আৰু এজন BSF জোৱান শ্বহীদ হ'ল, দেশৰ বাবে প্ৰাণ দিলে দীপক চিংগাখামে

জম্মু : জম্মু-কাশ্মীৰৰ আৰ এছ পুৰাত আন্তঃৰাষ্ট্ৰীয় সীমান্তত পাকিস্তানৰ গোলাবৰ্ষণত আহত বি এছ এফৰ জোৱান দীপক চিংগাখামৰ দেওবাৰে মৃত্যু হয় । বি এছ এফে শ্বহীদ দীপকক তেওঁৰ পৰম ত্যাগক সশ্ৰদ্ধ প্ৰণাম জনায় ।

বি এছ এফ জম্মুৱে এক্সৰ এটা পোষ্টত কয়, ''বি এছ এফ কনিষ্টবল (জি ডি) দীপক চিংগাখামে জাতিৰ বাবে কৰা মহত্‍ সেৱা আৰু বলিদানৰ বাবে আমি প্ৰণাম জনাইছো । ২০২৫ চনৰ ১০ মে’ত জম্মুৰ আৰ এছ পুৰা ছেক্টৰত আন্তঃৰাষ্ট্ৰীয় সীমান্তত হোৱা গুলীচালনাৰ সময়ত তেওঁ গুৰুতৰভাৱে আঘাতপ্ৰাপ্ত হৈছিল আৰু ২০২৫ চনৰ ১১ মে’ত তেওঁ শ্বহীদ হয় । ডি জি বি এছ এফ আৰু সকলো ৰেংকে শ্বহীদ দীপক চিংগাখামৰ পৰিয়ালক গভীৰ সমবেদনা জ্ঞাপন কৰিলো ।''

বি এছ এফৰ কৰ্তৃপক্ষই জনোৱা মতে, সোমবাৰে পালৌৰাৰ ফ্ৰন্টিয়াৰ মুখ্য কাৰ্যালয় জম্মুত সম্পূৰ্ণ স-সন্মানেৰে মাল্যাৰ্পণ অনুষ্ঠান তথা শ্বহীদ দীপক চিংগাখামৰ শেষ শ্ৰদ্ধাঞ্জলি অনুষ্ঠান অনুষ্ঠিত কৰা হ’ব ।

ইতিমধ্যে সকলোৰে জ্ঞাত যে, জম্মু জিলাৰ আৰ এছ পুৰা ছেক্টৰত আন্তঃৰাষ্ট্ৰীয় সীমান্তত পাকিস্তানৰ গোলাবৰ্ষণত শনিবাৰে সীমান্ত সুৰক্ষা বাহিনীৰ উপ-পৰিদৰ্শক মহম্মদ ইমটিয়াজো শ্বহীদ হয় । ৮ আৰু ৯ মে’ৰ মাজৰ নিশা গোলাবৰ্ষণত আহত হৈছিল মহম্মদ ইমতিয়াজ । মহম্মদ ইমতিয়াজৰ পৰম বলিদানক বি এছ এফে প্ৰণাম জনাই শোকসন্তপ্ত পৰিয়াললৈ সমবেদনা জ্ঞাপন কৰে ।

পহলগাম সন্ত্ৰাসবাদী আক্ৰমণৰ প্ৰতিক্ৰিয়া স্বৰূপে পাকিস্তানৰ বিৰুদ্ধে চলোৱা অপাৰেশ্যন সেন্দূৰত ৫ ভাৰতীয় জোৱান শ্বহীদ হয় । দেওবাৰে সশস্ত্ৰ বাহিনীয়ে এক শ্বহীদ দীপক চিংগাখামৰ সংবাদমেলযোগে কয়, ''অপাৰেশ্যন সেন্দূৰত প্ৰাণ হেৰুৱা আমাৰ শ্বহীদ সতীৰ্থ আৰু ভাতৃক সশস্ত্ৰ বাহিনীৰ পাঁচজন আৰু সাধাৰণ নাগৰিকক আমি শ্ৰদ্ধাঞ্জলি জ্ঞাপন কৰিছো ।''