Miss Shetty Mr Polishetty Trailer : జాతి రత్నాలు ఫేమ్ హీరో నవీన్ పొలిశెట్టి - స్టార్ హీరోయిన్ అనుష్క శెట్టి కీలక పాత్రల్లో నటించిన సినిమా 'మిస్‌ శెట్టి మిస్టర్‌ పొలిశెట్టి'. ఈ సినిమా ట్రైలర్ను మూవీమేకర్స్ సోమవారం రిలీజ్ చేశారు. డీసెంట్ కామెడీతో ఉన్న ఈ ట్రైలర్ ప్రేక్షకులను ఆకట్టుకుంటోంది. 'రారా కృష్ణయ్య' ఫేమ్ దర్శకుడు.. మహేశ్ బాబు ఈ చిత్రాన్ని తెరకెక్కించారు. ఇక ట్రైలర్ చూస్తుంటే.. ఈ సినిమా ఫీల్గుడ్ లవ్స్టోరీ, కంప్లీట్ ఫ్యామిలీ ఎంటర్టైనర్గా ఉండనున్నట్లు తెలుస్తోంది. యూవీ క్రియేషన్స్ బ్యానర్పై వంశీకృష్ణ ఈ సినిమాను నిర్మించారు. కాగా సెప్టెంబర్ 7న ఈ సినిమా థియేటర్లలో గ్రాండ్గా విడుదల కానుంది.
- " class="align-text-top noRightClick twitterSection" data="">
ఈ సినిమాలో హీరో స్టాండప్ కమెడియన్గా, హీరోయిన్ ఫేమస్ చెఫ్ పాత్రలో కనిపించనున్నారు. 'తల్లి కావడానికి ప్రెగ్నెంట్ కావాలి కానీ పెళ్లి ఎందుకు', 'అమ్మాయిలకు అబ్బయిలంటే పెద్ద లిస్ట్ ఉంటుంది .. కానీ అబ్బాయిలకు ఇంత లిస్ట్ ఉండదు అమ్మాయి అయితే చాలు బ్రో', 'సీసీ కెమెరా ఉంది, వైరల్ అయిపోతాం' అనే డైలాగులు ట్రైలర్కు హైలైట్గా నిలిచాయి.
స్వతహాగా బతకాలనుకునే స్వభావం ఉన్న హీరోయిన్.. తల్లి అయ్యేందుకు పురుషుడి సహాయం కావాలనుకుంటుంది. కాగా కరెక్ట్ పర్సన్ను వెతికే క్రమంలో ఆమె.. హీరోను అప్రోచ్ అవుతుంది. ఇక వీరిద్దరి మధ్య ఏం జరుగుతుంది. వారి కెమిస్ట్రీ ఎలా ఉండనుందనేది తెరపై చూడాల్సిందే.
అయితే ఈ సినిమా విడుదల ఇప్పటికే రెండుసార్లు వాయిదా పడుతూ వచ్చింది. మొదట ఈ సినిమాను ఆగస్టు 4న, తర్వాత ఆగస్టు 18న రిలీజ్ చేయనున్నట్లు వార్తలు వచ్చాయి. కానీ పోస్ట్ ప్రొడక్షన్ పనుల వల్ల ఈ సినిమా విడుదల ఆలస్యమైనట్లు తెలుస్తోంది. ఇక దాదాపు 5 సంవత్సరాల తర్వాత స్వీటీ (అనుష్క)ను తెరపై చూడబోతున్నామని ఆమె ఫ్యాన్స్ సంబరాలు చేసుకుంటున్నారు. అనుష్క మెయిన్ రోల్లో చివరి సారిగా 2018లో 'భాగమతి' సినిమా చేశారు.
'జాతి రత్నాలు' సినిమాతో కరోనా టైమ్లో కూడా ప్రేక్షకులను థియేటర్లలోకి రప్పించారు నవీన్ పొలిశెట్టి. ఆ తర్వాత లీడ్ రోల్లో వస్తున్న చిత్రం ఇదే. ఇక నవీన్ కామెడీ టైమింగ్ గురించి ఇప్పటికే ఒక అవగాహన ఉన్న తెలుగు ఆడియెన్స్.. థియేటర్లలో సందడి చేసేందుకు రెడీ అవుతున్నారు. కాగా నవీన్ 'అనగనగా ఒక రాజు' సినిమా చేస్తున్నట్లు ఇప్పటికే ప్రకటించారు. ఈ సినిమాకు సంబంధించి ఓ వీడియో గ్లింప్స్ను కూడా వదిలారు. అప్పట్లో ఈ గ్లింప్స్ ఆడియెన్స్ను బాగా ఆకట్టుకుంది.
ఫన్నీ ఫన్నీగా మిస్‌ శెట్టి- మిస్టర్‌ పొలిశెట్టి టీజర్‌.. మీరు చూశారా?
అనుష్క-చరణ్-రవితేజ.. ఈ స్టార్స్ కొత్త మూవీస్ అప్డేట్స్ తెలుసా?
