তেজপুৰ : ‘‘বগা সাগৰত হাজাৰ হাজাৰ গালোৰ মাজত হিমন্ত বিশ্ব শৰ্মা । তেওঁৰ উপস্থিতিয়ে ভগ্নী ৰাষ্ট্ৰ আৰু ইয়াৰ জনসাধাৰণৰ প্ৰতি প্ৰেমৰ উদাহৰণ দাঙি ধৰিছে ।’’ অসমৰ মুখ্যমন্ত্ৰী হিমন্ত বিশ্ব শৰ্মাক উদ্দেশ্যি এই মন্তব্য কৰে অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে ।
কিয়নো আজি (শনিবাৰ) অৰুণাচল প্ৰদেশৰ পশ্চিম চিয়াঙৰ গালোত আয়োজন কৰা হয় মোপিন উৎসৱৰ । এই উৎসৱত উপস্থিত থাকে অসমৰ মুখ্যমন্ত্ৰী ডঃ শৰ্মা । এই উৎসৱতে নিজৰ ভাষণত অৰুণাচল প্ৰদেশৰ মুখ্যমন্ত্ৰীগৰাকীয়ে আজি অসমৰ মুখ্যমন্ত্ৰী ডঃ শৰ্মাক উত্তৰ-পূৰ্বাঞ্চলৰ এগৰাকী গতিশীল নেতা তথা বৰ্তমান দেশৰ ৰাজনৈতিক পৰিস্থিতিৰ বিশিষ্ট ব্যক্তি বুলিও প্ৰশংসা কৰে ।
Mopin Agambe
— Himanta Biswa Sarma (@himantabiswa) April 5, 2025
It was a privilege for me to attend the Mopin festival earlier today. I am extremely grateful to Hon’ble Chief Minister Shri @PemaKhanduBJP Ji and the vibrant Galo community for inviting me to this celebration of Prakriti, Shakti and Samriddhi. pic.twitter.com/qhFGkDULhE
খাণ্ডুৱে কয়, ‘‘মোদীজী দেশৰ প্ৰধানমন্ত্ৰী আৰু হিমন্তজী অসমৰ মুখ্যমন্ত্ৰী হোৱাৰ পিছৰে পৰা সমগ্ৰ উত্তৰ-পূৰ্বাঞ্চলত শাসন ব্যৱস্থা আৰু উন্নয়নৰ গতিৰ সম্পূৰ্ণ পৰিৱৰ্তন দেখা গৈছে । ৰাজ্য হিচাপে অসমে এক উল্লেখযোগ্য ভূমিকা পালন কৰিছে । অসমত যিয়েই নহওক কিয়, ই আমাৰ সকলোকে প্ৰভাৱিত কৰে ।’’
Arunachal and Assam are tied by a deep-rooted civilisational heritage that goes back centuries.
— Himanta Biswa Sarma (@himantabiswa) April 5, 2025
The Mopin Festival underlines our bond with Mother Nature, a theme that has resonance in Assam’s society.
This exemplifies Ek Bharat Shreshtha Bharat! pic.twitter.com/4D8g0GrtCC
অৰুণাচলৰ মুখ্যমন্ত্ৰী পেমা খাণ্ডুৱে কয়, ‘‘দশক দশক ধৰি অসমক প্ৰভাৱিত কৰা, অসমৰ সৈতে দীঘলীয়া আন্তঃৰাজ্যিক সীমাৰেখা ভাগ কৰা অৰুণাচল প্ৰদেশত প্ৰভাৱ পেলোৱা বিদ্ৰোহ, হিমন্তৰ প্ৰচেষ্টা আৰু প্ৰধানমন্ত্ৰী আৰু গৃহমন্ত্ৰীৰ আশীৰ্বাদৰ বাবে প্ৰায় শেষ হৈছে ।’’
তেওঁ আৰু কয়, “বিদ্ৰোহ নোহোৱাৰ লগে লগে কেৱল অসমতে নহয়, উত্তৰ-পূবৰ সকলো ৰাজ্যতে চলি থকা উন্নয়নমূলক কামৰ আমি সকলোৱে সাক্ষী । হিমন্তৰ অধীনত অসম চৰকাৰৰ এডভাণ্টেজ আছাম পদক্ষেপে ৰাজ্যখনৰ বাবে গেম চেঞ্জাৰ হ’ব ৷ যিহেতু অসমক বিনিয়োগৰ কেন্দ্ৰ হিচাপে চিত্ৰিত কৰা হৈছে, সেয়েহে বিনিয়োগকাৰীয়ে অঞ্চলটোত নিজৰ ব্যৱসায় সম্প্ৰসাৰণ কৰিব বিচৰাৰ বাবে অঞ্চলটোৰ আন ৰাজ্যসমূহো লাভৱান হ’ব ।”
Live: Attending Mopin Festival, A vibrant and sacred celebration of the Galo Community at Aalo, West Siang District. https://t.co/cMUdWVg4pl
— Himanta Biswa Sarma (@himantabiswa) April 5, 2025
তেওঁ আৰু কয়, ”অসম আৰু অৰুণাচল প্ৰদেশৰ মাজত দশক দশক পুৰণি আন্তঃৰাজ্যিক সীমা বিবাদৰ সমাধানৰ বাবে ১৫ জুলাই, ২০২২ৰ ঐতিহাসিক নামছাই ঘোষণা সম্ভৱ হৈছে অসমৰ মুখ্যমন্ত্ৰীৰ সক্ৰিয় ভূমিকাৰ বাবেহে ।” ৰাজ্যবাসীৰ হৈ অসমৰ মুখ্যমন্ত্ৰীক কৃতজ্ঞতা প্ৰকাশ কৰি খাণ্ডুৱে লগতে কয়, ”হিমন্তজীৰ সহযোগিতাত প্ৰায় সকলো সীমা সমস্যা সমাধান হৈছে ।’’
