নতুন দিল্লী: ভাৰত আৰু পাকিস্তানৰ মাজত হোৱা যুদ্ধবিৰতিৰ মাজতে উত্তৰ-পূৰ্বাঞ্চলৰ ৰাজ্য অৰুণাচল প্ৰদেশৰ নাম সলনি কৰিবলৈ চীনে কৰা প্ৰচেষ্টাক বিশেষজ্ঞসকলে ধিক্কাৰ দি আন্তঃৰাষ্ট্ৰীয় সীমান্তত চীনৰ কাৰ্যকলাপৰ ওপৰত চকু ৰাখিবলৈ কেন্দ্ৰীয় চৰকাৰক আহ্বান জনাইছে ।
ইয়াৰ পূৰ্বে ভাৰতে চীনে অৰুণাচল প্ৰদেশৰ কিছুমান ঠাইৰ নাম সলনি কৰিবলৈ কৰা প্ৰয়াসক অসাৰ আৰু অৰ্থহীন বুলি সম্পূৰ্ণৰূপে নাকচ কৰে ৷ লগতে কয় যে এনে প্ৰচেষ্টাই ৰাজ্যখন সদায় ভাৰতৰ অবিচ্ছেদ্য অংগ হৈ থাকিব বুলি কৰা দাবীৰ বাস্তৱতাক সলনি নকৰে ।
চুবুৰীয়া দেশখনে তিব্বতৰ দক্ষিণ অংশ বুলি দাবী কৰা অৰুণাচল প্ৰদেশৰ কিছুমান ঠাইৰ নাম নিজৰ ভাষাত ঘোষণা কৰাৰ প্ৰতিক্ৰিয়াস্বৰূপে নতুন দিল্লীয়ে এই প্ৰতিক্ৰিয়া প্ৰকাশ কৰিছে ।
ইটিভি ভাৰতৰ সৈতে হোৱা এক সাক্ষাৎকাৰত কৰ্ণেল (অৱসৰপ্ৰাপ্ত) দিব্য ভট্টাচাৰ্যই কয় ‘‘শেহতীয়াকৈ ভাৰত আৰু পাকিস্তানৰ মাজত হোৱা যুদ্ধবিৰতিয়ে চীনক জোকাৰি গৈছে আৰু সীমান্তৱৰ্তী ৰাজ্যখনৰ স্থানসমূহৰ নাম সলনি কৰাৰ শেহতীয়া প্ৰচেষ্টা এই দিশত এক পদক্ষেপ ।’’
কৰ্ণেল (অৱসৰপ্ৰাপ্ত) ভট্টাচাৰ্যই লগতে কয় যে চীনে অৰুণাচল প্ৰদেশৰ ঠাইৰ নাম সলনি কৰাটো নতুন কথা নহয় । তেওঁ কয়, ‘‘এয়া চলি আহিছে । এই কৌশল তেওঁলোকে সাধাৰণতে তেতিয়া গ্ৰহণ কৰে, যেতিয়া তেওঁলোকে অৰুণাচল প্ৰদেশক নিজৰ মানচিত্ৰত চামিল কৰিব বিচাৰে ।’’
ভাৰত আৰু পাকিস্তানৰ যুদ্ধবিৰতিৰ কিছুদিন পিছতে সংঘটিত হোৱা বিবাদৰ সময় সন্দৰ্ভত প্ৰশ্ন উত্থাপন কৰি প্ৰাক্তন সেনাবিষয়া গৰাকীয়ে কয় যে এয়া সন্দেহজনক ! কাৰণ ভাৰত-পাকিস্তানৰ যুদ্ধবিৰতি হয়তো চীনে বিচৰা চৰ্তত হোৱা নাছিল ।
‘‘চীনে এই কথাত অসন্তুষ্ট হৈছে যে পাকিস্তানে আমেৰিকাৰ আশ্ৰয় লৈছে ৷ কাৰণ তেওঁলোকে দাবী কৰিছিল যে আমি যুদ্ধৰ সামগ্ৰীকে ধৰি সমগ্ৰ বিষয়তে পাকিস্তানক সমৰ্থন কৰিছো’’ বুলিও তেওঁ কয় ৷
শেহতীয়াকৈ ভাৰত আৰু পাকিস্তানৰ মাজত হোৱা যুদ্ধবিৰতিৰ কথা উল্লেখ কৰি কৰ্ণেল (অৱসৰপ্ৰাপ্ত) ভট্টাচাৰ্যই কয় যে পাকিস্তানে আমেৰিকাৰ পৰা সহায় লৈ এক প্ৰকাৰে চীনক বাহিৰত থকা যেন অনুভৱ কৰাইছে ।
প্ৰাক্তন শীৰ্ষ সেনা বিষয়াগৰাকীয়ে এনেদৰে কয়, ‘‘আমেৰিকা, ভাৰত আৰু পাকিস্তানৰ বাবেই উদ্ভৱ হোৱা সমীকৰণৰ বাহিৰত তেওঁলোকে (চীনে) অনুভৱ কৰিছে । সেয়েহে তেওঁলোকে অনুভৱ কৰিছে যে ভাৰতৰ ওপৰত অব্যাহত থকা হেঁচা অব্যাহত থাকিব লাগিব আৰু এয়া সেই দিশত এখোজ ।’’
কৰ্ণেল (অৱসৰপ্ৰাপ্ত) ভট্টাচাৰ্যই কয়, ‘‘চীনে বুজি পোৱা উচিত যে অৰুণাচল প্ৰদেশ ভাৰতৰ এক অবিচ্ছেদ্য অংগ আছিল আৰু থাকিব । এইটো এনেকুৱা এটা বিষয়, যিটো ভাৰতে চীনা দূতাবাসৰ সৈতে শক্তিশালীভাৱে গ্ৰহণ কৰিব । আমি তেওঁলোকক কূটনৈতিকভাৱেও আমাৰ মতামত ঘোষণা কৰো ৷
বৰ্তমানৰ পৰিস্থিতিৰ প্ৰতি লক্ষ্য ৰাখি তেওঁ কয় যে সীমান্তৰ সিপাৰে চীনৰ চলাচল আৰু তেওঁলোকৰ কাৰ্যকলাপৰ ওপৰত চকু ৰাখিবলৈ চৰকাৰে উপগ্ৰহৰ চিত্ৰৰ সহায় ল’ব লাগিব ।
তেওঁ লগতে কয় যে চৰকাৰে সীমান্ত পহৰা দিয়া আমাৰ বাহিনীৰ মনোবল বৃদ্ধি কৰাটোও নিশ্চিত কৰিব লাগে ৷ সীমান্তৰ সিপাৰে চীনৰ যিকোনো কাৰ্যকলাপৰ সৈতে মোকাবিলা কৰিবলৈ আমি ভালদৰে প্ৰস্তুত ।
লগতে পঢ়ক: পাকিস্তানত ভাৰতীয় উচ্চায়োগৰ বিষয়াক 'অবাঞ্ছিত' ঘোষণা, দেশ এৰাৰ নিৰ্দেশ
