దిల్లీలో లాక్డౌన్ను మే 31 ఉదయం 5 గంటల వరకు పొడిగిస్తూ ఆదేశాలు జారీ చేశారు ముఖ్యమంత్రి అరవింద్ కేజ్రీవాల్. మే 31 తర్వాత కేసులు తగ్గితే.. దశల వారీగా అన్లాక్ ప్రక్రియను ప్రారంభిస్తామని తెలిపారు.
"అందరికీ వ్యాక్సిన్ అందితే.. కరోనా మూడో దశ వ్యాప్తి తగ్గుతుంది. వీలైనంత త్వరగా అందరికీ టీకా అందించేందుకు కృషి చేస్తున్నాం. టీకాల కోసం దేశీయ, విదేశీ సంస్థలతో సంప్రదింపులు జరుపుతున్నాం."
-- అరవింద్ కేజ్రీవాల్, దిల్లీ ముఖ్యమంత్రి
దిల్లీలో ప్రస్తుతం కరోనా పాజిటివిటీ రేటు 2.5 శాతంగా ఉందని తెలిపారు కేజ్రీవాల్. కొత్తగా 1600 మందికి వైరస్ నిర్ధరణ అయిందని వెల్లడించారు.
ఇదీ చదవండి : యాస్ తుపాను సన్నద్ధతపై అధికారులతో మోదీ భేటీ