Heartfelt Mopin greetings to my Galo brothers and sisters! May Anyi Pinku-Pinte shower everyone with health, happiness, and prosperity. As we celebrate with rice, rituals, and revelry, let’s cherish our traditions and the spirit of togetherness!#HappyMopin pic.twitter.com/AQPrciZEyE
— CMO Arunachal (@ArunachalCMO) April 5, 2025
ইফালে অসমৰ মুখ্যমন্ত্ৰী ডঃ হিমন্ত বিশ্ব শৰ্মাই তেওঁৰ ভাষণত সুধাকণ্ঠ ভাৰতৰত্ন ডঃ ভূপেন হাজৰিকাৰ গীতৰ কলি "চিয়াঙৰে গালং লুহিতৰে খামটি টিৰাপৰে ৱানচুৱে মোক কিয় মাতিছে ?’’ অসমীয়াতে গাই মোপিন উৎসৱত অৰুণাচলবাসীক সম্ভাষণ জনায় ।
- 'মোপিন' বা 'মুপিন' উৎসৱ -
'মোপিন' বা 'মুপিন' উৎসৱ অৰুণাচল প্ৰদেশৰ গালো জনগোষ্ঠীয়ে বিশেষকৈ পূব চিয়াং আৰু পশ্চিম চিয়াং জিলাত বাস কৰা গালো জনগোষ্ঠীয়ে পালন কৰে । ই কৃষিভিত্তিক এক উৎসৱ । গালো মাহত "লুমি আৰু "লুকি"ত অনুষ্ঠিত হোৱা কৃষি কৰ্মৰ বতৰৰ উদযাপন, যিটো মাৰ্চ–এপ্ৰিল আৰু গালো জনগোষ্ঠীৰ বাবে নতুন বছৰৰ সৈতে মিল খায় । গালো জনগোষ্ঠীয়ে ড’নি-প’লো ধৰ্ম অনুসৰণ কৰে ।
মোপিন উৎসৱে সকলো পৰিয়াল আৰু সমগ্ৰ সমাজৰ বাবে ধন-সম্পত্তি আৰু সমৃদ্ধি কঢ়িয়াই আনে বুলি বিশ্বাস কৰা হয় । মোপিন উৎসৱ উদযাপনৰ লগত জড়িত আচাৰ-ব্যৱহাৰে কু-ছাঁক অৰ্থাৎ বেয়াবোৰ খেদি পঠিয়াই সকলো মানৱ জাতিৰ বাবে আশীৰ্বাদ, শান্তি আৰু সমৃদ্ধি কঢ়িয়াই আনে । উৎসৱৰ সময়ত পূজা কৰা প্ৰধান দেৱীক 'মোপিন আনে' বুলি কোৱা হয় ।
Naru Vm Mopin Agam Bv💖
— Pema Khandu པདྨ་མཁའ་འགྲོ་། (@PemaKhanduBJP) April 5, 2025
Happy to celebrate the vibrant festival of Mopin with Hon’ble Chief Minister of Assam Dr. @himantabiswa Ji and Hon’ble CEM of Karbi Anglong Autonomous Council Dr. @TuliramRonghang Ji at Aalo!
The presence of our honoured guests added warmth and strength… pic.twitter.com/KFnK9RrjX3
উল্লেখ্য যে, শনিবাৰে অৰুণাচল প্ৰদেশৰ পশ্চিম চিয়াঙৰ গালোত আয়োজিত এই মোপিন উৎসৱত অসমৰ মুখ্যমন্ত্ৰীক সংগ দিয়ে কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য ড° তুলিৰাম ৰংহাঙে ।
Under the visionary leadership of Hon’ble PM Shri @narendramodi Ji and Himanta Ji, the North East is witnessing a new era of peace, development, and unity. Initiatives like the historic Namsai Declaration and Advantage Assam are paving the way for greater regional prosperity.
— Pema Khandu པདྨ་མཁའ་འགྲོ་། (@PemaKhanduBJP) April 5, 2025
On… pic.twitter.com/ZwZBt3NM3J
এই উৎসৱতে আয়োজিত এক সভাত অৰুণাচল প্ৰদেশৰ মুখ্যমন্ত্ৰী খাণ্ডুৱে দৈনিক বজাৰ নিৰ্মাণৰ বাবে ১৫ কোটি টকা আৰু পশ্চিম ছিয়াং জিলাৰ মুখ্য কাৰ্যালয় আলোত বহুমহলীয়া পাৰ্কিং লট নিৰ্মাণৰ বাবে ১০ কোটি টকাৰ অনুমোদনৰ কথাও ঘোষণা কৰে ।
