స్వీడన్‌కు చెందిన యువ పర్యావరణవేత్త గ్రెటా థన్బర్గ్కు 'అంతర్జాతీయ బాలల శాంతి బహుమతి' వరించింది. పర్యావరణ పరిరక్షణకై థన్బర్గ్ చేస్తున్న పోరాటానికి ఈ అవార్డు లభించింది.
స్పెయిన్లో జరగనున్న ప్రపంచ వాతావరణ సదస్సులో పాల్గొనడానికి పయనమైన థన్బర్గ్... ఈ అవార్డును స్వయంగా స్వీకరించలేకపోయారు. కానీ అవార్డు దక్కడం ఎంతో గౌరవంగా ఉందన్నారు. థన్బర్గ్కు బదులుగా ఈ బహుమతిని జర్మన్కు చెందిన పర్యావరణవేత్త లూయిసా మేరీ అందుకున్నారు.
థన్బర్గ్తో పాటు ఆఫ్రికాలోని కామెరూన్ దేశానికి చెందిన 15ఏళ్ల దివినా మాలౌమ్కు కూడా ఈ అవార్డు దక్కింది. డచ్కు చెందిన బాలల హక్కుల సంస్థ 2005 నుంచి ఈ అవార్డును అందిస్తోంది.
'స్కూల్ స్ట్రైక్స్ ఫర్ ది క్లైమెట్' ఉద్యమంతో ఎంతో ప్రసిద్ధి చెందారు థన్బర్గ్. ప్రపంచవ్యాప్తంగా పదివేల మంది చిన్నారులు ఈ ఉద్యమంలో పాల్గొన్నారు.
