మేడ్చల్ జిల్లాలో నిన్న ఇంట్లో నుంచి వెళ్లిపోయిన ముగ్గురు విద్యార్థుల కోసం కుషాయిగూడ పోలీసులు ముమ్మరంగా గాలిస్తున్నారు. ఇటీవల పదో తరగతి పరీక్షలో మార్కులు తక్కువగా వచ్చాయనే మనస్తాపంతో ఒకే పాఠశాలకు చెందిన ముగ్గురు విద్యార్థులు ఇంట్లో నుంచి వెళ్లిపోయారు.
తల్లిదండ్రులు తమను కష్టపడి చదివిస్తున్నా ఫలితం లేకుండా పోయిందని ఆవేదన చెందిన ముగ్గురు విద్యార్థులు... ప్రయోజకులుగా తిరిగి రావాలని నిర్ణయించుకుని ఎవరకి చెప్పకుండా పరారయ్యారు. తమ గురించి ఎవరూ బెంగ పెట్టుకోవద్దని.. ముగ్గురు తమ ఇళ్లల్లో లేఖలు రాశారు.
విద్యార్థులు చరణ్‌, సామ్యూల్‌, హేమంత్‌ సాయికృష్ణ కోసం పోలీసులు ప్రత్యేక బృందాలతో గాలిస్తున్నారు. ముగ్గురు మీర్‌పేట్‌ హెచ్బీ కాలనీ నుంచి వెళ్లిన దృశ్యాలు సీసీ కెమెరాలో రికార్డయినట్లు పోలీసులు గుర్తించారు.
ఇదీ చూడండి : 'డబ్బులు పంచుతూ పోలీసులకు చిక్కాడు..
