নতুন দিল্লী : দেওবাৰে পুৱা দিল্লীৰ ৰোহিনী ছেক্টৰ ১৭ৰ শ্ৰী নিকেতন এপাৰ্টমেণ্টৰ সমীপৰ বস্তিত এক বৃহৎ অগ্নিকাণ্ড সংঘটিত হয় । এই জুই লেলিহান শিখাই কেবাটাও বস্তি ছানি ধৰে । ইয়াৰ মাজতে জীৱিত অৱস্থাতে অগ্নিদদ্ধ হৈ দুটি শিশুৰ মৃত্যু হয় । অশেষ চেষ্টাৰ অন্তত ২০খন অগ্নিনিৰ্বাপক বাহিনীৰ বাহনে এই জুই নিয়ন্ত্ৰণ কৰিবলৈ সক্ষম হয় ।
আৰক্ষী আৰু অগ্নিনিৰ্বাপক বাহিনীৰ লোকে দিয়া তথ্য অনুসৰি, অগ্নিদদ্ধ হৈ দুটা শিশু মৃত্যু হৈছে । এই অগ্নিকাণ্ডৰ ফলত প্ৰায় ৪০০টা জুপুৰি জ্বলি যায় । ইতিমধ্যে মৃতদেহ দুটা মৰণোত্তৰ পৰীক্ষাৰ বাবে প্ৰেৰণ কৰা হৈছে । বৰ্তমানো এই ঘটনাৰ অনুসন্ধান অভিযান চলি আছে ।
- দুই শিশুৰ মৃত্যু :
দিল্লীৰ ৰোহিনী অঞ্চলত দেওবাৰে বস্তি কলনীত ব্যাপক অগ্নিকাণ্ড সংঘটিত হয় । নিমিষতে এই জুইৰ লেলিহান শিখাই ভয়ংকৰ ৰূপ লয় । তাৰ পাচতে ঘটনা সন্দৰ্ভত অগ্নিনিৰ্বাপক বাহিনীৰ লোকক খবৰ দিয়া হয় । খবৰ লাভ কৰাৰ পিছতে এখন এখনকৈ কেবাখনো অগ্নিনিৰ্বাপক বাহিনীৰ গাড়ী উক্ত স্থানত উপস্থিত হৈ এই জুই নিৰ্বাপনৰ চেষ্টা কৰা হয় ।
दिल्ली | घटनास्थल से 2 शव बरामद किए गए हैं। तलाशी और बचाव अभियान जारी है: दिल्ली पुलिस https://t.co/qU1iLmx0S0
— ANI_HindiNews (@AHindinews) April 27, 2025
- নিমিষতে এই জুইৰ লেলিহান শিখাই ভয়ংকৰ ৰূপ লয় :
ৰোহিনীৰ ১৭ নং ছেক্টৰৰ শ্ৰী নিকেতন এপাৰ্টমেণ্টৰ সমীপত বহু বস্তিত শ শ লোকে বাস কৰে । দেওবাৰে পুৱা ইয়াত হঠাতে এই অগ্নিকাণ্ডৰ ঘটনা সংঘটিত হয় । এটা বস্তিত হঠাতে এই জুই লাগে যদিও নিমিষতে এই জুয়ে ভয়াৱহ ৰূপ লয় । এই অগ্নিকাণ্ডৰ ফলত কেবাটাও চিলিণ্ডাৰ বিস্ফোৰণ হোৱা বুলি সন্দেহ কৰা হৈছে ।
आज दोपहर 1 बजे रोहिणी की झुग्गियों में भयंकर आग लगी हुई थी। उस आग में 2 बच्चों की जान चली गई।
— Atishi (@AtishiAAP) April 27, 2025
और उस समय माननीय मुख्यमंत्री @gupta_rekha जी क्या कर रही थीं? वह “मन की बात” सुन रही थीं।
पूरा दिन बीत गया - रोहिणी की झुग्गियों में जाना तो छोड़िए, मुख्यमंत्री को इस पर ट्वीट करने… pic.twitter.com/sqTOhSgrT6
- ৪০০টা জুপুৰি জ্বলি ছাই হৈ যায় :
অগ্নিনিৰ্বাপক বাহিনীৰ মতে, ''দেওবাৰে পুৱা ১১:৫৫ বজাত এই অঞ্চলত অগ্নিকাণ্ডৰ ঘটনা সংঘটিত হয় । তথ্য লাভ কৰাৰ পিছতে ২০খন অগ্নিনিৰ্বাপক বাহিনীৰ গাড়ী সেই স্থানলৈ প্ৰেৰণ কৰা হয় । আৰক্ষীৰ তথ্য অনুসৰি, এই ঘটনাত ৪০০ টা জুপুৰি ঘৰ জ্বলি ছাই হৈ যায় ।''
