వెస్టిండీస్తో జరిగిన నిర్ణయాత్మక టీ20లో 67 పరుగుల తేడాతో గెలిచింది టీమిండియా. కెప్టెన్ విరాట్ కోహ్లీ(71), కేఎల్ రాహుల్(91), రోహిత్ శర్మ(70) అర్ధశతకాలతో చెలరేగి, సిరీస్ కైవసం చేసుకోవడంలో కీలక పాత్ర పోషించారు. దీనితో పాటే ఈ మ్యాచ్లో అరుదైన రికార్డులు నమోదయ్యాయి.
మూడో టీ20లో కొన్ని రికార్డులు..
- విండీస్తో ఇప్పటివరకు టీమిండీయా 17 టీ20లు ఆడగా.. అందులో 10 మ్యాచ్ల్లో విజయం సాధించింది. ఆరింట్లో ఓడిపోగా.. ఓ మ్యాచ్ డ్రాగా ముగిసింది. కోహ్లీసేన కరీబియన్లపై 62.50 శాతం విజయాలను నమోదు చేసింది.
- కరీబియన్లపై ఎక్కువ పరుగుల అంతరంతో భారత్ గెలిచిన మ్యాచ్ల్లో ఇది రెండోది. అంతకుముందు 2018 నవంబరు 6న జరిగిన మ్యాచ్లో 71 పరుగుల తేడాతో గెలిచింది కోహ్లీసేన. టీమిండియా
- టీ20ల్లో ముగ్గురు టీమిండియా బ్యాట్స్మన్ 70కి పైగా పరుగులు చేయడం ఇదే తొలిసారి.
- విండీస్పై మొదటిసారి, వరుసగా మూడు ద్వైపాక్షిక టీ20 సిరీస్లు సొంతం చేసుకున్న జట్టుగా భారత్ ఘనత సాధించింది. 2018-19లో 3-0 తేడాతో, 2019 ఆగస్టులో 3-0 తేడాతో, ఇప్పుడు 2-1 తేడాతో సిరీస్లను కైవసం చేసుకుంది టీమిండియా.
- టీ20ల్లో వెస్టిండీస్పై రెండో అత్యధిక స్కోరు నమోదు చేసింది భారత్. బుధవారం జరిగిన మ్యాచ్లో 3 వికెట్ల నష్టానికి 240 పరుగులు చేసింది. అంతకుముందు 2016 ఆగస్టులో 244 పరుగులు చేసింది.
- కరీబియన్లపై అత్యధిక ఓపెనింగ్ భాగస్వామ్యం(135) నమోదైంది. రోహిత్ శర్మ(71)- రాహుల్(91) జోడీ.. బుధవారం జరిగిన మ్యాచ్లో ఈ ఘనత సాధించింది. అంతకుముందు 2018లో ధావన్-రోహిత్ 123 పరుగుల భాగస్వామ్యం నమోదుచేశారు.విరాట్ కోహ్లీ
- టీ20ల్లో రోహిత్ - రాహుల్.. 50 పరుగులకు మించి భాగస్వామ్యం నమోదు చేయడం ఇది ఐదోసారి.
- పొట్టి ఫార్మాట్లో విండీస్పై పవర్ప్లేలో అత్యధిక పరుగులు(72) చేశారు భారత బ్యాట్స్మెన్.
- టీ20ల్లో విండీస్పై 62.06 శాతం విజయాలతో విరాట్ కోహ్లీ ఘనత సాధించాడు. కోహ్లీ సారథ్యం వహించిన 30 టీ20ల్లో 18 గెలవగా.. 11 మ్యాచ్ల్లో ఓడింది టీమిండియా. ఒక మ్యాచ్లో ఫలితం తేలలేదు.
- పొట్టి ఫార్మాట్లో అత్యధికంగా 50కి పైగా పరుగులు చేసిన బ్యాట్స్మన్గా విరాట్కోహ్లీ(24) రికార్డు సృష్టించాడు. అతడి తర్వాత రోహిత్ శర్మ(23, 19 అర్ధశతకాలు, 4 సెంచరీలు) ఉన్నాడు.
- టీ20ల్లో అత్యధిక సగటుతో బ్యాటింగ్ చేసిన బ్యాట్స్మన్గా విరాటో కోహ్లీ(75 మ్యాచ్ల్లో 52.06 సగటు), రోహిత్ శర్మ(104 మ్యాచ్ల్లో 32.10 సగటు) రికార్డు సృష్టించారు.
- టీ20ల్లో ఓ సిరీస్లో అత్యధిక సిక్సర్లు నమోదు చేసిన భారత బ్యాట్స్మన్గా కోహ్లీ(13) ఘనత సాధించాడు.
- కెప్టెన్గా కోహ్లీ.. టీ20ల్లో 976 పరుగులు చేశాడు. 29 ఇన్నింగ్స్ల్లో 46.47 సగటుతో బ్యాటింగ్ చేశాడు. ఇందులో 8 అర్ధశతకాలు ఉన్నాయి.
- పొట్టి ఫార్మాట్లో 5 సార్లు 'ప్లేయర్ ఆఫ్ ద సిరీస్' అందుకున్నాడు విరాట్. ఇప్పటికి ఇదే రికార్డు.
- విండీస్ కెప్టెన్ పొలార్డ్.. అత్యుత్తమ వ్యక్తిగత స్కోరు నమోదు చేశాడు. 68 పరుగులతో నాలుగో టీ20 అర్ధశతకాన్ని సాధించాడు. భారత్పై అతడికిది రెండోది. కెప్టెన్గా ఇది అతడికి మొదటిది.
టీ20ల్లో ఇరుజట్ల సారథలు 50కిపైగా పరుగులు చేయడం ఇది పదోసారి. ఈ మ్యాచ్లో రెండు జట్లు కలిపి 28 సిక్సర్లు కొట్టారు. భారత్లో ఇది రెండో అత్యుత్తమం.
