চেন্নাই: মহিলা আৰু সাধাৰণ লোকৰ সুৰক্ষা নিশ্চিত কৰিবলৈ চেন্নাই আৰক্ষীয়ে নতুন উদ্যমেৰে গ্ৰহণ কৰিছে এক বিশেষ পদক্ষেপ । ইয়াৰ পৰিপ্ৰেক্ষিতত এতিয়া চহৰৰ বিভিন্ন অঞ্চলত 'ৰেড বাটন ৰব'টিক চি অ' পি' নামৰ ৰব'টিক আৰক্ষী যন্ত্ৰ স্থাপন কৰা হ'ব । আৰক্ষীয়ে উল্লেখ কৰিছে যে ইয়াৰ ফলত মহিলাসকল যিকোনো সময়তে সাহসৰে বাহিৰলৈ ওলাই যাবলৈ সক্ষম হ'ব ।
নাৰীৰ বিৰুদ্ধে হিংসা আৰু যৌন অপৰাধৰ ঘটনাসমূহ এতিয়া তেনেই সাধাৰণ কথা হৈ পৰিছে । কেৱল যৌন উৎপীড়ণ আৰু ধৰ্ষণেই নহয়; হত্যাকাণ্ড, জ্বলাই দিয়াৰ দৰে অপৰাধো সংঘটিত হৈছে । এই কাৰণতে অধিকাংশ ছোৱালী আৰু তেওঁলোকৰ পিতৃ-মাতৃয়ে শংকাৰে দিন অতিবাহিত কৰিবলগীয়া হৈছে । আৰক্ষী বিষয়াই এই সন্দৰ্ভত কয় যে এনে পৰিস্থিতিত চেন্নাই আৰক্ষীয়ে অতিৰিক্ত আৰক্ষী সহায়ৰ বাবে 'ৰেড বাটন ৰব'টিক ক'প নামৰ সুৰক্ষা ৰ'ব'টিক যন্ত্ৰ ইনষ্টল কৰাৰ ব্যৱস্থা কৰিছে । এই যন্ত্ৰসমূহ যি ঠাইত অপৰাধৰ ঘটনা সংঘটিত হৈ থাকে আৰু য'ত মহিলা আৰু শিশুসকল বেছিকৈ গোট খাই সেই সকলো ঠাইতে কামত আহিব ।
200 ROBOTIC COPS to Hit Chennai Streets—A New Era of Law Enforcement Begins! (1/6) pic.twitter.com/NgwKAwRcrx
— GREATER CHENNAI POLICE -GCP (@chennaipolice_) April 28, 2025
প্ৰথম পৰ্যায়ত চেন্নাইত ২০০ টা ঠাইত এইবোৰ ইনষ্টল কৰাৰ ব্যৱস্থা কৰা হৈছে । ৰেড বাটন ৰব'টিক ক'প নামৰ যন্ত্ৰই কেইমিটাৰৰ পৰা ৩৬০ ডিগ্ৰীলৈ ২৪ ঘণ্টা পৰিস্থিতি পৰ্যবেক্ষণ আৰু নিয়ন্ত্ৰণ কৰিব পাৰে । এই যন্ত্ৰত মাত্ৰ ঘটনাবোৰৰ ভিডিঅ' ৰেকৰ্ডেই নহয়, বৰঞ্চ শব্দও ৰেক'ৰ্ড কৰে । কোনো ব্যক্তি বা মহিলা বিপদত পৰিলে তেওঁ কেৱল এই যন্ত্ৰটোত বুটাম টিপিব লাগিব । এইটোৱে এটা ইমাৰ্জেঞ্চি কলৰ এলাৰ্ম বজাব । ইয়াৰ ফলত চাৰিওফালে থকা আৰক্ষী তাত তৎপৰতাৰে আহিব ।
ইয়াৰ উপৰি এই যন্ত্ৰটোত বিপদত পৰা ব্যক্তিসকল আৰু আৰক্ষীৰ সৈতে কথা-বতৰাৰ সুবিধা আছে । ইয়াত মাইক্ৰ’ফোনৰ সুবিধা আৰু জি পি এছৰ সুবিধাসমূহো আছে । এই যন্ত্ৰটোত ৰঙা বুটাম টিপিলে বিপদত পৰা ব্যক্তি বা তেওঁৰ নামত অন্য কোনো ব্যক্তিয়ে তৎক্ষণাৎ আৰক্ষীলৈ জাননী প্ৰেৰণ কৰিব । উল্লেখ্য় যে এইটো তীব্ৰ শব্দৰ সৈতে এলাৰ্ম বাজিব । ইয়াৰ ফলত চাৰিওফালে থকা লোকসকলে সহায় কৰিবলৈ আহিব পাৰে ।
এই ডিভাইচত এনে সুবিধা আছে যাৰ পৰা বিপদত পৰা লোকসকলে সহজতে ভিডিঅ' কলৰ জৰিয়তে আৰক্ষী নিয়ন্ত্ৰণ কক্ষৰ সৈতে যোগাযোগ কৰিব পাৰে । কৰ্তব্য়ৰত আৰক্ষীয়ে ঘটনাস্থলীত কি হৈছে সেয়া মনিটৰ কৰিব পাৰে । তদুপৰি কেমেৰাত ৰেকৰ্ড কৰা ফুটেজৰ আধাৰত তদন্ত কৰিব পৰাৰো সুবিধা আছে । ৰেড বাটন ৰ'বট পুলিচ ডিভাইচত ২৪ ঘণ্টা ইণ্টাৰনেটৰ সুবিধা থাকিব ।
চেন্নাই আৰক্ষী আয়ুক্তই দিয়া নিৰ্দেশনা অনুসৰি ১২খন আৰক্ষী জিলাৰ ৪ খন আৰক্ষী অঞ্চলৰ ৫০-৫০টা স্থানত এই ধৰণৰ ৰেড বাটন-ৰ'ব'টিক আৰক্ষী ডিভাইচ স্থাপন কৰাৰ বাবে উপযুক্ত হিচাপে চিনাক্ত কৰা হৈছে । তদুপৰি জুনৰ পৰা চেন্নাইত ৰে'লৱে ষ্টেচন, বাছ ষ্টেণ্ড, শ্বপিং মল, পূজা স্থান, শৈক্ষিক প্ৰতিষ্ঠান, কাৰখানা, আই টি কোম্পানী, উদ্যান, হাস্পতাল আদি আৰু সাধাৰণ লোকসকলৰ আগমন-অৱস্থানৰ ক্ষেত্ৰত এই আয়ৰণ আৰক্ষীক বহৎ সংখ্যাত নিযুক্ত কৰা হ'ব ।
