নতুন দিল্লী: কেন্দ্রীয় মাধ্যমিক শিক্ষা পৰিষদ চমুকৈ চি বি এছ ইৰ অধীনস্থ দশম শ্ৰেণীৰ পৰীক্ষাৰ ফলাফল মঘলবাৰে ঘোষণা কৰা হৈছে । ঘোষিত ফলাফল অনুসৰি, মুঠ ৯৩.৬৬% ছাত্ৰই এইবাৰৰ দশম শ্ৰেণীৰ পৰীক্ষাত উত্তীর্ণ হয়, যিটো পূৰ্বৰ বছৰৰ তুলনাত ০.০৬% অধিক । আনহাতে, ছাত্ৰীৰ উত্তীৰ্ণৰ হাৰ হৈছে ৯৫% । এইবাৰৰ পৰীক্ষাত ছাত্ৰীৰ উত্তীৰ্ণৰ হাৰ ছাত্ৰতকৈ ২.৩৭% বেছি ।
ফলাফল সন্দৰ্ভত চি বি এছ ইয়ে এক প্ৰেছ বিবৃতি প্ৰকাশ কৰি সকলো তথ্য প্ৰকাশ কৰে । বিবৃতি অনুসৰি, এইবাৰ দশম শ্ৰেণীৰ পৰীক্ষাত মুঠ ২২,৩৮৮,২৭ গৰাকী শিক্ষাৰ্থী অৱতীৰ্ণ হৈছিল । ইয়াৰে ভিতৰত ২০,৯৫,৪৬৭ গৰাকী উত্তীর্ণ হয় ।
আনহাতে, জ'ন হিচাপে থিৰুৱনন্তপুৰমে উত্তীৰ্ণৰ শীৰ্ষস্থান দখল কৰে । ইয়াৰ বিপৰীতে গুৱাহাটীত উত্তীৰ্ণৰ হাৰ হৈছে সৰ্বনিম্ন । থিৰুৱনন্তপুৰমত ৯৯.৭০% ছাত্ৰ-ছাত্ৰী উত্তীৰ্ণ হয় । আনহাতে, গুৱাহাটীৰ উত্তীৰ্ণৰ হাৰ হৈছে মাত্ৰ ৮৪.১৪% ।
উল্লেখ্য যে চি বি এছ ইৰ দশম শ্ৰেণীৰ পৰীক্ষা 15 ফেব্ৰুৱাৰীৰ পৰা আৰম্ভ হৈছিল আৰু 18 মাৰ্চত সমাপ্ত হয় । ইয়াৰ পূৰ্বে চি বি এছ ইয়ে দ্বাদশ শ্ৰেণীৰ ফলাফল ঘোষণা কৰে । দ্বাদশ শ্ৰেণীত উত্তীৰ্ণৰ হাৰ হৈছে 88.39 শতাংশ, যিটো পূৰ্বৰ বৰ্ষৰ তুলনাত 0.41% বেছি ।
চি বি এছ ইৰ দশম শ্ৰেণীৰ পৰীক্ষা এইবাৰ মুঠ ২৬,৬৭৫ খন বিদ্যালয়ক সামৰি ৭,৮৩৭ টা কেন্দ্ৰত অনুষ্ঠিত হৈছিল ।
পৰীক্ষাসমূহ ভাৰতৰ 7,842 কেন্দ্ৰ আৰু বিদেশৰ 26 টা স্থানত পুৱা 10.30 বজাৰ পৰা 1.30 বজালৈকে অনুষ্ঠিত হৈছিল ।
আনহাতে, চি বি এছ ইৰ দ্বাদশ শ্ৰেণীৰ পৰীক্ষাত ১৬ লাখতকৈ অধিক ছাত্ৰ-ছাত্ৰী অৱৰ্তীণ হয়, ইয়াৰে ১৪ লাখতকৈ অধিক ছাত্ৰ-ছাত্ৰীয়ে পৰীক্ষাত উত্তীৰ্ণ হয় ৷ অন্ধ্ৰ প্ৰদেশৰ বিজয়াৱাড়াত সৰ্বাধিক ৯৯.৬০ শতাংশ উত্তীৰ্ণ হয় ৷ ইফালে প্ৰায় ৮০ শতাংশ ছাত্ৰ-ছাত্ৰীৰ উৰ্ত্তীণৰ হাৰেৰে সৰ্বনিম্ন স্থানত আছে প্ৰয়াগৰাজ ৷
নিৰ্ধাৰিত সময়ৰ কমেও ৩০ মিনিট আগতে ছাত্ৰ-ছাত্ৰীসকলে পৰীক্ষা কেন্দ্ৰত উপস্থিত হোৱাৰ কথা আছিল আৰু উত্তৰ দিয়াৰ আগতে প্ৰশ্নকাকতৰ নিৰ্দেশনা ভালদৰে পঢ়িব লাগিছিল ৷ পৰীক্ষাগৃহৰ ভিতৰত নিষিদ্ধ সামগ্ৰীৰ তালিকাও ব’ৰ্ডে তালিকাভুক্ত কৰিছিল, য’ত আছিল মোবাইল ফোন, ব্লুটুথ ডিভাইচ, ইয়াৰফোন, স্মাৰ্টৱাচ্চ, কেমেৰা, অকৰ্তৃত্বশীল অধ্যয়ন সামগ্ৰী, মানিবেগ, হেণ্ডবেগ, চশমা আৰু পাউচ ৷
পূৰ্বৰ অনুমতি লোৱা ডায়েবেটিছ ৰোগীৰ বাহিৰে আন আন ছাত্ৰ-ছাত্ৰীয়ে পৰীক্ষা কেন্দ্ৰৰ ভিতৰলৈ খাদ্য আৰু পানীয় সামগ্ৰী নিয়াত নিষিদ্ধ কৰা হৈছিল ৷ পৰীক্ষাৰ দিনা ছাত্ৰ-ছাত্ৰীৰ সুবিধাৰ্থে দিল্লী মেট্ৰ’ ৰে’ল নিগমে চি আই এছ এফৰ সৈতে অংশীদাৰিত্বৰে বিশেষ সুবিধা প্ৰদানৰ ব্যৱস্থা ঘোষণা কৰিছিল ৷ মেট্ৰ’ ষ্টেচনত ফ্ৰিস্কিং আৰু টিকটৰ সময়ত ছাত্ৰ-ছাত্ৰীসকলক অগ্ৰাধিকাৰ দিয়া হৈছিল, য’ত ছাত্ৰ-ছাত্ৰীসকলক ভিৰৰ সময়ত সহায় কৰিবলৈ অতিৰিক্ত কৰ্মচাৰীও নিয়োগ কৰা হৈছিল ৷
