৰ বহু নাগৰিককে ধৰি হাজাৰ হাজাৰ ভক্ত একত্ৰিত হ’ব এই পৌৰাণিক ধৰ্মীয় অনুষ্ঠানটোত ।
জেমিথাং ৰাজহ চক্ৰৰ উদ্যোগত অসামৰিক কৰ্তৃপক্ষৰ সহযোগত আৰু স্থানীয় ভাৰতীয় সেনা ইউনিটৰ দ্বাৰা এই উৎসৱৰ আৰম্ভণি হ’ব মহামহিম পদ্ম শ্ৰীথেংচে ৰিনপোচেৰ নেতৃত্বত । চতুৰ্দশ দালাই লামাই ৰোপণ কৰা বুলি বিশ্বাস কৰা খিনজেমানে পবিত্ৰ গছত প্ৰাৰ্থনাৰে তিনিদিনীয়া এই অনুষ্ঠানৰ আৰম্ভণি হ’ব । চোৰ্টেনত সন্ন্যাসীসকলে পবিত্ৰ মন্ত্ৰৰ জপ আৰু বৌদ্ধধৰ্মৰ পৰম্পৰাগত অনুষ্ঠানৰ আয়োজন কৰিব । এই অনুষ্ঠানত ভূটান, টাৱাং আৰু চুবুৰীয়া অঞ্চলৰ তীৰ্থযাত্ৰী আৰু লামাসকলেও অংশগ্ৰহণ কৰিব ৷
এই মহোৎসৱত স্থানীয় দল আৰু ভাৰতীয় সেনাৰ বেণ্ডৰ সাংস্কৃতিক পৰিৱেশনকে ধৰি বিভিন্ন অনুষ্ঠানৰ লগতে মল্লখম্ব আৰু জাঞ্জৰ দৰে যুদ্ধ অনুষ্ঠানৰ আয়োজন কৰা হ’ব ।
‘জিৰ’ ৱেষ্ট ফেষ্টিভেল’ শীৰ্ষক বিষয়বস্তুৰ অধীনত উদযাপন কৰা ফাৰ্দাৰ এণ্ড বিয়ণ্ড ফাউণ্ডেচনে ভাৰতীয় সেনা আৰু স্থানীয় প্ৰশাসনৰ সহযোগত এই অনুষ্ঠানৰ সময়ত এক বিশেষ স্বচ্ছতাৰ অভিযান হাতত ল’ব ।
লগতে পঢ়ক: অৱশেষত মুকলি আকাশৰ তললৈ ইউ এছ টি এমৰ আচাৰ্য মহবুবুল হক - USTM CHANCELLOR MAHBUBUL HOQUE
