‘মোৰ জীৱনটো এখন খোলা কিতাপৰ দৰে’ : ৰাম মন্দিৰ বিতৰ্কৰ মাজতে মুখ খুলিলে চম্পত ৰায়ে

প্ৰতিক্ৰিয়া ব্যক্ত কৰাৰ সমান্তৰালকৈ ৰায়ে ইতিমধ্যে ৰাজহুৱা হোৱা এছআইটিৰ অন্তৱৰ্তীকালীন প্ৰতিবেদনক লৈ আপত্তি দৰ্শায় ৷ তেওঁৰ মতে এই প্ৰতিবেদন অতিকৈ গোপনীয় হোৱা উচিত আছিল ৷ তেওঁ কয়, ‘‘মই আপোনালোকক আশ্বস্ত কৰিছো যে এবাৰ এছআইটিৰ চূড়ান্ত প্ৰতিবেদন প্ৰকাশ পোৱাৰ পিছত মই মোৰ বিৰুদ্ধে প্ৰচাৰিত প্ৰতিটো অভিযোগৰ উত্তৰ দিম ৷ তেতিয়াই সত্য পোহৰলৈ আহিব ।’’

বিশ্ব হিন্দু পৰিষদৰ আন্তঃৰাষ্ট্ৰীয় উপ-সভাপতি চম্পত ৰায়ে কয়, ‘‘সংগঠনে মোক ১৯৯১ চনত অযোধ্যালৈ পঠিয়াইছিল । যোৱা ৪৫ বছৰত প্ৰচাৰক হিচাপে মোৰ জীৱন, য'তেই নাথাকো কিয় এখন খোলা কিতাপৰ দৰেই হৈ আহিছে ।’’

উল্লেখ্য যে, বিতৰ্কৰ পৰা সাৰি নগ’ল খোদ ভগৱান ৰাম ৷ অযোধ্যাস্থিত ৰাম মন্দিৰত ভক্তসকলে দান কৰা নগদ ধন আৰু মূল্যৱান সা-সামগ্ৰীৰ অপব্যৱহাৰ আৰু চুৰিৰ অভিযোগে সমগ্ৰ দেশতে আলোড়নৰ সৃষ্টি কৰিছে । অহা বছৰৰ আৰম্ভণিতে উত্তৰ প্ৰদেশত নিৰ্বাচন অনুষ্ঠিত হোৱাৰ কথা । যাৰ বাবে এই বিষয়টোৱে আৰু অধিক তাৎপৰ্য লাভ কৰিছে ৷ বিগত দশক ধৰি বিজেপিৰ দুৰ্গ হিচাপে পৰিচিত ৰাজ্যখনতে ৰাম মন্দিৰক কেন্দ্ৰ কৰি বিতৰ্কৰ সূচনা হৈছে ৷ মন্দিৰটোৰ সৈতে জড়িত আবেগে দলটোৰ নিৰ্বাচন জয়ৰ ক্ষেত্ৰত ধাৰাবাহিকভাৱে গুৰুত্বপূৰ্ণ ভূমিকা পালন কৰি আহিছে ।

লগতে পঢ়ক:ৱায়ানাডৰ ভূমিস্খলনত বহিঃৰাজ্যৰ তিনি শ্ৰমিকৰ মৃত্যু, মুখ্যমন্ত্ৰীৰ শোকপ্ৰকাশ